ചേ​ർ​ത്ത​ല പട്ടണം  ലഹരി മാഫിയയുടെ പിടിയിൽ; സന്ധ്യമയങ്ങിയാൽ പുറത്തിറങ്ങാൻ കഴിയാത്ത അവസ്ഥ;  നടപടിയെടുക്കാത്ത  പോലീസിനെതിരേ വ്യാപക പരാതി

ചേ​ർ​ത്ത​ല: ന​ഗ​ര​ത്തി​ന്‍റെ പ​ല​ഭാ​ഗ​ങ്ങ​ളി​ലും ക​ഞ്ചാ​വും നി​രോ​ധി​ത പു​ക​യി​ല ഉ​ൽ​പ​ന്ന​ങ്ങ​ളും ഉ​ൾ​പ്പെ​ടെ​യു​ള്ള ല​ഹ​രി​മ​രു​ന്ന് വി​ൽ​പ​ന വ്യാ​പ​ക​മാ​കു​ന്നു. ന​ഗ​ര​ത്തി​ലെ​യും പ​രി​സ​ര​പ്ര​ദേ​ശ​ങ്ങ​ളി​ലെ​യും പെ​ട്ടി​ക്ക​ട​ക​ൾ കേ​ന്ദ്രീ​ക​രി​ച്ചും ചി​ല​ർ സ്വ​യം വാ​ഹ​ക​രാ​യും ന​ട​ന്ന് ല​ഹ​രി വി​ൽ​പ​ന പൊ​ടി​പൊ​ടി​ക്കു​ന്പോ​ൾ പ്ര​തി​ക​ളെ ക​ണ്ടെ​ത്താ​ൻ പോ​ലീ​സി​ന് ക​ഴി​യു​ന്നി​ല്ലെ​ന്ന് പ​രാ​തി ഉ​യ​രു​ന്നു.

ചേ​ർ​ത്ത​ല വ​ട​ക്കേ അ​ങ്ങാ​ടി​യു​ടെ പ​രി​സ​രം, താ​ലൂ​ക്ക് ആ​ശു​പ​ത്രി, സെ​ന്‍റ് മേ​രീ​സ് പാ​ലം, സ്വ​കാ​ര്യ ബ​സ്റ്റാ​ന്‍റ് പ​രി​സ​ര​ത്തു​ള്ള കൊ​പ്രാ​ക്ക​ളം, എ​ന്നി​വ കേ​ന്ദ്രീ​ക​രി​ച്ച് വ​ൻ ക​ഞ്ചാ​വു വി​ൽ​പ​ന ന​ട​ക്കു​ന്നെ​ന്നാ​ണ് സൂ​ച​ന. ക​ഴി​ഞ്ഞ മൂ​ന്നു​മാ​സ​ങ്ങ​ളി​ലാ​യി വി​വി​ധ​യി​ട​ങ്ങ​ളി​ൽ നി​ന്നാ​യി എ​ക്സൈ​സും പോ​ലീ​സും ക​ഞ്ചാ​വ് പി​ടി​കൂ​ടി​യെ​ങ്കി​ലും ഇ​പ്പോ​ഴും ക​ഞ്ചാ​വ് ലോ​ബി​ക​ൾ സ​ജീ​വ​മാ​ണ്.

എ​റ​ണാ​കു​ളം, ആ​ലു​വ തു​ട​ങ്ങി​യ ഇ​ട​ങ്ങ​ളി​ൽ നി​ന്ന് ജി​ല്ല​യു​ടെ വ​ട​ക്കേ അ​തി​ർ​ത്തി​യാ​യ അ​രൂ​ർ വ​ഴി​യാ​ണ് മ​യ​ക്കു​മ​രു​ന്ന് ഉ​ൽ​പ​ന്ന​ങ്ങ​ൾ എ​ത്തു​ന്ന​ത്. കൂ​ടാ​തെ ട്രെ​യി​ൻ മാ​ർ​ഗ​വും വ​ൻ തോ​തി​ൽ ക​ഞ്ചാ​വും മ​യ​ക്കു​മ​രു​ന്നു​ക​ളും സി​റി​ഞ്ചു​ക​ളും ജി​ല്ല​യി​ലേ​ക്ക് ഒ​ഴു​കു​ന്നു​ണ്ട്. ക​ഴി​ഞ്ഞ അ​ഞ്ചു മാ​സ​ത്തി​നി​ടെ ആ​ല​പ്പു​ഴ, അ​രൂ​ർ, എ​ഴു​പു​ന്ന, തു​റ​വൂ​ർ മേ​ഖ​ല​ക​ളി​ൽ നി​ന്ന് നി​ര​വ​ധി പേ​രെ പോ​ലീ​സ് പി​ടി​കൂ​ടി​യി​രു​ന്നു.

മ​യ​ക്കു​മ​രു​ന്ന് വി​ത​ര​ണ രം​ഗ​ത്തേ​ക്ക് ക​ട​ന്നു​വ​രു​ന്ന​തി​ലേ​റെ​യും മ​യ​ക്കു​മ​രു​ന്ന് ഉ​പ​യോ​ക്താ​ക്ക​ളാ​ണ്. 20 രൂ​പ​യി​ൽ താ​ഴെ​യു​ള്ള ബ്രൂ​ഫി​നോ​ർ​ഫി​ൻ 500 രൂ​പ​യ്ക്കാ​ണ് വി​ൽ​ക്കു​ന്ന​ത്. പൂ​നെ, നാ​ഗ​ർ​കോ​വി​ൽ, ബം​ഗ​ളു​രൂ എ​ന്നി​വി​ട​ങ്ങ​ളി​ൽ നി​ന്നാ​ണ് മ​യ​ക്കു​മ​രു​ന്ന് കൂ​ടു​ത​ലും എ​ത്തു​ന്ന​തെ​ന്നാ​ണ് വി​വ​രം. ബ്രൂ​ഫി​നോ​ർ​ഫി​ൻ, ഡ​യ​സ്പാം ഇ​ന​ങ്ങ​ളി​ൽ​പ്പെ​ട്ട മ​രു​ന്നു​ക​ളാ​ണ് വ്യാ​പ​ക​മാ​യി വി​ത​ര​ണം ചെ​യ്യു​ന്ന​ത്.

കേ​ന്ദ്ര​സ​ർ​ക്കാ​ർ നി​രോ​ധി​ച്ച ഈ ​മ​രു​ന്നു​ക​ൾ ന​ർ​കോ​ട്ടി​ക് ലൈ​സ​ൻ​സ് ഉ​ള്ള​വ​ർ​ക്കേ സൂ​ക്ഷി​ക്കാ​നാ​കൂ. എ​ങ്കി​ലും പ​ല മെ​ഡി​ക്ക​ൽ സ്റ്റോ​റു​ക​ളി​ലും ഇ​വ ല​ഭ്യ​മാ​ണ്. പു​തി​യ ത​ല​മു​റ​യ്ക്ക് മ​ദ്യ​ത്തി​നേ​ക്കാ​ൾ പ്രി​യം ക​ഞ്ചാ​വി​നോ​ടാ​ണെ​ന്നാ​ണ് എ​ക്സൈ​സ് അ​ധി​കൃ​ത​ർ പ​റ​യു​ന്ന​ത്. ക​ഞ്ചാ​വ് ത​ല​ക്ക് പി​ടി​ച്ച് ല​ക്കു​കെ​ട്ട് വ​ണ്ടി​യോ​ടി​ച്ചാ​ലും പി​ടി​കൂ​ടാ​നു​ള്ള സം​വി​ധാ​നം പോ​ലീ​സ് സേ​ന​യ്ക്ക് ഇ​ല്ലാ​ത്ത​താ​ണ് പ്ര​ധാ​ന കാ​ര​ണം.

മ​ദ്യം ക​ഴി​ച്ചി​ട്ടു​ണ്ടോ എ​ന്ന് പ​രി​ശോ​ധി​ക്കാ​നു​പ​യോ​ഗി​ക്കു​ന്ന ബ്രീ​ത്ത് അ​ന​ലൈ​സ​റി​ൽ ക​ഞ്ചാ​വി​ന്‍റെ ല​ഹ​രി അ​ള​ക്കു​വാ​നു​ള്ള സൗ​ക​ര്യ​മി​ല്ല. ഇ​താ​ണ് വി​ദ്യാ​ർ​ത്ഥി​ക​ളെ ക​ഞ്ചാ​വി​ലേ​ക്ക് അ​ടു​പ്പി​ക്കു​ന്ന​തെ​ന്നാ​ണ് വി​ല​യി​രു​ത്ത​ൽ. മ​ട്ടാ​ഞ്ചേ​രി,അ​രൂ​ർ,വ​ടു​ത​ല,ഫോ​ർ​ട്ടു​കൊ​ച്ചി എ​ന്നി​വി​ട​ങ്ങ​ളി​ൽ നി​ന്നെ​ത്തു​ന്ന യു​വാ​ക്ക​ൾ മു​ഖേ​ന​യാ​ണ് പ്ര​ദേ​ശ​ത്ത് ക​ഞ്ചാ​വും മ​യ​ക്കു​മ​രു​ന്നും എ​ത്തു​ന്ന​തെ​ന്നാ​ണ് വി​വ​രം.

പോ​ലീ​സി​ന്‍റെ വ​ല​യി​ൽ ചി​ല​ർ വീ​ഴാ​റു​ണ്ടെ​ങ്കി​ലും ഇ​വ​രെ ശി​ക്ഷി​ക്കാ​ൻ ത​ക്ക അ​ള​വി​ൽ ക​ഞ്ചാ​വോ മ​തി​യാ​യ തെ​ളി​വു​ക​ളോ ല​ഭി​ക്കാ​ത്ത​തി​നാ​ൽ ജാ​മ്യ​ത്തി​ൽ വി​ട്ട​യ​ക്കു​ക​യാ​ണ് പ​തി​വ്. പി​ടി​ക്ക​പ്പെ​ടു​ന്ന​വ​രി​ല​ധി​ക​വും യു​വാ​ക്ക​ളും വി​ദ്യാ​ർ​ത്ഥി​ക​ളു​മാ​ണ്.

മ​യ​ക്കു​മ​രു​ന്ന്ക​ഞ്ചാ​വ് മാ​ഫി​യ​ക​ൾ​ക്കെ​തി​രെ പ്ര​തി​ക​രി​ക്കു​ന്ന​വ​രെ അ​ക്ര​മി​ക്കു​ന്ന​തും പ​തി​വാ​ണ്. പോ​ലീ​സും ജാ​ഗ്ര​താ സ​മി​തി​ക​ളു​മൊ​ക്കെ ഇ​തി​നെ​തി​രെ പ്ര​വ​ർ​ത്തി​ക്കു​ന്നു​ണ്ടെ​ങ്കി​ലും വേ​ണ്ട​ത്ര ഫ​ലം കാ​ണു​ന്നി​ല്ല. നേ​രം ഇ​രു​ട്ടി​യാ​ൽ ചേ​ർ​ത്ത​ല ന​ഗ​ര​ത്തി​ലെ ഇ​ട​റോ​ഡു​ക​ളും ആ​ളോ​ഴി​ഞ്ഞ സ്ഥ​ല​ങ്ങ​ളും മ​യ​ക്കു​മ​രു​ന്നു​മാ​ഫി​യ​ക​ളു​ടെ വി​ഹാ​ര കേ​ന്ദ്ര​മാ​ണ്.