മൂലമറ്റം: വീട്ടിൽ കയറി സ്ത്രീകളെ ശല്യം ചെയ്ത കെ എസ്ആർടിസി ഡ്രൈവർ അറസ്റ്റിൽ. മൂലമറ്റം സെന്‍ററിലെ ഡ്രൈവർ കൊല്ലം മരത്താനത്ത് കിഴക്കേതിൽ ബിജു (38) ആണ് അറസ്റ്റിലായത്. കഴിഞ്ഞ ദിവസം മണപ്പാടി തെക്കേക്കൂട്ടത്തിൽ വീട്ടിൽ മദ്യപിച്ചെത്തിയ ഇയാൾ സ്ത്രീകളെ ശല്യം ചെയ്യുകയായിരുന്നു.
സ്ഥിരം മദ്യപാനിയും പ്രശ്നക്കാരനുമായ ഇയാൾ നേരത്തേയും സമാനമായ സംഭവത്തിൽ കേസിൽ പെട്ടിട്ടുണ്ട്. നാടോടി സ്ത്രീകളെ അപമാനിച്ചതിന് മുന്പ് ഇയാൾക്കെതിരെ കേസ് എടുത്തിട്ടുണ്ട്. കാഞ്ഞാർ എസ്ഐ അലിയും സംഘവുമാണ് പ്രതിയെ അറസ്റ്റ് ചെയ്തത്. കോടതിയിൽ ഹാജരാക്കിയ ഇയാളെ റിമാൻഡ് ചെയ്തു.
