എസ്ര, കായംകുളം കൊച്ചുണ്ണി എന്നീ ചിത്രങ്ങളിലൂടെ ശ്രദ്ധിക്കപ്പെട്ട നടിയാണ് പ്രിയ ആനന്ദ്. താരത്തിന് എതിരേ വിചിത്ര ആരോപണം ഉയരുകയാണ്. പ്രിയയ്ക്കൊപ്പം അഭിനയിക്കുന്ന താരങ്ങള്‍ മരിക്കുമെന്നും താരമൊരു ദുശ്ശകുനം ആണെന്നുമായിരുന്നു സോഷ്യല്‍ മീഡിയയിലൂടെ ആരോ ഉയര്‍ത്തുകയും പിന്നീട് ആളുകള്‍ ഏറ്റെടുത്ത് പ്രചരിപ്പിക്കുകയും ചെയ്ത പ്രസ്താവന.
ഇംഗ്ലീഷ് വിംഗ്ലീഷിന്‍ ശ്രീദേവി പ്രിയ ആനന്ദിനൊപ്പം അഭിനയിച്ചു. ശ്രീദേവി ഇന്ന് ജീവനോടെ ഇല്ല. ജെ.കെ. റിതീഷ് എല്‍കെജില്‍ പ്രിയയ്ക്കൊപ്പം അഭിനയിച്ചു. അദ്ദേഹവും ഇല്ല. പ്രിയ ആനന്ദിനൊപ്പം ആര് അഭിനയിച്ചാലും അവര്‍ മരിക്കുന്നു. പ്രിയ തന്റെ സഹതാരങ്ങള്‍ക്ക് അപലക്ഷണമാണോ?’ ട്വീറ്റിലൂടെ വിമര്‍ശകന്‍ പറഞ്ഞു. എന്നാല്‍ വിമര്‍ശകന്റെ കണ്ടെത്തലിന് മറുപടിയുമായി താരം തന്നെ നേരിട്ട് രംഗത്തെത്തിയിരിക്കുകയാണ്.
താന്‍ ഇത്തരക്കാര്‍ക്ക് മറുപടി കൊടുക്കാറില്ലെന്നും എന്നാല്‍ ഇത് തീര്‍ത്തും മോശമായിപ്പോയി എന്നും താരം കുറിച്ചു. സോഷ്യല്‍ മീഡിയയിലൂടെ എന്ത് വൃത്തികേടും പറയാന്‍ എളുപ്പമാണെന്നും ഇത് ഏറ്റവും താഴെയാണെന്നുമായിരുന്നു മറുപടി. താന്‍ ഇംഗ്ലീഷ് വിംഗ്ലീഷും എല്‍കെജിയും ഇന്ന് കണ്ടെന്നും അപ്പോഴാണ് ഇങ്ങനെയൊരു സംശയം ഉണ്ടായത് എന്നുമായിരുന്നു അയാളുടെ മറുപടി. താരം ട്വീറ്റ് വായിക്കുമെന്നും താന്‍ ചിന്തിച്ചില്ലെന്നും വിഷമിപ്പിച്ചതിന് ക്ഷമ ചോദിക്കുന്നതായും വിമര്‍ശകന്‍ കുറിച്ചു
Sridevi acted with @PriyaAnand in ENGLISH VINGLISH. @SrideviBKapoor is no more now. JK Rithish acted with Priya Anand in LKG. JK Rithish is no more now. WHOEVER ACTS WITH PRIYA ANAND, THEY R DYING. Is PRIYA ANAND a symbol of BAD LUCK for her costars? @RJ_Balaji
— Aanalagan (@lovel0velove143) April 21, 2019
