ബോളിവുഡിലെ കൊച്ചുസുന്ദരി ആലിയ ഭട്ട് തന്നേക്കാൾ 27വയസ് കൂടുതലുള്ള ബോളിവുഡിലെ സൂപ്പർനായകൻ സൽമാൻഖാനെ പ്രണയിക്കുന്നു. സഞ്ജയ് ലീല ബൻസാലിയുടെ ഇൻഷാല്ലാഹ് എന്ന ചിത്രത്തിലാണ് ഇരുവരും ഒന്നിക്കുന്നത്.
സൽമാൻഖാനോടും സഞ്ജയ് ലീല ബൻസാലിയോടുമൊപ്പം ഒരു ചിത്രത്തിനുവേണ്ടി സഹകരിക്കാൻ അവസരം ലഭിച്ചതിന്‍റെ സന്തോഷത്തിലാണ് ആലിയ ഭട്ട് ഇപ്പോൾ. തന്നെ സംബന്ധിച്ച് ഇത് കരിയറിലെ ഏറ്റവും പ്രധാനപ്പെട്ടതായിരിക്കുമെന്ന് ആലിയ പറയുന്നു. 2020ലെ ഈദ് റിലീസ് ആയിട്ടായിരിക്കും ചിത്രം പ്രദർശനത്തിനെത്തുക.
അതേസമയം, ആലിയയേക്കാൾ ഏറെ പ്രായം കൂടിയ സൽമാൻ ഖാന്‍റെ നായികയായി ആലിയ അഭിനയിക്കുന്നതിനെ വിമർശിച്ചുകൊണ്ട് പലരും രംഗത്തുവന്നിട്ടുണ്ട്. എന്നാൽ വിമർശനങ്ങളൊന്നും താൻ കാര്യമാക്കുന്നില്ലെന്നാണ് ആലിയ പറയുന്നത്.
