വെ​യി​ലേ​റ്റ് വാ​ടാ​തെ ട്രാ​ഫി​ക് പോ​ലീ​സി​ന് ഡ്യൂ​ട്ടി ചെ​യ്യാം; ഉ​ള്ളു​ത​ണു​പ്പി​ക്കാ​ൻ കു​ടി​വെ​ള്ള​വും ത​ണ്ണി​മ​ത്ത​നു​മാ​യി പോ​ലീ​സ് അ​സോ​സി​യേ​ഷ​ൻ

സ്വ​ന്തം ലേ​ഖ​ക​ൻ
തൃ​ശൂ​ർ: ചു​ട്ടു​പൊ​ള്ളു​ന്ന വെ​യി​ലി​ൽ കു​ട​പോ​ലും ചൂ​ടാ​ൻ ക​ഴി​യാ​തെ, ത​ണ​ല​ത്തേ​ക്കൊ​ന്ന് മാ​റി​നി​ൽ​ക്കാ​ൻ ക​ഴി​യാ​തെ റോ​ഡി​ൽ ഡ്യൂ​ട്ടി ചെ​യ്യേ​ണ്ടി​വ​രു​ന്ന പാ​വം ട്രാ​ഫി​ക് പോ​ലീ​സു​കാ​രു​ടെ ദാ​ഹ​ശ​മ​ന​ത്തി​ന് കു​ടി​വെ​ള്ള​വും ത​ണ്ണി​മ​ത്ത​നു​മാ​യി പോ​ലീ​സ് അ​സോ​സി​യേ​ഷ​ൻ രം​ഗ​ത്ത്.

തൃ​ശൂ​ർ ന​ഗ​ര​ത്തി​ലെ മു​പ്പ​തോ​ളം പോ​യ​ന്‍റു​ക​ളി​ൽ രാ​വി​ലെ​യും വൈ​കീ​ട്ടും പോ​ലീ​സ് അ​സോ​സി​യേ​ഷ​ന്‍റെ നേ​തൃ​ത്വ​ത്തി​ൽ ദാ​ഹ​ശ​മ​ന​ത്തി​നും ചൂ​ടി​ൽ നി​ന്നു​ള്ള ര​ക്ഷ​യ്ക്കു​മു​ള്ള കു​ടി​വെ​ള്ള​വും നാ​ര​ങ്ങാ​വെ​ള്ള​വും ത​ണ്ണി​മ​ത്ത​നു​മ​ട​ക്ക​മു​ള്ള​വ എ​ത്തി​ക്കും.

ക​ഴി​ഞ്ഞ വ​ർ​ഷ​വും ഇ​ത്ത​ര​ത്തി​ൽ വെ​ള്ള​വും ത​ണ്ണി​മ​ത്ത​നും വി​ത​ര​ണം ചെ​യ്തി​രു​ന്നു. ചൂ​ടു​കാ​ലം ക​ഴി​യും വ​രെ ഇ​ത് ന​ൽ​കാ​നാ​ണ് അ​സോ​സി​യേ​ഷ​ൻ തീ​രു​മാ​നി​ച്ചി​രി​ക്കു​ന്ന​ത്.രൂ​ക്ഷ​മാ​യ ഗ​താ​ഗ​ത​ക്കു​രു​ക്ക​നു​ഭ​വ​പ്പെ​ടു​ന്ന തൃ​ശൂ​ർ ന​ഗ​ര​ത്തി​ലെ പ​ല ഭാ​ഗ​ത്തും ട്രാ​ഫി​ക് പോ​ലീ​സി​ന് ന​ടു​റോ​ഡി​ൽ നി​ന്നു​കൊ​ണ്ടു​ത​ന്നെ ഗ​താ​ഗ​തം നി​യ​ന്ത്രി​ക്കേ​ണ്ട​താ​യി വ​രാ​റു​ണ്ട്.

കൊ​ടും​ചൂ​ടി​ൽ നി​ന്ന് ര​ക്ഷ​നേ​ടാ​ൻ പ​ല​പ്പോ​ഴും യാ​തൊ​രു മാ​ർ​ഗ​വും ഇ​ല്ലാ​ത്ത സ്ഥി​തി​യാ​ണ്. രാ​വി​ലെ ഒ​ന്പ​തു​മ​ണി​യാ​കു​ന്പോ​ഴേ​ക്കും ചൂ​ട് കൂ​ടു​ന്ന ഇ​പ്പോ​ഴ​ത്തെ കാ​ലാ​വ​സ്ഥ​യി​ൽ ഉ​ച്ച​യാ​കു​ന്പോ​ഴേ​ക്കും വ​ല്ലാ​തെ ത​ള​ർ​ന്നു​പോ​കു​ന്ന സ്ഥി​തി​യാ​ണു​ള്ള​ത്.

ത​ണ്ണി​മ​ത്ത​നും വെ​ള്ള​വും ഉ​ള്ളു ത​ണു​പ്പി​ക്കാ​ൻ കി​ട്ടു​ന്ന​ത് വ​ലി​യ ആ​ശ്വാ​സ​മാ​ണെ​ന്ന് പോ​ലീ​സു​കാ​ർ പ​റ​യു​ന്നു. കു​ടി​വെ​ള്ള​ത്തി​ന്‍റെ വി​ത​ര​ണോ​ദ്ഘാ​ട​നം സി​റ്റി പോ​ലീ​സ് ക​മ്മീ​ഷ​ണ​ർ യ​തീ​ഷ് ച​ന്ദ്ര നി​ർ​വ​ഹി​ച്ചു. എ​സി​പി വി.​കെ.​രാ​ജു സം​ബ​ന്ധി​ച്ചു.