മ​ര​ണ​ത്തി​ലും ഒ​രു​മി​ച്ച സൗ​ഹൃ​ദ​ത്തി​ന് ക​ണ്ണീ​രോ​ടെ യാ​ത്രാ​മൊ​ഴി നൽകി നാട്ടുകാർ

കൂ​ത്തു​പ​റ​മ്പ്: ജീ​വി​ത​ത്തി​ൽ ഇ​ണ​പി​രി​യാ​ത്ത കൂ​ട്ടു​കാ​ർ പ്രി​യ​ത​മ​മാ​രോ​ടൊ​പ്പം മ​ര​ണ​ത്തി​ലും ഒ​രു​മി​ച്ച് യാ ​ത്ര​യാ​യി. മാ​ണ്ഡ്യ​യി​ൽ വാ​ഹ​നാ​പ​ക​ട​ത്തി​ൽ ജീ​വ​ൻ പൊ​ലി​ഞ്ഞ കൂ​ത്തു​പ​റ​മ്പ് സ്വ​ദേ​ശി​ക​ളും യു​വ​ദ​മ്പ​തി​ക​ളു​മാ​യ നാ​ലു​പേ​ർ​ക്ക് ഇ​ന്നു രാ​വി​ലെ നാ​ട് ക​ണ്ണീ​രി​ൽ കു​തി​ർ​ന്ന യാ​ത്രാ​മൊ​ഴി ന​ൽ​കി.​കൂ​ത്തു​പ​റ​മ്പി​ന​ടു​ത്ത് ഏ​ഴാം​മൈ​ലി​ലെ ഈ​ക്കി​ലി​ശേ​രി ഹൗ​സി​ൽ ജ​യ​ദീ​പ്, ഭാ​ര്യ ജ്ഞാ​ന​തീ​ർ​ഥ, അ​ഭ​യം ഹൗ​സി​ൽ കി​ര​ൺ അ​ശോ​ക്, ഭാ​ര്യ ജി​ൻ​സി എ​ന്നി​വ​രു​ടെ മൃ​ത​ദേ​ഹ​ങ്ങ​ൾ വ​ൻ ജ​നാ​വ​ലി​യു​ടെ സാ​ന്നി​ധ്യ​ത്തി​ൽ സം​സ്ക​രി​ച്ചു.

ബം​ഗ​ളു​രു​വി​ൽ പോ​സ്റ്റു​മോ​ർ​ട്ട​ത്തി​നു ശേ​ഷം നാ​ലു മൃ​ത​ദേ​ഹ​ങ്ങ​ളും ഇ​ന്ന​ലെ രാ​ത്രി ഏ​ഴ​ര​യോ​ടെ ക​ണ്ണൂ​രി​ലെ​ത്തി​ച്ച് ജി​ല്ലാ​ശു​പ​ത്രി​യി​ൽ സൂ​ക്ഷി​ച്ചു. ഇ​ന്നു രാ​വി​ലെ ഒ​മ്പ​ത​ര​യോ​ടെ നാ​ലു മൃ​ത​ദേ​ഹ​ങ്ങ​ളും ഏ​ഴാം​മൈ​ൽ ക​നാ​ൽ ക​ര പ​രി​സ​ര​ത്ത് പൊ​തു​ദ​ർ​ശ​ന​ത്തി​ന് വെ​ച്ചു.

ആ​ത്മ​സു​ഹൃ​ത്തു​ക്ക​ളാ​യ​വ​രു​ടെ ചേ​ത​ന​യ​റ്റ ശ​രീ​രം ക​ണ്ട് പ​ല​ർ​ക്കും തേ​ങ്ങ​ല​ട​ക്കാ​നാ​യി​ല്ല. തു​ട​ർ​ന്ന് ജ​യ​ദീ​പ് -ജ്ഞാ​ന തീ​ർ​ത്ഥ ദ​മ്പ​തി​ക​ളു​ടെ മൃ​ത​ദേ​ഹ​ങ്ങ​ൾ ജ​യ​ദീ​പി​ന്‍റെ വീ​ട്ടി​ലും കി​ര​ൺ -ജി​ൻ​സി ദ​മ്പ​തി​ക​ളു​ടെ മൃ​ത​ദേ​ഹ​ങ്ങ​ൾ കി​ര​ണി​ന്‍റെ വീ​ട്ടി​ലും എ​ത്തി​ച്ചു. കി​ര​ണി​ന്‍റെ​യും ഭാ​ര്യ ജി​ൻ​സി​യു​ടേ​യും മൃ​ത​ദേ​ഹ​ങ്ങ​ൾ ജി​ൻ​സി​യു​ടെ ചൊ​ക്ളി​യി​ലെ വീ​ട്ടി​ലും പൊ​തു​ദ​ർ​ശ​ന​ത്തി​ന് വെ​ച്ചി​രു​ന്നു.

മൃ​ത​ദേ​ഹ​ങ്ങ​ൾ ക​ണ്ട​യു​ട​ൻ അ​ല​മു​റ​യി​ട്ട ഉ​റ്റ​വ​രെ ആ​ശ്വ​സി​പ്പി​ക്കാ​ൻ ബ​ന്ധു​ക്ക​ൾ ഏ​റെ പാ​ടു​പെ​ട്ടു. ഗ​ൾ​ഫി​ലാ​യി​രു​ന്ന ജ്ഞാ​ന​തീ​ർ​ഥ​യു​ടെ മാ​താ​പി​താ​ക്ക​ൾ മ​ര​ണ വി​വ​ര​മ​റി​ഞ്ഞ് ഇ​ന്ന​ലെ രാ​ത്രി​യാ​ണ് വീ​ട്ടി​ലെ​ത്തി​യ​ത്. ഉ​ച്ച​യോ​ടെ ജ​യ​ദീ​പി​ന്‍റെ​യും ജ്ഞാ​ന തീ​ർ​ത്ഥ​യു​ടെ​യും മൃ​ത​ദേ​ഹ​ങ്ങ​ൾ ജ​യ​ദീ​പി​ന്‍റെ വീ​ട്ടു​വ​ള​പ്പി​ൽ സം​സ്ക​രി​ച്ചു. തു​ട​ർ​ന്ന് കി​ര​ൺ – ജി​ൻ​സി ദ​മ്പ​തി​ക​ളു​ടെ മൃ​ത​ദേ​ഹ​ങ്ങ​ൾ കി​ര​ണി​ന്‍റെ നീ​ർ​വേ​ലി​യി​ലെ ത​റ​വാ​ട് വ​ക സ്ഥ​ല​ത്തും സം​സ്ക​രി​ച്ചു.

‌നൂ​റു ക​ണ​ക്കി​നാ​ളു​ക​ളാ​ണ് പൊ​തു​ദ​ർ​ശ​ന​സ്ഥ​ല​ത്തും ഇ​രു​വ​രു​ടെ വീ​ടു​ക​ളി​ലും അ​ന്ത്യാ​ഞ്ജ​ലി അ​ർ​പ്പി​ക്കാ​നാ​യി എ​ത്തി​യ​ത്. നേ​താ​ക്ക​ളാ​യ പി.​ജ​യ​രാ​ജ​ൻ, എം.​വി.​ജ​യ​രാ​ജ​ൻ, കെ.​പി.​മോ​ഹ​ന​ൻ, എ.​പ്ര​ദീ​പ​ൻ, എം.​സു​രേ​ന്ദ്ര​ൻ, എം.​സു​കു​മാ​ര​ൻ,വ​ത്സ​ൻ പ​നോ​ളി, വി.​കെ.​സു​രേ​ഷ് ബാ​ബു, കെ.​ധ​ന​ഞ്ജ​യ​ൻ, കെ. ​മ​നോ​ഹ​ര​ൻ, കെ.​ശ​ശി​ധ​ര​ൻ തു​ട​ങ്ങി​യ​വ​ർ അ​ന്തി​മോ​പ​ചാ​രം അ​ർ​പ്പി​ച്ചു.​ഫോ​ട്ടോ​ഗ്രാ​ഫ​ർ കൂ​ടി​യാ​യ കി​ര​ണി​ന്‍റെ വി​യോ​ഗ​ത്തി​ൽ അ​നു​ശോ​ചി​ച്ച് ത​ല​ശേ​രി മേ​ഖ​ല​യി​ലെ സ്റ്റു​ഡി​യോ​ക​ളും ഫോ​ട്ടോ​ഗ്രാ​ഫി അ​നു​ബ​ന്ധ സ്ഥാ​പ​ന​ങ്ങ​ളും ഇ​ന്ന് ഹ​ർ​ത്താ​ൽ ആ​ച​രി​ച്ചു.