പൃഥ്വിരാജിനെ അഭിനന്ദിച്ച് നടൻ സിദ്ധാർഥ്. മോഹൻലാലിനെ നായകനാക്കി പൃഥ്വിരാജ് സംവിധാനം ചെയ്യുന്ന ലൂസിഫറിന്‍റെ ട്രെയിലർ പുറത്തുവിട്ടിരുന്നു. ഇത് ഷെയർ ചെയ്താണ് സിദ്ധാർഥ് പൃഥ്വിരാജിനെ അഭിനന്ദിച്ച് ട്വിറ്ററിൽ കുറിച്ചത്.
“എനിക്കിത് നേരത്തെ അറിയാമായിരുന്നു. ഇനി ലോകവും അറിയും. പൃഥ്വിരാജ് സിനിമയ്ക്കായി ജനിച്ചവനാണ്. ലൂസിഫറിന്‍റെ ട്രെയിലർ അതിമനോഹരമായിരിക്കുന്നു. ഇത് കാണാൻ കാത്തിരിക്കാൻ വയ്യടാ മോനെ. മോഹൻലാൽ ഒരു ഡെമി ഗോഡ് സൂപ്പർസ്റ്റാർ തന്നെയാണ്. അതും തക്കതായ കാരണങ്ങൾ കൊണ്ട്’. സിദ്ധാർഥ് കുറിച്ചു.
