അതിര്‍ത്തിയില്‍ വിവിധ സംഘര്‍ഷങ്ങള്‍ നിലനില്‍ക്കുന്നതിനിടയില്‍ തന്നെ പൈലറ്റ് വിംഗ് കമാന്‍ഡറിനെ പാക്കിസ്ഥാന്‍ കസ്റ്റഡിയിലെടുത്തത് വലിയ രീതിയിലുള്ള അസ്വസ്ഥതയാണ് രാജ്യത്ത് സൃഷ്ടിച്ചിരിക്കുന്നത്. നിരവധി പ്രവര്‍ത്തനങ്ങള്‍ അദ്ദേഹത്തിന്റെ മോചനത്തിനായി നടന്നു വരുന്നുണ്ടെങ്കിലും അതൊന്നും തൃപ്തികരമല്ലെന്നാണ് പ്രതിപക്ഷം ആരോപിക്കുന്നത്.
പ്രമുഖ പ്രതിപക്ഷ നേതാക്കളെല്ലാം തന്നെ ഇക്കാര്യം ആവര്‍ത്തിച്ച് രംഗത്തെത്തുകയും ചെയ്തു. ഇപ്പോഴിതാ പ്രധാനമന്ത്രി നരേന്ദ്രമോദിയ്‌ക്കെതിരെ രൂക്ഷ വിമര്‍ശനവുമായി കോണ്‍ഗ്രസ് സോഷ്യല്‍മീഡിയ ഹെഡ് ദിവ്യ സ്പന്ദന രംഗത്തെത്തിയിരിക്കുന്നു.
‘നിങ്ങള്‍ പല്ല് തേച്ചോ, ഉറങ്ങിയോ, ഭക്ഷണം കഴിച്ചോ എന്നൊന്നും അറിയാന്‍ ഞങ്ങള്‍ക്ക് താല്‍പര്യമില്ലെന്നും അറിയേണ്ടത് വിംഗ് കമാന്ററെ എപ്പോള്‍ സുരക്ഷിതനായി നാട്ടില്‍ തിരിച്ചെത്തിക്കുമെന്നാണ്’. എന്നായിരുന്നു ദിവ്യ ട്വിറ്ററില്‍ കുറിച്ചത്.
സ്വന്തം ഫിറ്റ്നെസിനെ കുറിച്ച് പറയാന്‍ ട്വിറ്ററില്‍ ഓടിയെത്തുന്ന മോദി ഇന്നലെ കാണാതായ സൈനികനെ കുറിച്ച് ഒരക്ഷരം പോലും മിണ്ടിയിട്ടില്ല. തിരിച്ചടിച്ച സൈന്യത്തെ അഭിനന്ദിക്കാന്‍ മാത്രമാണ് മോദി തയ്യാറായത്. എന്നാല്‍ ആക്രമണത്തില്‍ രാജ്യത്തിന് വേണ്ടി ജീവന്‍ നഷ്ടമായവരെ കുറിച്ച് എന്തെങ്കിലും പറയാനോ അവരുടെ ജീവത്യാഗത്തില്‍ അപലപിക്കാനോ മോദി തയ്യാറായിട്ടില്ല. ദിവ്യ സ്പന്ദന പറയുന്നു.
We don’t want to know if you brushed your teeth or not or whether you slept or not or whether you ate or not we want to know when you’re bringing our wing commander back home safely. #MeraJawaanSabseMajboot
— Divya Spandana/Ramya (@divyaspandana) February 28, 2019
