പാലക്കാട്: ലോക്സഭാ തെരഞ്ഞെടുപ്പിൽ കേരളത്തിൽ യുഡിഎഫ് വൻ മുന്നേറ്റം നടത്തുന്പോൾ പാലക്കാട്ടെ ലീഡ് നിലയിൽ കോൺഗ്രസ് പാർട്ടി അന്പരപ്പിലാണ്. എക്സിറ്റ്പോളിൽ പോലും തോൽക്കുമെന്ന് പ്രവചിച്ചിരുന്ന വി.കെ. ശ്രീകണ്ഠന്‍റെ ലീഡ് നില കണ്ടാണ് കോൺഗ്രസ് പാർട്ടി ഞെട്ടിയിരിക്കുന്നത്.
25,000ത്തിലധികം വോട്ടിന്‍റെ ലീഡാണ് ശ്രീകണ്ഠൻ സിപിഎമ്മിന്‍റെ എം.ബി. രാജേഷിനെതിരേ നേടിയിരിക്കുന്നത്. വോട്ടെണ്ണൽ ആരംഭിച്ച് ആദ്യ ഒന്നര മണിക്കൂറിനുള്ളിൽ ശ്രീകണ്ഠൻ അപ്രതീക്ഷിത മുന്നേറ്റം കാഴ്ചവെക്കുകയായിരുന്നു. മലമ്പുഴ ഒഴികെ എല്ലാ നിയമസഭാ മണ്ഡലത്തിലും ശ്രീകണ്ഠൻ മുന്നിലാണ്.
