പോ​ലീ​സ് ക്യാമ്പിലെ അ​ടു​ക്ക​ള മാ​ലി​ന്യം മൂ​ലം പൊ​റു​തി​മു​ട്ടി നാ​ട്ടു​കാ​ർ; ആരോഗ്യവകുപ്പിന് പരാതി നൽകിയിട്ടും നടപടിയെടുക്കുന്നില്ലെന്ന്

എ​രു​മേ​ലി: നൂ​റു​ക​ണ​ക്കി​ന് പോ​ലീ​സു​കാ​ർ അ​ധി​വ​സി​ക്കു​ന്ന ക്യാ​ന്പി​ൽ ഭ​ക്ഷ​ണ​മാ​ലി​ന്യ​ങ്ങ​ൾ ത​ള്ളു​ന്ന​ത് ഇ​ത്തി​രി​പ്പോ​ന്ന തു​റ​സാ​യ കു​ഴി​യി​ൽ. കു​ഴി​നി​റ​ഞ്ഞു ക​വി​ഞ്ഞി​ട്ട് മാ​ലി​ന്യ​ങ്ങ​ൾ ഒ​ഴു​കി​യെ​ത്തു​ന്ന​ത് സ​മീ​പ​ത്തെ ഫോ​റ​സ്റ്റ് ഓ​ഫീ​സി​ന​ടു​ത്തേ​ക്കും വ്യാ​പാ​ര സ്ഥാ​പ​ന​ങ്ങ​ളി​ലേ​ക്കും.

ദു​ർ​ഗ​ന്ധം സ​ഹി​ക്കാ​നാ​കാ​തെ ആ​രോ​ഗ്യ വ​കു​പ്പി​ലും പോ​ലീ​സ് ക്യാ​ന്പ് അ​ധി​കൃ​ത​ർ​ക്കും നാ​ട്ടു​കാ​ർ പ​രാ​തി​ക​ൾ ന​ൽ​കി​യി​ട്ടും ന​ട​പ​ടി​ക​ൾ സ്വീ​ക​രി​ച്ചി​ല്ലെ​ന്ന് ആ​ക്ഷേ​പം. എ​രു​മേ​ലി​യി​ലെ പോ​ലീ​സ് ക്യാ​ന്പി​ന്‍റെ കാ​ന്‍റീ​നി​ൽ നി​ന്നാ​ണ് മാ​ലി​ന്യ​ങ്ങ​ൾ കു​ഴി നി​റ​ഞ്ഞു പ​രി​സ​ര മ​ലി​നീ​ക​ര​ണം സൃ​ഷ്ടി​ക്കു​ന്ന​ത്.

അ​തേ​സ​മ​യം സ്ഥ​ല​പ​രി​മി​തി​യും അ​സൗ​ക​ര്യ​ങ്ങ​ളും മൂ​ലം മാ​ലി​ന്യ​പ്ര​ശ്നം പ​രി​ഹ​രി​ക്കാ​ൻ മാ​ർ​ഗ​മി​ല്ലാ​തെ ബു​ദ്ധി​മു​ട്ടു​ക​യാ​ണ് പോ​ലീ​സ് ക്യാ​ന്പ് അ​ധി​കൃ​ത​ർ. ആ​വ​ശ്യ​മാ​യ വെ​ള്ളം ക്യാ​ന്പി​ൽ ഇ​ല്ല. ജ​ല​ക്ഷാ​മം പ​രി​ഹ​രി​ക്കു​ന്ന​ത് ടാ​ങ്ക​ർ ലോ​റി​യി​ൽ വെ​ള്ള​മെ​ത്തി​ച്ചാ​ണ്. കൂ​ടു​ത​ൽ സ്ഥ​ലം സ​മീ​പ​ത്ത് ത​ന്നെ കി​ട്ടു​ന്ന​തി​ന് വ​കു​പ്പി​ൽ ആ​വ​ശ്യം ഉ​ന്ന​യി​ച്ചി​ട്ടു​ണ്ട്.

പ​രാ​തി​ക​ൾ ല​ഭി​ച്ചി​ട്ടും ആ​രോ​ഗ്യ വ​കു​പ്പ് പ​രി​ഹാ​ര ന​ട​പ​ടി​ക​ൾ സ്വീ​ക​രി​ക്കാ​ത്ത​തി​നെ​തി​രെ പ്ര​തി​ഷേ​ധം ശ​ക്ത​മാ​ണ്. പ​രി​ധി​യി​ൽ കൂ​ടു​ത​ൽ മാ​ലി​ന്യ​ങ്ങ​ൾ ദി​വ​സേ​നെ എ​ത്തു​ന്ന​തി​നാ​ൽ അ​ടി​യ​ന്തി​ര പ​രി​ഹാ​രം സ്വീ​ക​രി​ക്ക​ണ​മെ​ന്ന് വ്യാ​പാ​രി​ക​ൾ ആ​വ​ശ്യ​പ്പെ​ടു​ന്നു. മാ​ലി​ന്യ വി​ഷ​യം വ​ഷ​ളാ​കു​ന്ന​തി​ന് മു​ന്പ് പ​രി​ഹ​രി​ക്ക​ണ​മെ​ന്നും ഓ​ഫീ​സ് പ്ര​വ​ർ​ത്ത​നം ബു​ദ്ധി​മു​ട്ടി​ലാ​ണെ​ന്നും ഫോ​റ​സ്റ്റ് റേ​ഞ്ച് ഓ​ഫീ​സ് ജീ​വ​ന​ക്കാ​ർ പ​റ​ഞ്ഞു.