ലോക തൊഴിലാളിദിനത്തിൽ അച്ഛന്‍റെ ഫോട്ടോ പങ്കുവച്ച് യുവതാരം ആന്‍റണി വർഗീസ്. തന്‍റെ ഫേസ്ബുക്ക് പേജിലാണ് താരം ചിത്രം പോസ്റ്റ് ചെയ്തത്. ഓട്ടോഡ്രൈവറായ അച്ഛൻ ഉച്ചയ്ക്ക് ഭക്ഷണം കഴിക്കാൻ എത്തിയപ്പോൾ പിടിച്ചുനിർത്തി എടുത്തതാണെന്ന് ആന്‍റണി ചിത്രത്തിന് അടിക്കുറിപ്പായി പറയുന്നു.
അങ്കമാലി ഡയറീസ് എന്ന ചിത്രത്തിലൂടെ മലയാളി പ്രേക്ഷകർക്ക് പ്രിയങ്കരനായി മാറിയ ആന്‍റണി വർഗീസ് സ്വാതന്ത്ര്യം അർധരാത്രിയിൽ എന്ന ചിത്രത്തിലും നായകനായിരുന്നു.
