മലയാളം സിനിമാ മേഖലയിൽ കഠിനാധ്വാനം ഒന്നുകൊണ്ട് മാത്രം തന്‍റെ പേര് എഴുതി ചേർത്ത താരമാണ് ടോവിനൊ തോമസ്. ചേറിയ വേഷങ്ങളിലൂടെ എത്തി ഇപ്പോൾ തിരക്കേറിയ മുൻനിര താരമായി മാറിയ ടോവിനോ വർഷങ്ങൾക്കു മുമ്പ് ഫേസ്ബുക്കിൽ കുറിച്ച വരികളാണ് ഇന്ന് സോഷ്യൽമീഡിയയിൽ തരംഗമാകുന്നത്.
2011 സിനിമയിൽ താരം തുടക്കം കുറിക്കുന്ന സമയമാണ് ഇത് കുറിച്ചത്. “ഇന്ന് നിങ്ങൾ എന്നെ വിഡ്ഡിയെന്ന് പരിഹസിക്കുമായിരിക്കും, കഴിവില്ലാത്തവൻ എന്ന് മുദ്രകുത്തി എഴുതി തള്ളുമായിരിക്കും. പക്ഷെ ഒരിക്കൽ ഞാൻ ഉയരങ്ങളിൽ എത്തുക തന്നെ ചെയ്യും. അന്ന് നിങ്ങൾ എന്നെയോർത്ത് അസൂയപ്പെടും. ഇതൊരു അഹങ്കാരിയുടെ ധാർഷ്ട്യമല്ല. വിഡ്ഡിയുടെ വിലാപവുമല്ല. മറിച്ച് ഒരു കഠിനാദ്ധ്വാനിയുടെ ആത്മവിശ്വാസമാണ്’. ടോവിനൊ കുറിച്ചു.
നിരവധി ചിത്രങ്ങളിലൂടെ മലയാളി മനസിൽ ഇടം നേടിയ താരം ധനുഷ് നായകനായി എത്തിയ മാരി 2വിലും പ്രധാന കഥാപാത്രത്തെ അവതരിപ്പിച്ചിരുന്നു. പൃഥ്വിരാജിന്‍റെ സംവിധാനത്തിലൊരുങ്ങുന്ന ലൂസഫറാണ് ടോവിനോയുടെതായി റിലീസ് ചെയ്യാനൊരുങ്ങുന്ന പുതിയ ചിത്രം. കൂടാതെ താരത്തിന്‍റെ നിരവധി ചിത്രങ്ങളും അണിയറയിലൊരുങ്ങുന്നുണ്ട്.
