ദിലീപിന്റേതായി ഇപ്പോള്‍ തിയറ്ററുകളില്‍ തകര്‍ത്തോടിക്കൊണ്ടിരിക്കുന്ന ചിത്രമാണ് കോടതി സമക്ഷം ബാലന്‍ വക്കീല്‍. ചിത്രത്തിന്റെ വിജയാഘോഷങ്ങളുടെ ഭാഗമായി നടന്ന ചടങ്ങിനിടയില്‍ വേദിയില്‍ സംസാരിക്കുന്നതിനിടെ ചിത്രത്തിലെ നായിക മംമ്ത മോഹന്‍ദാസ് സംസാരിക്കുന്നതിന്റെ വീഡിയോയാണിപ്പോള്‍ വൈറലായിരിക്കുന്നത്. അതിനൊരു കാരണവുമുണ്ട്. വീഡിയോയ്ക്കിടെ സ്റ്റേജില്‍ വച്ച് മംമ്ത ദിലീപിന് ഫ്‌ളൈയിംഗ് കിസ് കൊടുക്കുന്ന രംഗമാണ് ശ്രദ്ധേയമായത്.
ചടങ്ങില്‍ സംസാരിക്കുന്നതിനിടെ ചിത്രത്തിന്റെ സംവിധായകന്‍ ബി ഉണ്ണിക്കൃഷ്ണനെ തന്റെ സഹോദരനായി കാണുന്നുവെന്ന് പറഞ്ഞ മംമ്ത മൈക്ക് അവതാരികയ്ക്ക് തിരികെ നല്‍കുന്നതിനു തൊട്ടുമുമ്പായാണ് ദിലീപിന് സ്നേഹാദരമായി ഫ്ളൈയിങ് കിസ് നല്‍കിയത്. ഏറെ സന്തോഷത്തോടെ പ്രിയ സുഹൃത്തിന്റെ സ്നേഹം ദിലീപ് ഏറ്റുവാങ്ങുന്നതും വീഡിയോയില്‍ കാണാം. മലയാള സിനിമയില്‍ നിന്നും തനിക്ക് ലഭിച്ച അടുത്ത സുഹൃത്തുക്കളിലൊരാളാണ് മംമ്തയെന്നു ദിലീപും വേദിയില്‍ കയറിയപ്പോള്‍ എടുത്ത് പറയുകയും ചെയ്തു.
