കോട്ടയം: കങ്ങഴയ്ക്കടുത്ത് മുണ്ടത്താനത്ത് സ്കൂട്ടറിൽ വന്ന യുവതിയെ തടഞ്ഞു നിർത്തി ആക്രമിച്ച കേസിൽ യുവാവിനെ കറുകച്ചാൽ പോലീസ് അറസ്റ്റു ചെയ്തു. മുണ്ടത്താനം വടക്കേറാട്ട് സിനാജ് (41) ആണ് അറസ്റ്റിലായത്. ഇയാളെ കോടതിൽ ഹാജരാക്കി റിമാൻഡു ചെയ്തു.
ശനിയാഴ്ച രാത്രി ഏഴു മണിക്ക് മുണ്ടത്താനത്തു വച്ചാണ് സംഭവം. അയൽവാസിയായ യുവതി ജോലി കഴിഞ്ഞ് സ്കൂട്ടറിൽ വരുന്പോൾ തടഞ്ഞു നിർത്തി അടിക്കുകയും ചുരിദാർ വലിച്ചുകീറുകയും ചെയ്തുവെന്നാണ് പരാതി. ഇന്നലെയാണ് പ്രതിയെ അറസ്റ്റു ചെയ്തത്.
