യുവന്‍റസ്: സൂപ്പർ താരം ക്രിസ്റ്റ്യാനോ റൊണാൾഡോ നേടിയ ഗോളിന്‍റെ മികവിൽ രക്ഷപെട്ട് യുവന്‍റസ്. ടൊറീനോയോടാണ് യുവന്‍റസ് 1-1ന്‍റെ സമനില വഴങ്ങിയത്. ടൊറീനോയുടെ മുന്നിൽ പിടിച്ചു നിൽക്കാൻ പാടുപെട്ട യുവന്‍റസിനായി കളിയുടെ അവസാന നിമിഷങ്ങളിലൊന്നിലാണ് റോണോ ഗോൾ മടക്കിയത്.
കളിയുടെ ആദ്യ പകുതിയിൽ ലുകിവ്ഹിന്‍റെ ഗോളിലൂടെയാണ് ടൊറീനോ മുന്നിൽ എത്തിയത്. കളിതീരാൻ മിനിറ്റുകൾ ശേഷിക്കെ ഒരു ഹെഡ്ഡറിലൂടെയാണ് റൊണാൾഡോ ഇതിന് മറുപടി പറഞ്ഞത്. ലീഗിലെ റൊണാൾഡോയുടെ 21ാം ഗോളാണ് ഇത്.
