മാഡ്രിഡ്: മൂന്ന് വർഷത്തെ ഇടവേളയ്ക്കുശേഷം ക്ലേ കോർട്ടിൽ പോരാട്ടത്തിനിറങ്ങിയ സ്വിറ്റ്സർലൻഡ് താരം റോജർ ഫെഡറർക്ക് ജയം. മാഡ്രിഡ് ഓപ്പണ്‍ ടെന്നീസ് പുരുഷ സിംഗിൾസിൽ ഫെഡറർ രണ്ടാം റൗണ്ടിൽ കടന്നു. 52 മിനിറ്റ് മാത്രം നീണ്ട പോരാട്ടത്തിൽ ഫ്രാൻസിന്‍റെ റിച്ചാർഡ് ഗസ്ക്വറ്റിനെ 6-2, 6-3നു കീഴടക്കിയാണ് ഫെഡറർ രണ്ടാം റൗണ്ടിൽ കടന്നത്.
പുരുഷ സിംഗിൾസിൽ റാഫേൽ നദാൽ, വാവ്റിങ്ക, കെയ് നിഷികോരി, സിലിച്ച്, ഫെറർ, ഡൊമിനിക് തീം തുടങ്ങിയവരും അടുത്ത റൗണ്ടിലേക്ക് മുന്നേറി. വനിതാ സിംഗിൾസിൽ ലോക ഒന്നാം നന്പറായ നവോമി ഒസാക്ക, സിമോണ ഹാലെപ്പ് തുടങ്ങിയവർ ക്വാർട്ടറിൽ പ്രവേശിച്ചു.
