ഇ​രി​ക്കൂ​ർ സി​ദ്ദീ​ഖ് ന​ഗ​റി​ലെ കുഞ്ഞാമിന കൊല്ലപ്പെട്ടിട്ട് മൂന്നു വർഷം; പ്ര​തി​ക​ൾ കാ​ണാ​മ​റ​യ​ത്ത്

എം.​വി. അ​ബ്ദു​ൾ റൗ​ഫ്

ശ്രീ​ക​ണ്ഠ​പു​രം: ഇ​രി​ക്കൂ​ർ സി​ദ്ദീ​ഖ് ന​ഗ​റി​ലെ പ​രേ​ത​നാ​യ നി​ട്ടൂ​ർ മൊ​യ്തീ​ന്‍റെ ഭാ​ര്യ സ​ബീ​നാ മ​ൻ​സി​ലി​ൽ കു​ഞ്ഞാ​മി​ന കൊ​ല്ല​പ്പെ​ട്ട് മൂ​ന്ന് വ​ർ​ഷ​ത്തോ​ള​മാ​യി​ട്ടും പ്ര​തി​ക​ൾ ഇ​പ്പോ​ഴും കാ​ണാ​മ​റ​യ​ത്ത്. നാ​ട്ടു​കാ​രു​ടെ​യും ആ​ക്ഷ​ൻ ക​മ്മി​റ്റി​യു​ടെ​യും ശ​ക്ത​മാ​യ പ്ര​ക്ഷോ​ഭ​ത്തെ​ത്തു​ട​ർ​ന്ന് ആ​ദ്യ നാ​ളു​ക​ളി​ൽ മി​ക​ച്ച രീ​തി​യി​ൽ അ​ന്വേ​ഷ​ണം ന​ട​ന്നി​രു​ന്നെ​ങ്കി​ലും ഇ​പ്പോ​ൾ അ​ന്വേ​ഷ​ണം നി​ല​ച്ച​മ​ട്ടാ​ണ്.

ഇ​രി​ക്കൂ​ർ എ​സ്ഐ കെ.​വി.​മ​ഹേ​ഷി​ന്‍റെ നേ​തൃ​ത്വ​ത്തി​ലാ​ണ് ആ​ദ്യം കേ​സ​ന്വേ​ഷ​ണം ന​ട​ത്തി​യി​രു​ന്ന​തെ​ങ്കി​ലും നാ​ട്ടു​കാ​ർ ക​ർ​മ​സ​മി​തി രൂ​പീ​ക​രി​ച്ച് പ്ര​ക്ഷോ​ഭം തു​ട​ങ്ങി​യ​തോ​ടെ അ​ന്വേ​ഷ​ണം മ​ട്ട​ന്നൂ​ർ സി​ഐ ഷ​ജു ജോ​സ​ഫ് ഏ​റ്റെ​ടു​ത്തു. തു​ട​ർ​ന്ന് ജി​ല്ലാ പോ​ലീ​സ് ചീ​ഫി​ന്‍റെ സ്ക്വാ​ഡി​നെ​യും ഉ​ൾ​പ്പെ​ടു​ത്തി അ​ന്വേ​ഷ​ണ സം​ഘം വി​പു​ലീ​ക​രി​ച്ചു. പ്ര​തി​ക​ൾ​ക്കാ​യി കേ​ര​ള​ത്തി​ന് പു​റ​ത്തേ​ക്ക് അ​ന്വേ​ഷ​ണം വ്യാ​പി​പ്പി​ച്ചെ​ങ്കി​ലും പി​ടി​കൂ​ടാ​ൻ ക​ഴി​ഞ്ഞി​ല്ല.

അ​ന്വേ​ഷ​ണം സി​ബി​ഐ​ക്ക് കൈ​മാ​റ​ണ​മെ​ന്നാ​വ​ശ്യ​പ്പെ​ട്ട് ര​ണ്ട് മാ​സം മു​മ്പ് കു​ഞ്ഞാ​മി​ന​യു​ടെ മ​ക​ൻ മു​ഹ​മ്മ​ദ് ഹൈ​ക്കോ​ട​തി​യെ സ​മീ​പി​ച്ചെ​ങ്കി​ലും പ്ര​തി​ക​ളെ തി​രി​ച്ച​റി​ഞ്ഞ​താ​യും ഉ​ട​ൻ പി​ടി​യി​ലാ​കു​മെ​ന്നും അ​ന്വേ​ഷ​ണ സം​ഘം കോ​ട​തി​യി​ൽ വ്യ​ക്ത​മാ​ക്കി. ഇ​തോ​ടെ സി​ബി​ഐ അ​ന്വേ​ഷ​ണ ആ​വ​ശ്യം ത​ൽ​ക്കാ​ലം നി​രാ​ക​രി​ച്ച കോ​ട​തി ആ​റ് മാ​സ​ത്തി​നു​ള്ളി​ൽ പ്ര​തി​ക​ളെ അ​റ​സ്റ്റ് ചെ​യ്തി​ല്ലെ​ങ്കി​ൽ ഹ​ർ​ജി​ക്കാ​ര​ന് വീ​ണ്ടും കോ​ട​തി​യെ സ​മീ​പി​ക്കാ​മെ​ന്ന് വ്യ​ക്ത​മാ​ക്കു​ക​യാ​യി​രു​ന്നു.

പ്ര​തി​ക​ൾ ഗു​ജ​റാ​ത്ത് സ്വ​ദേ​ശി​ക​ൾ
ഗു​ജ​റാ​ത്ത് സൂ​റ​റ്റ് സ്വ​ദേ​ശി​ക​ളാ​യ ഫ​രീ​ദ (50), മ​ക്ക​ളാ​യ ആ​യി​ഷ (24), ഇ​മ്രാ​ൻ (22) എ​ന്നി​വ​രാ​ണ് പ്ര​തി​ക​ൾ. മ​ല​യാ​ള​വും ഇം​ഗ്ലീ​ഷും ഉ​ൾ​പ്പെ​ടെ​യു​ള്ള ഭാ​ഷ​ക​ൾ ന​ന്നാ​യി സം​സാ​രി​ക്കാ​ൻ ക​ഴി​വു​ള്ള​വ​രാ​ണ് പ്ര​തി​ക​ൾ. പ്ര​തി​ക​ളെ​ത്തേ​ടി അ​ന്വേ​ഷ​ണ സം​ഘം എ​ട്ട് സം​സ്ഥാ​ന​ങ്ങ​ളി​ൽ ഇ​തി​നോ​ട​കം എ​ത്തി​യെ​ങ്കി​ലും ക​ണ്ടെ​ത്താ​ൻ ക​ഴി​ഞ്ഞി​ട്ടി​ല്ല. മ​ല​യാ​ളം, ഗു​ജ​റാ​ത്തി, ത​മി​ഴ്, ക​ന്ന​ട, തെ​ലു​ങ്ക് ഭാ​ഷ​ക​ളി​ൽ പ്ര​തി​ക​ൾ​ക്കാ​യി കേ​ര​ള പോ​ലീ​സ് ലു​ക്കൗ​ട്ട് നോ​ട്ടീ​സ് പു​റ​പ്പെ​ടു​വി​ച്ചി​ട്ടു​ണ്ട്.

കൊ​ല ന​ട​ന്ന​ത് 2016 ഏ​പ്രി​ൽ 30 ന്
2016 ​ഏ​പ്രി​ൽ 30നാ​ണ് ക​വ​ർ​ച്ച​ക്കി​ടെ കു​ഞ്ഞാ​മി​ന കൊ​ല്ല​പ്പെ​ട്ട​ത്. ജോ​ലി​ക്ക് പോ​യി​രു​ന്ന മ​ക​ൻ ഉ​മ്മ​ർ വൈ​കു​ന്നേ​രം 6.30 ഓ​ടെ വീ​ട്ടി​ൽ തി​രി​ച്ചെ​ത്തി​യ​പ്പോ​ൾ വീ​ട് തു​റ​ന്നി​ട്ട നി​ല​യി​ലാ​യി​രു​ന്നു. വീ​ട്ടി​ലും പ​രി​സ​ര​ങ്ങ​ളി​ലും തെ​രെ​ഞ്ഞെ​ങ്കി​ലും കു​ഞ്ഞാ​മി​ന​യെ ക​ണ്ടെ​ത്താ​ൻ ക​ഴി​ഞ്ഞി​ല്ല. വ​ർ​ത്ത​മാ​നം പ​റ​യു​ന്ന​തി​നാ​യി കു​ഞ്ഞാ​മി​ന ഇ​വ​രു​ടെ ത​ന്നെ ഉ​ട​മ​സ്ഥ​ത​യി​ലു​ള്ള ക്വാ​ർ​ട്ടേ​ഴ്സി​ൽ സാ​ധാ​ര​ണ പോ​കാ​റു​ണ്ടാ​യി​രു​ന്നു.

ഇ​തേ​ത്തു​ട​ർ​ന്ന് ഉ​മ്മ​ർ ഇ​വി​ടെ എ​ത്തി​യെ​ങ്കി​ലും ക്വാ​ർ​ട്ടേ​ഴ്സ് പൂ​ട്ടി​യ നി​ല​യി​ലാ​യി​രു​ന്നു. ഇ​വി​ടെ വാ​ട​ക​യ്ക്ക് താ​മ​സി​ക്കു​ന്ന മൂ​വ​ർ സം​ഘ​ത്തെ​ക്കു​റി​ച്ച് വി​വ​ര​മൊ​ന്നും ല​ഭി​ക്കാ​താ​യ​തോ​ടെ സ​മീ​പ​വാ​സി​ക​ളു​ടെ സ​ഹാ​യ​ത്തോ​ടെ ക്വാ​ർ​ട്ടേ​ഴ്സ് തു​റ​ന്ന് പ​രി​ശോ​ധി​ച്ച​പ്പോ​ഴാ​ണ് കു​ഞ്ഞാ​മി​ന​യെ കൊ​ല്ല​പ്പെ​ട്ട നി​ല​യി​ൽ ക​ണ്ടെ​ത്തി​യ​ത്. വാ​യി​ൽ തു​ണി തി​രു​കി പ്ലാ​സ്റ്റ​ർ ഒ​ട്ടി​ച്ച് ക​സേ​ര​യി​ൽ കെ​ട്ടി​യി​ട്ട നി​ല​യി​ലാ​യി​രു​ന്നു മൃ​ത​ദേ​ഹം. വ​യ​റി​ലും ശ​രീ​ര​ത്തി​ന്‍റെ വി​വി​ധ ഭാ​ഗ​ങ്ങ​ളി​ലു​മാ​യി 19 കു​ത്തേ​റ്റി​രു​ന്നു. മാ​ല​യും ക​മ്മ​ലും ഉ​ൾ​പ്പെ​ടെ കു​ഞ്ഞാ​മി​ന ധ​രി​ച്ചി​രു​ന്ന 10 പ​വ​ൻ സ്വ​ർ​ണാ​ഭ​ര​ണ​ങ്ങ​ളും ന​ഷ്ട​പ്പെ​ട്ടി​രു​ന്നു.

അ​ന്വേ​ഷ​ണം വാ​ട​ക​ക്കാ​രെ കേ​ന്ദ്രീ​ക​രി​ച്ച്
ക്വാ​ർ​ട്ടേ​ഴ്സി​ൽ ഒ​രു മാ​സം മു​മ്പ് വാ​ട​ക​ക്ക് താ​മ​സി​ക്കാ​നെ​ത്തി​യ ഗു​ജ​റാ​ത്ത് സ്വ​ദേ​ശി​ക​ളാ​യ മൂ​വ​ർ സം​ഘം അ​ന്ന് രാ​വി​ലെ 9.30 ഓ​ടെ ക്വാ​ർ​ട്ടേ​ഴ്സ് ഒ​ഴി​ഞ്ഞ് പോ​യി​രു​ന്ന​താ​യി പ്രാ​ഥ​മി​ക അ​ന്വേ​ഷ​ണ​ത്തി​ൽ ത​ന്നെ പോ​ലീ​സി​ന് വ്യ​ക്ത​മാ​യി. രാ​വി​ലെ 8 നും 9.30 ​നും ഇ​ട​യി​ലാ​ണ് സം​ഭ​വം ന​ട​ന്ന​തെ​ന്ന് പോ​സ്റ്റ്മോ​ർ​ട്ട​ത്തി​ലും സ്ഥി​രീ​ക​രി​ച്ചു. വാ​യി​ൽ തു​ണി തി​രു​കി​യ​ത് കാ​ര​ണം നി​ല​വി​ളി​ക്കാ​ൻ പോ​ലു​മാ​കാ​തെ മ​ണി​ക്കൂ​റു​ക​ളോ​ളം ര​ക്തം വാ​ർ​ന്നാ​യി​രു​ന്നു കു​ഞ്ഞാ​മി​ന​യു​ടെ മ​ര​ണം.

മു​സ്‌​ലിം വേ​ഷ​ധാ​രി​ക​ളാ​യി ക്വാ​ർ​ട്ടേ​ഴ്സി​ൽ താ​മ​സി​ച്ചി​രു​ന്ന സം​ഘ​ത്തി​ലെ യു​വാ​വ് ഇ​ല്യാ​സ് എ​ന്നാ​ണ് വീ​ട്ടു​കാ​രെ സ്വ​യം പ​രി​ച​യ​പ്പെ​ടു​ത്തി​യി​രു​ന്ന​ത്. മൂ​വ​രും വ്യാ​ജ പേ​രും മേ​ൽ​വി​ലാ​സ​വു​മാ​യി​രു​ന്നു ഇ​വി​ടെ ന​ൽ​കി​യി​രു​ന്ന​തെ​ന്ന് ആ​ദ്യ അ​ന്വേ​ഷ​ണ​ത്തി​ൽ ത​ന്നെ പോ​ലീ​സ് ക​ണ്ടെ​ത്തി. കു​ഞ്ഞാ​മി​ന കൊ​ല്ല​പ്പെ​ട്ട ദി​വ​സം ഇ​വ​ർ സ്ഥ​ല​ത്ത് നി​ന്ന് അ​പ്ര​ത്യ​ക്ഷ​മാ​യ​തോ​ടെ ഇ​വ​ർ ത​ന്നെ​യാ​ണ് കൊ​ല​പാ​ത​ക​ത്തി​ന് പി​ന്നി​ലെ​ന്ന് പോ​ലീ​സി​ന് വ്യ​ക്ത​മാ​യി.

പോ​ലീ​സ് നാ​യ മ​ണം പി​ടി​ച്ച് ക്വാ​ർ​ട്ടേ​ഴ്സി​ന് പി​റ​കി​ലൂ​ടെ 100 മീ​റ്റ​ർ ഓ​ടി നി​ന്ന​ത​ല്ലാ​തെ കാ​ര്യ​മാ​യ തു​മ്പൊ​ന്നും ആ​ദ്യ ഘ​ട്ട​ത്തി​ൽ പോ​ലീ​സി​ന് ല​ഭി​ച്ചി​ല്ല. കൊ​ല ന​ട​ന്ന ദി​വ​സം ഇ​രി​ക്കൂ​രി​ൽ നി​ന്ന് ഓ​ട്ടോ​റി​ക്ഷ​യി​ൽ രാ​വി​ലെ 10.45 ഓ​ടെ മ​ട്ട​ന്നൂ​രി​ലെ​ത്തി​യ മൂ​വ​ർ സം​ഘം ഇ​തു​വ​ഴി ര​ക്ഷ​പ്പെ​ടു​ക​യാ​യി​രു​ന്നു. ഇ​വ​ർ ഇ​വി​ടെ പ്ര​കാ​ശ് ജം​ക്ഷ​നി​ൽ നി​ൽ​ക്കു​ന്ന സി​സി​ടി​വി ദൃ​ശ്യം പോ​ലീ​സി​ന് ല​ഭി​ച്ചി​രു​ന്നു.

കൊ​ല​പാ​ത​ക​ത്തി​ന് ശേ​ഷം സം​ഘം മ​ഹാ​രാ​ഷ്ട്ര​യി​ലേ​ക്കാ​ണ് പോ​യ​തെ​ന്ന് മൊ​ബൈ​ൽ ന​മ്പ​ർ കേ​ന്ദ്രീ​ക​രി​ച്ച് ന​ട​ത്തി​യ അ​ന്വേ​ഷ​ണ​ത്തി​ൽ വ്യ​ക്ത​മാ​യി. മെ​യ് അ​ഞ്ച് മു​ത​ൽ 15 വ​രെ ഇ​വി​ടെ റാ​യ്ഗു​ഡി​ലെ ഹോ​ട്ട​ലി​ൽ ത​മ​സി​ച്ചി​രു​ന്ന സം​ഘം തു​ട​ർ​ന്ന് ഗു​ജ​റാ​ത്തി​ലെ സൂ​റ​റ്റി​ലു​മെ​ത്തി. ബം​ഗ​ളു​രു സ്വ​ദേ​ശി​യാ​യ കൗ​ൺ​സി​ല​റി​ൽ നി​ന്ന് തു​ണി​ക​ൾ ഇ​റ​ക്കി​ത്ത​രാ​മെ​ന്ന് പ​റ​ഞ്ഞ് ഇ​വി​ടേ​ക്ക് വി​ളി​ച്ച് വ​രു​ത്തി 60000 രൂ​പ​യും സം​ഘം ഇ​തി​നി​ടെ ത​ട്ടി​യി​രു​ന്നു.

ഇ​വി​ടു​ന്ന് രാ​ജ​സ്ഥാ​നി​ലെ അ​ജ്മീ​റി​ലെ​ത്തി​യ സം​ഘം 21 മു​ത​ൽ വീ​ണ്ടും റാ​യ്ഗു​ഡി​ലെ ഹോ​ട്ട​ലി​ൽ താ​മ​സി​ച്ചി​രു​ന്നു. എ​ന്നാ​ൽ ഇ​തി​ന് ശേ​ഷം ഇ​വ​ർ എ​ങ്ങോ​ട്ട് പോ​യെ​ന്ന​തി​നെ​ക്കു​റി​ച്ച് വ്യ​ക്ത​മാ​യ വി​വ​ര​മൊ​ന്നും പോ​ലീ​സി​ന് ല​ഭി​ച്ചി​ട്ടി​ല്ല. മെ​യ് 24 വ​രെ ഇ​വ​ർ ഉ​പ​യോ​ഗി​ച്ചി​രു​ന്ന മൊ​ബൈ​ൽ ന​മ്പ​ർ കേ​ന്ദ്രീ​ക​രി​ച്ചാ​ണ് അ​ന്വേ​ഷ​ണം ന​ട​ത്തി​യി​രു​ന്ന​തെ​ങ്കി​ലും തു​ട​ർ​ന്ന് ഫോ​ൺ സ്വി​ച്ച് ഓ​ഫ് ചെ​യ്യു​ക​യാ​യി​രു​ന്നു.

കൊ​ല​പാ​ത​ക​ത്തി​ന് ശേ​ഷം ഇ​വ​രു​ടെ മൊ​ബൈ​ലി​ലേ​ക്ക് വി​ളി​ച്ചി​രു​ന്ന​താ​യി ക​ണ്ടെ​ത്തി​യ ബം​ഗ​ളു​രു സ്വ​ദേ​ശി​യാ​യ ശ്രീ​നി​വാ​സ​നെ​ത്തേ​ടി അ​ന്വേ​ഷ​ണ സം​ഘം ഇ​വി​ടെ​യു​മെ​ത്തി​യി​രു​ന്നെ​ങ്കി​ലും ഇ​യാ​ളെ​യും ക​ണ്ടെ​ത്താ​ൻ ക​ഴി​ഞ്ഞി​ല്ല. ഇ​വ​ർ ബം​ഗ​ളു​രു​വി​ലെ ഖ​ലാ​സി പാ​ള​യ​ത്തു​ള്ള ലോ​ഡ്ജി​ൽ മൂ​ന്ന് ത​വ​ണ​യാ​യി 15 ദി​വ​സ​ത്തോ​ളം താ​മ​സി​ച്ചി​രു​ന്നു. ആ​ര്യ എ​ന്ന പേ​രി​ലാ​ണ് ഇ​വി​ടെ മു​റി​യെ​ടു​ത്തി​രു​ന്ന​ത്. ഈ ​സ​മ​യ​ത്ത് ലോ​ഡ്ജി​ൽ ജോ​ലി ചെ​യ്തി​രു​ന്ന ശ്രീ​നി​വാ​സ​ൻ സം​ഘ​വു​മാ​യി പ​രി​ച​യ​ത്തി​ലാ​വു​ക​യാ​യി​രു​ന്നു. തു​ട​ർ​ന്ന് ആ​ന്ധ്രാ അ​തി​ർ​ത്തി​യി​ലു​ള്ള ശ്രീ​നി​വാ​സ​ന്‍റെ വീ​ട്ടി​ലെ​ത്തി​യ ഇ​വ​ർ അ​യ​ൽ​വാ​സി​യു​ടെ പ​ണം ക​വ​ർ​ന്ന് ക​ട​ന്ന് ക​ള​യു​ക​യാ​യി​രു​ന്നു.

സൈ​ബ​ർ സെ​ല്ലി​ന്‍റെ സ​ഹാ​യ​ത്തോ​ടെ ന​ട​ത്തി​യ അ​ന്വേ​ഷ​ണ​ത്തി​ൽ സം​ഘം ഉ​പ​യോ​ഗി​ച്ചി​രു​ന്ന സിം ​കാ​ർ​ഡി​ലെ മേ​ൽ​വി​ലാ​സം ക​ർ​ണാ​ട​ക ഗു​ണ്ട​ൽ​പേ​ട്ട് സ്വ​ദേ​ശി​യാ​യ യു​വ​തി​യു​ടെ പേ​രി​ലു​ള്ള​താ​ണെ​ന്ന് ക​ണ്ടെ​ത്തി​യി​രു​ന്നു. ഇ​തേ​ത്തു​ട​ർ​ന്ന് പോ​ലീ​സ് സം​ഘം ഇ​വി​ടെ എ​ത്തി​യെ​ങ്കി​ലും ഇ​വ​ർ ഇ​വി​ടെ വാ​ട​ക​ക്ക് താ​മ​സി​ച്ച​പ്പോ​ൾ അ​യ​ൽ​വാ​സി​യാ​യ യു​വ​തി​ക്ക് മാ​ക്സി വി​ൽ​പ്പ​ന ന​ട​ത്തി സിം ​കാ​ർ​ഡ് കൈ​വ​ശ​പ്പെ​ടു​ത്തു​ക​യാ​യി​രു​വെ​ന്ന് വ്യ​ക്ത​മാ​യി. ഗു​ജ​റാ​ത്തി​ലെ പോ​ർ​ബ​ന്ത​ർ സ്വ​ദേ​ശി​ക​ളാ​ണെ​ന്നാ​ണ് ഇ​വ​ർ ഇ​വി​ടെ പ​റ​ഞ്ഞി​കു​ന്ന​ത്.

വെ​ള്ള​പ്പൊ​ക്ക​ത്തി​ൽ എ​ല്ലാം ന​ഷ്ട​പ്പെ​ട്ട​വ​രാ​ണെ​ന്നും സ​ഹാ​യി​ക്ക​ണ​മെ​ന്നും പ​റ​ഞ്ഞ് ഗു​ജ​റാ​ത്തി​ലെ ത​ദ്ദേ​ശ​സ്ഥാ​പ​നം സാ​ക്ഷ്യ​പ്പെ​ടു​ത്തി​യ സ​ർ​ട്ടി​ഫി​ക്ക​റ്റ് ഹാ​ജ​രാ​ക്കി​യ​തി​നെ​ത്തു​ട​ർ​ന്ന് ഇ​വി​ടു​ത്തെ മ​സ്ജി​ദി​ൽ നി​ന്ന് ഇ​വ​ർ​ക്ക് പ​ണ​വും സ്വ​രൂ​പി​ച്ച് ന​ൽ​കി​യി​രു​ന്നു.

പ്ര​തി​ക​ൾ ന​ട​ത്തി​യ​ത് നൂ​റോ​ളം ക​വ​ർ​ച്ച​ക​ൾ
ത​മി​ഴ്നാ​ട്, ക​ർ​ണാ​ട​ക, ആ​ന്ധ്ര​പ്ര​ദേ​ശ്, ഗു​ജ​റാ​ത്ത്, മ​ധ്യ​പ്ര​ദേ​ശ്, രാ​ജ​സ്ഥാ​ൻ, ഉ​ത്ത​രാ​ഖ​ണ്ഡ്, ഉ​ത്ത​ർ​പ്ര​ദേ​ശ് എ​ന്നീ സം​സ്ഥാ​ന​ങ്ങ​ളി​ൽ നൂ​റോ​ളം ക​വ​ർ​ച്ചാ കേ​സു​ക​ളി​ൽ പ്ര​തി​ക​ളാ​ണ് മൂ​വ​ർ സം​ഘ​മെ​ന്ന് സ്ഥ​ല​ത്തെ​ത്തി ന​ട​ത്തി​യ അ​ന്വേ​ഷ​ണ​ത്തി​ൽ കേ​ര​ള പോ​ലീ​സ് ക​ണ്ടെ​ത്തി. 2013 ജ​നു​വ​രി​യി​ൽ ആ​ന്ധ്രാ​പ്ര​ദേ​ശി​ലെ ഓം​ഗോ​ളി​ൽ അ​യ​ൽ​വാ​സി​യാ​യ വ​യോ​ധി​ക​യെ കെ​ട്ടി​യി​ട്ട് സ്വ​ർ​ണ​വും പ​ണ​വും ത​ട്ടി​യ​താ​ണ് ഇ​തി​ൽ ഏ​റ്റ​വും വ​ലി​യ ക​വ​ർ​ച്ച. തു​ട​ർ​ന്ന് സം​ഘം ഹൈ​ദ​രാ​ബാ​ദി​ലേ​ക്ക് ര​ക്ഷ​പ്പെ​ട്ടു.

ഇ​വി​ടെ ഡോ. ​ജോ​ഷി എ​ന്ന​യാ​ളു​ടെ ഉ​ട​മ​സ്ഥ​ത​യി​ലു​ള്ള വാ​ട​ക ക്വാ​ർ​ട്ടേ​ഴ്സി​ൽ താ​മ​സി​ക്കു​ന്ന​തി​നി​ടെ ഓം​ഗോ​ൾ പോ​ലീ​സ് ഇ​വി​ടെ​യെ​ത്തി മൂ​വ​ർ സം​ഘ​ത്തെ അ​റ​സ്റ്റ് ചെ​യ്തി​രു​ന്നു. 37 ദി​വ​സം ഇ​വി​ടെ ജ​യി​ലി​ലാ​യി​രു​ന്നു പ്ര​തി​ക​ൾ. സം​ഘ​ത്തി​ലെ ഫ​രീ​ദ അ​പ​സ്മാ​രം അ​ഭി​ന​യി​ച്ച് മൂ​ന്ന് ത​വ​ണ ഇ​വി​ടെ ആ​ശു​പ​ത്രി​യി​ൽ അ​ഡ്മി​റ്റ് ചെ​യ്തി​രു​ന്നു. തു​ട​ർ​ന്ന് ജ​യി​ൽ സൂ​പ്ര​ണ്ട് സ​ഹ​പ്ര​വ​ർ​ത്ത​ക​രി​ൽ നി​ന്നാ​യി 10000 രൂ​പ ശേ​ഖ​രി​ച്ച് ഇ​വ​ർ​ക്ക് ന​ൽ​കു​ക​യും ജാ​മ്യ​ത്തി​നാ​യി ഗു​ണ്ടൂ​ർ സ്വ​ദേ​ശി​യാ​യ ബാ​ല​കൃ​ഷ്ണ​റാ​വു എ​ന്ന വ​ക്കീ​ലി​നെ ഏ​ർ​പ്പാ​ടാ​ക്കു​ക​യും ചെ​യ്തു.

നാ​ലാ​യി​രം രൂ​പ വീ​തം കൈ​പ്പ​റ്റി ഇ​വ​രു​മാ​യി യാ​തൊ​രു ബ​ന്ധ​വു​മി​ല്ലാ​ത്ത ഗു​ണ്ടൂ​ർ സ്വ​ദേ​ശി​ക​ളാ​യ ശ്രീ​ല​ക്ഷ്മി, ന​ളി​നി എ​ന്നീ ര​ണ്ട് യു​വ​തി​ക​ളാ​ണ് ഇ​വ​രെ ജാ​മ്യ​ത്തി​ലെ​ടു​ത്ത​ത്.പ​ണ​ത്തി​ന് വേ​ണ്ടി മാ​ത്ര​മാ​ണ് ത​ങ്ങ​ൾ ജാ​മ്യം നി​ന്ന​തെ​ന്നും പ്ര​തി​ക​ളെ​ക്കു​റി​ച്ചു​ള്ള കൂ​ടു​ത​ൽ വി​വ​ര​ങ്ങ​ളൊ​ന്നും ത​ങ്ങ​ൾ​ക്ക​റി​യി​ല്ലെ​ന്നു​മാ​ണ് ഇ​വ​ർ കേ​ര​ള പോ​ലീ​സി​നോ​ട് ചോ​ദ്യം ചെ​യ്യ​ലി​ൽ പ​റ​ഞ്ഞ​ത്. ഇ​തി​ന് ശേ​ഷം ഇ​വി​ടു​ന്ന് മു​ങ്ങി​യ പ്ര​തി​ക​ൾ​ക്കെ​തി​രേ ഓം​ഗോ​ൾ പോ​ലീ​സ് അ​റ​സ്റ്റ് വാ​റ​ണ്ട് പു​റ​പ്പെ​ടു​വി​ച്ചി​ട്ടു​ണ്ട്.

ഇ​വി​ടെ​യും സം​ഘം വ്യാ​ജ പേ​രും മേ​ൽ​വി​ലാ​സ​വു​മാ​ണ് ന​ൽ​കി​യി​രു​ന്ന​ത്. ഇ​വി​ടു​ന്ന് വെ​ല്ലൂ​രി​ലെ​ത്തി​യ സം​ഘം ഇ​വി​ടെ ലോ​ഡ്ജി​ൽ ഹൈ​ദ​രാ​ബാ​ദ് മേ​ൽ​വി​ലാ​സ​മു​ള്ള വ്യാ​ജ പാ​ൻ കാ​ർ​ഡാ​ണ് ന​ൽ​കി​യി​രു​ന്ന​ത്. വി​ശാ​ഖ​പ​ട്ട​ണം ജി​ജി കോ​ള​ജി​ലെ ഒ​രു അ​ധ്യാ​പി​ക​യു​ടെ ഐ​ഡ​ന്റി​റ്റി കാ​ർ​ഡ് ത​ട്ടി​യെ​ടു​ത്താ​ണ് സം​ഘം പാ​ൻ കാ​ർ​ഡ് ഉ​ണ്ടാ​ക്കി​യ​ത്. ഇ​വി​ടെ ഹ​നു​മ​ൺ റാ​വു​വി​ന്റെ ഉ​ട​മ​സ്ഥ​ത​യി​ലു​ള്ള ര​ഘു ട​വേ​ഴ്സി​ൽ സം​ഘം ആ​റ് മാ​സ​ത്തോ​ളം താ​മ​സി​ച്ചി​രു​ന്നു.

ഇ​വി​ടെ വ്യാ​പ​ക ത​ട്ടി​പ്പു​ക​ൾ ന​ട​ത്തി​യ ശേ​ഷം മു​ങ്ങു​ക​യാ​യി​രു​ന്നു. വെ​ല്ലൂ​രി​ൽ സൗ​ത്ത് ഇ​ന്ത്യ​ൻ ബാ​ങ്ക് ശാ​ഖ​യി​ൽ അ​ക്കൗ​ണ്ട് ഉ​ണ്ടാ​യി​രു​ന്നെ​ങ്കി​ലും ര​ണ്ട് വ​ർ​ഷ​ത്തോ​ള​മാ​യി അ​ക്കൗ​ണ്ട് ഉ​പ​യോ​ഗി​ക്കു​ന്നി​ല്ലെ​ന്നും ക​ണ്ടെ​ത്തി. ഇ​തി​ന് ശേ​ഷം 2016 വ​രെ​യു​ള്ള ഇ​വ​രു​ടെ ജീ​വി​ത​ത്തെ​ക്കു​റി​ച്ചും താ​മ​സ​ത്തെ​ക്കു​റി​ച്ചും യാ​തൊ​രു വി​വ​രും പോ​ലീ​സി​ന് ല​ഭ്യ​മാ​യി​ട്ടി​ല്ല.

ത​ട്ടി​പ്പു​ക​ൾ കേ​ര​ള​ത്തി​ലും
2016 ജ​നു​വ​രി, ഫെ​ബ്രു​വ​രി മാ​സ​ങ്ങ​ളി​ൽ കേ​ര​ള​ത്തി​ൽ ഷൊ​ർ​ണൂ​ർ, മാ​ന​ന്ത​വാ​ടി, തി​രു​വ​ന​ന്ത​പു​രം, ചാ​വ​ക്കാ​ട് എ​ന്നി​വി​ട​ങ്ങ​ളി​ലും സം​ഘം ത​ട്ടി​പ്പ് ന​ട​ത്തി​യി​രു​ന്നു. പ്ര​തി​ക​ളി​ലൊ​രാ​ളാ​യ ഫ​രീ​ദ ത​ന്‍റെ ഭ​ർ​ത്താ​വ് വി​ദേ​ശ​ത്താ​ണെ​ന്നും അ​വി​ടെ തു​ണി വ്യ​വ​സാ​യ​മാ​ണെ​ന്നും ചെ​റി​യ വി​ല​യ്ക്ക് ക​മ്പി​ളി ഇ​റ​ക്കി​ത്ത​രാ​മെ​ന്നും പ​റ​ഞ്ഞ് ഷൊ​ർ​ണൂ​ർ സ്വ​ദേ​ശി​യി​ൽ നി​ന്ന് ര​ണ്ട​ര ല​ക്ഷം രൂ​പ​യാ​ണ് ത​ട്ടി​യ​ത്.

65 ല​ക്ഷം, 45 ല​ക്ഷം എ​ന്നി​ങ്ങ​നെ വി​ല മ​തി​ക്കു​ന്ന ത​ങ്ങ​ളു​ടെ ര​ണ്ട് വീ​ടു​ക​ൾ വി​ൽ​പ്പ​ന ന​ട​ത്താ​നു​ണ്ടെ​ന്ന് പ​റ​ഞ്ഞ് മാ​ന​ന്ത​വാ​ടി സ്വ​ദേ​ശി അ​ഷ്റ​ഫി​ൽ നി​ന്ന് ര​ണ്ടേ​കാ​ൽ ല​ക്ഷം രൂ​പ​യും ത​ട്ടി. ചെ​റി​യ വി​ല​യ്ക്ക് തു​ണി ഇ​റ​ക്കി​ത്ത​രാ​മെ​ന്ന് പ​റ​ഞ്ഞ് തി​രു​വ​ന​ന്ത​പു​രം സ്വ​ദേ​ശി​യി​ൽ നി​ന്നും 65000 രൂ​പ​യും ക​വ​ർ​ന്നു. ചാ​വ​ക്കാ​ട് സ്വ​ദേ​ശി ഇ​ല്യാ​സി​ൽ നി​ന്ന് തു​ണി ഇ​റ​ക്കി​ത്ത​രാ​മെ​ന്ന് പ​റ​ഞ്ഞ് 55000 രൂ​പ​യാ​ണ് ത​ട്ടി​യ​ത്. ഇ​യാ​ളു​ടെ ബാ​ങ്ക് പാ​സ് ബു​ക്കു​മാ​യി ക​ട​ന്ന സം​ഘം ഇ​തി​ൽ കൃ​ത്രി​മം ന​ട​ത്തി​യാ​ണ് ഉ​ത്ത​രാ​ഖ​ണ്ഡി​ൽ ഹോ​ട്ട​ലി​ൽ മു​റി​യെ​ടു​ക്കാ​ൻ​ഉ​പ​യോ​ഗി​ച്ച​ത്. ഇ​തി​ൽ ഷൊ​ർ​ണൂ​ർ ക​വ​ർ​ച്ച​യു​മാ​യി ബ​ന്ധ​പ്പെ​ട്ട് പോ​ലീ​സ് കേ​സെ​ടു​ത്തി​രു​ന്നെ​ങ്കി​ലും സം​ഘ​ത്തെ പി​ടി​കൂ​ടാ​ൻ ക​ഴി​ഞ്ഞി​ല്ല.

ഇ​രി​ക്കൂ​റി​ലെ കൊ​ല​പാ​ത​ക​ത്തി​ന് മു​മ്പ് ഒ​രാ​ഴ്ച്ച​യോ​ളം മൈ​സൂ​രി​ലെ ഹോ​ട്ട​ലി​ൽ സം​ഘം താ​മ​സി​ച്ചി​രു​ന്നു. ആ​ര്യ കു​മാ​ർ, കോ​യ​മ്പ​ത്തൂ​ർ എ​ന്ന വി​ലാ​സ​മാ​ണ് ഇ​വി​ടെ ന​ൽ​കി​യി​രു​ന്ന​ത്. ഇ​രി​ക്കൂ​റി​ലും ഗു​ണ്ട​ൽ​പേ​ട്ടി​ലും മു​സ് ലിം ​വേ​ഷ​ത്തി​ലെ​ത്തി​യി​രു​ന്ന സം​ഘം ബം​ഗ​ളു​രു, മൈ​സൂ​ർ, വെ​ല്ലൂ​ർ, വി​ശാ​ഖ​പ​ട്ട​ണം എ​ന്നി​വി​ട​ങ്ങ​ളി​ലെ​ല്ലാം ഹൈ​ന്ദ​വ വേ​ഷ​ധാ​രി​ക​ളാ​യാ​ണ് താ​മ​സി​ച്ചി​രു​ന്ന​ത്. മൈ​സൂ​രി​ൽ നി​ന്നാ​ണ് ചെ​ങ്കോ​ട്ട, പു​ന​ലൂ​ർ, കാ​യം​കു​ളം വ​ഴി സം​ഘം ഇ​രി​ക്കൂ​രി​ലെ​ത്തി​യ​ത്.

കു​ഞ്ഞാ​മി​ന കൊ​ല്ല​പ്പെ​ട്ട് മൂ​ന്ന് വ​ർ​ഷ​ത്തോ​ള​മാ​യി​ട്ടും പ്ര​തി​ക​ളെ പി​ടി​കൂ​ടാ​ൻ ക​ഴി​യാ​ത്ത സാ​ഹ​ച​ര്യ​ത്തി​ൽ ശ​ക്ത​മാ​യ പ്ര​ക്ഷോ​ഭം ന​ട​ത്താ​നൊ​രു​ങ്ങു​ക​യാ​ണ് ആ​ക്ഷ​ൻ ക​മ്മി​റ്റി. കേ​സ് സി​ബി​ഐ​ക്ക് വി​ട​ണ​മെ​ന്നാ​വ​ശ്യ​പ്പെ​ട്ട് മു​സ്‌​ലിം ലീ​ഗി​ന്‍റെ നേ​തൃ​ത്വ​ത്തി​ലും സ​മ​ര​പ​രി​പാ​ടി​ക​ൾ ന​ട​ത്തു​ന്നു​ണ്ട്.