കലാഭവൻ ഷാജോണ് സംവിധായകനായി അരങ്ങേറ്റം കുറിക്കുന്ന ബ്രദേഴ്സ് ഡേയുടെ ഫസ്റ്റ്ലുക്ക് പോസ്റ്റർ പുറത്തുവിട്ടു. പൃഥ്വിരാജാണ് ചിത്രത്തിലെ നായകൻ. ചുവന്ന കൈലിയും ഷർട്ടും ധരിച്ച് കൂളിംഗ് ഗ്ലാസുമണിഞ്ഞ് ബുള്ളറ്റിൽ ചാരി നിൽക്കുന്ന പൃഥ്വിയുടെ ചിത്രമാണ് പോസ്റ്ററിലുള്ളത്.
ഐശ്വര്യ ലക്ഷ്മിയാണ് ചിത്രത്തിലെ നായിക. പ്രയാഗ മാർട്ടിൻ, ഐമ സെബാസ്റ്റ്യൻ, മിയ തുടങ്ങിയവരും ചിത്രത്തിൽ മറ്റ് പ്രധാനകഥാപാത്രങ്ങളെ അവതരിപ്പിക്കുന്നു. മാജിക് ഫ്രെയിമിന്‍റെ ബാനറിൽ ലിസ്റ്റിൻ സ്റ്റീഫനാണ് ചിത്രം നിർമിക്കുന്നത്.
