സഹപാഠിയായ താ​ഴ്ന്ന ജാ​തി​ക്കാ​ര​നോ​ട് പ്ര​ണ​യം; പി​താ​വ് വി​ദ്യാ​ർ​ഥി​നി​യെ ക​ഴു​ത്തു​ഞെ​രി​ച്ച് കൊ​ന്നു

പ്ര​കാ​ശം: സ​ഹ​പാ​ഠി​യു​മാ​യു​ള്ള പ്ര​ണ​യ​ബ​ന്ധ​ത്തി​ന്‍റെ പേ​രി​ൽ പി​താ​വ് വി​ദ്യാ​ർ​ഥി​നി​യെ കൊ​ല​പ്പെ​ടു​ത്തി. ആ​ന്ധ്രാ പ്ര​ദേ​ശി​ലെ പ്ര​കാ​ശം ജി​ല്ല​യി​ലാ​ണ് സം​ഭ​വം. വൈ​ഷ്ണ​വി എ​ന്ന ഇ​രു​പ​തു​കാ​രി​യാ​ണു തി​ങ്ക​ളാ​ഴ്ച കൊ​ല്ല​പ്പെ​ട്ട​ത്.

അ​യ​ൽ​വാ​സി​ക​ളാ​ണ് വീ​ട്ടി​ൽ വൈ​ഷ്ണ​വി​യെ കൊ​ല്ല​പ്പെ​ട്ട നി​ല​യി​ൽ ക​ണ്ടെ​ത്തി​യ​ത്. വൈ​ഷ്ണ​വി​യു​ടെ പി​താ​വ് വെ​ങ്ക റെ​ഡ്ഡി​യെ പോ​ലീ​സ് ക​സ്റ്റ​ഡി​യി​ലെ​ടു​ത്തു. സ​ഹ​പാ​ഠി​യു​മാ​യു​ള്ള ബ​ന്ധ​ത്തി​ന്‍റെ പേ​രി​ൽ ത​ർ​ക്കം ഉ​ട​ലെ​ടു​ക്കു​ക​യും വൈ​ഷ്ണ​വി​യെ ക​ഴു​ത്തു​ഞെ​രി​ച്ച് കൊ​ല​പ്പെ​ടു​ത്തു​ക​യു​മാ​യി​രു​ന്നെ​ന്നാ​ണ് പോ​ലീ​സ് സം​ശ​യി​ക്കു​ന്ന​ത്. റെ​ഡ്ഡി​യെ പോ​ലീ​സ് ചോ​ദ്യം ചെ​യ്യു​ക​യാ​ണ്.

കൊ​ല​ക്കേ​സ് ര​ജി​സ്റ്റ​ർ ചെ​യ്ത​താ​യും ഫോ​റ​ൻ​സി​ക് റി​പ്പോ​ർ​ട്ടു​ക​ൾ ല​ഭി​ക്കു​ന്ന​തി​ന്‍റെ അ​ടി​സ്ഥാ​ന​ത്തി​ൽ കു​റ്റം ചു​മ​ത്തു​മെ​ന്നും പോ​ലീ​സ് അ​റി​യി​ച്ചു. വൈ​ഷ്ണ​വി​യു​മാ​യി ബ​ന്ധ​മു​ണ്ടെ​ന്ന് ആ​രോ​പി​ക്ക​പ്പെ​ടു​ന്ന യു​വാ​വ് താ​ഴ്ന്ന ജാ​തി​യി​ൽ പെ​ട്ട​യാ​ളാ​ണ്.

ഇ​യാ​ളു​മാ​യി കൂ​ടി​ക്കാ​ഴ്ച ന​ട​ത്ത​രു​തെ​ന്ന് പി​താ​വ് പെ​ണ്‍​കു​ട്ടി​യോ​ട് ആ​വ​ശ്യ​പ്പെ​ട്ടി​രു​ന്നെ​ങ്കി​ലും പെ​ണ്‍​കു​ട്ടി ഇ​ത് നി​ര​സി​ച്ചി​രു​ന്നു. യു​വാ​വി​നൊ​പ്പം ഒ​ളി​ച്ചോ​ടാ​ൻ പെ​ണ്‍​കു​ട്ടി പ​ദ്ധ​തി​യി​ട്ടി​രു​ന്ന​താ​യും പി​താ​വ് സം​ശ​യി​ച്ചി​രു​ന്നു. ഇ​താ​ണ് കൊ​ല​പാ​ത​ക​ത്തി​ലേ​ക്കു ന​യി​ച്ച​ത്.