കൂട്ടിൽ കിടന്ന സിംഹത്തെ തലോടിയ വിനോദസഞ്ചാരിയുടെ കൈയ്യിൽ സിംഹം കടിക്കുന്നതിന്‍റെ ദൃശ്യങ്ങൾ പുറത്ത്. സൗത്ത് ആഫ്രിക്കയിലാണ് സംഭവം. വേലിക്ക് മറുവശം കിടന്ന രണ്ട് സിംഹങ്ങളിൽ ഒന്നിനെ ഒരു വിനോദ സഞ്ചാരി തലോടുന്നതാണ് ദൃശ്യങ്ങളിൽ ആദ്യം.
സമീപമുണ്ടായിരുന്ന മറ്റൊരു സിംഹം പെട്ടന്ന് ഇദ്ദേഹത്തിന്‍റെ കൈകളിൽ കടിച്ചു. വേദന കൊണ്ട് പുളഞ്ഞ ഇദ്ദേഹത്തെ സമീപമുണ്ടായിരുന്ന ഭാര്യയാണ് രക്ഷപെടുത്തിയത്. ആശുപത്രിയിൽ പ്രവേശിപ്പിച്ചിരിക്കുന്ന ഇദ്ദേഹത്തിന്‍റെ കൈക്ക് ഗുരുതര പരിക്കാണുള്ളത്.
ഇദ്ദേഹത്തിന്‍റെ ഭാര്യയാണ് ഈ അപകടത്തിന്‍റെ ദൃശ്യങ്ങൾ പകർത്തിയത്. സോഷ്യൽമീഡിയയിൽ വൈറലായി മാറുന്ന വീഡിയോയ്ക്ക് പ്രതികരണമായി നിരവധിയാളുകൾ രംഗത്തെത്തിയിട്ടുണ്ട്.
