ഇരിട്ടി(കണ്ണൂർ): വഴിയരികിൽനിന്നു സ്ഫോടക വസ്തു കടിച്ചെടുത്ത തെരുവുനായയുടെ തലപൊട്ടിത്തെറിച്ചു. ഇന്നു രാവിലെ 9.30 ഓടെ പടിയൂർ പൂവ്വം കല്യാടാണ് സംഭവം. തലശേരി-വളവുപാറ റോഡ് നിർമാണം നടത്തുന്ന ഇകെകെ ഗ്രൂപ്പിന്‍റെ റോഡ് നിർമാണ സാമഗ്രഹികൾ സൂക്ഷിക്കുന്നിടത്താണ് സ്ഫോടനം ഉണ്ടായത്.
സ്ഫോടക വസ്തു കടിച്ചെടുത്ത നായ പ്ലാന്‍റിനുള്ളിലേക്ക് എത്തുകയും സ്ഫോടനം ഉണ്ടാകുകയുമായിരുന്നു. ടാറിംഗ് മിക്സിംഗ് നടത്തുന്ന യൂണിറ്റ് ഉൾപ്പെടെയാണ് ഇവിടെ പ്രവർത്തിക്കുന്നത്. ഇരിക്കൂർ പോലീസ് സംഭവസ്ഥലത്ത് എത്തിയിട്ടുണ്ട്.
