വേ​ന​ലി​ൽ ന​ന​ച്ച് സം​ര​ക്ഷി​ച്ചു​വ​ന്ന വാ​ഴത്തോപ്പിൽ  കാ​ട്ടാ​ന​ക്കൂ​ട്ടത്തിന്‍റെ സം​ഹാ​ര​താ​ണ്ഡ​വം; വടക്കാഞ്ചേരി പാലക്കുഴിയിൽ രജനീഷിന്‍റെ സ്വപ്നങ്ങൾക്കുമേൽ വീണത് ലക്ഷങ്ങളുടെ കടബാധ്യത

വ​ട​ക്ക​ഞ്ചേ​രി: ക​ണി​ച്ചി​പ്പ​രു​ത​യ്ക്ക​ടു​ത്ത് പാ​ല​ക്കു​ഴി റോ​ഡി​നോ​ടു ചേ​ർ​ന്ന കൃ​ഷി​യി​ട​ങ്ങ​ളി​ൽ കാ​ട്ടാ​ന​ക്കൂ​ട്ട​ത്തി​ന്‍റെ സം​ഹാ​ര​താ​ണ്ഡ​വം. താ​ന്നി​ച്ചു​വ​ട് ക​ന്നി​മേ​രി എ​സ്റ്റേ​റ്റി​ൽ ക​യ​റി​യ ആ​ന​ക​ൾ എ​ഴു​ന്നി​ൽ​പ​രം വാ​ഴ​ക​ൾ ന​ശി​പ്പി​ച്ചു. ഇ​ന്ന​ലെ പു​ല​ർ​ച്ചെ പാ​ല​ക്കു​ഴി ടാ​ർ റോ​ഡി​ൽ നി​ല​യു​റ​പ്പി​ച്ച ആ​ന​ക​ൾ ഏ​റെ​നേ​രം യാ​ത്ര​ക്കാ​രെ വ​ല​ച്ചു.

റോ​ഡി​ൽ ആ​ന​യെ ക​ണ്ട് പേ​ടി​ച്ച് പ​ല​രും യാ​ത്ര​ക്കാ​രെ ഒ​ഴി​വാ​ക്കി വീ​ടു​ക​ളി​ലേ​ക്ക് മ​ട​ങ്ങി. ആ​ന​ക​ൾ വ​ഴി​മു​ട​ക്കു​ന്ന​തു​മൂ​ലം പ​ത്ര​വി​ത​ര​ണ​വും പാ​ൽ​വി​ത​ര​ണ​വും ത​ട​സ​പ്പെ​ടു​ക​യാ​ണ്. ചെ​റി​യ കു​ട്ടി​ക​ളും പി​ടി​യാ​ന​യും കൊ​മ്പൻമാരു​മാ​യി പ​ത്തും പ​തി​ന​ഞ്ചും എ​ണ്ണം​വ​രു​ന്ന കൂ​ട്ട​ങ്ങ​ളാ​ണ് കൃ​ഷി​യി​ട​ങ്ങ​ളി​ൽ ഇ​റ​ങ്ങി വ്യാ​പ​ക വി​ള​നാ​ശം വ​രു​ത്തു​ന്ന​ത്.

ക​ന്നി​മേ​രി എ​സ്റ്റേ​റ്റി​ൽ സ്ഥ​ലം പാ​ട്ട​ത്തി​നെ​ടു​ത്ത് ന​ട​ത്തി​യ വാ​ഴ​കൃ​ഷി​യാ​ണ് ക​ഴി​ഞ്ഞ രാ​ത്രി​യി​ൽ ആ​ന​ക​ൾ ന​ശി​പ്പി​ച്ച​ത്. ര​ജ​നീ​ഷ് എ​ന്ന​യാ​ളാ​ണ് ഇ​വി​ടെ പൂ​വ​ൻ, ഏ​ത്ത​വാ​ഴ എ​ന്നി​ങ്ങ​നെ ഇ​രു​പ​തി​നാ​യി​രം വാ​ഴ കൃ​ഷി​ചെ​യ്തി​രു​ന്ന​ത്. കു​ല​വ​ന്ന​തും കു​ല​യ്ക്കാ​റാ​യ​തു​മാ​യ വാ​ഴ​ക​ളാ​യി​രു​ന്നു ഇ​വ​യി​ൽ ഏ​റെ​യും.

വേ​ന​ലി​ൽ ന​ന​ച്ച് സം​ര​ക്ഷി​ച്ചു​വ​ന്ന വാ​ഴ​ക​ൾ വി​ള​വെ​ടു​പ്പ് ആ​കു​ന്പോ​ൾ എ​ല്ലാം ന​ശി​ക്കു​ന്ന​ത് ക​ർ​ഷ​ക​ർ​ക്ക് വ​ലി​യ ആ​ഘാ​തം ഏ​ല്പി​ക്കും. ബാ​ങ്കു​ക​ളി​ൽ​നി​ന്നും വാ​യ്പ​യെ​ടു​ത്താ​ണ് ര​ജ​നീ​ഷ് വാ​ഴ​കൃ​ഷി ന​ട​ത്തി​യി​ട്ടു​ള്ള​ത്. ഇ​രു​പ​തേ​ക്ക​ർ സ്ഥ​ല​ത്തി​ന് 12 ല​ക്ഷം രൂ​പ പാ​ട്ട​തു​ക ത​ന്നെ​യു​ണ്ട്. ഇ​തു​പോ​ലും ന​ല്കാ​ൻ ക​ഴി​യാ​ത്ത സ്ഥി​തി​വ​രു​മെ​ന്നാ​ണ് ര​ജ​നീ​ഷ് പ​റ​യു​ന്ന​ത്.

വാ​ഴ​ക​ളു​ടെ ഉ​ണ്ണി​പി​ണ്ടി മാ​ത്ര​മാ​ണ് ആ​ന​ക​ൾ തി​ന്നു​ന്ന​ത്. വാ​ഴ​ക്കു​ല ഉ​ൾ​പ്പെ​ടെ ശേ​ഷി​ച്ച​തെ​ല്ലാം വ​ലി​ച്ചു​കീ​റി പി​ഴു​തെ​റി​യും. ആ​ന​ക​ൾ കൂ​ട്ട​ത്തോ​ടെ വി​ള​ക​ൾ​ക്കി​ട​യി​ലൂ​ടെ ന​ട​ന്നാ​ൽ ത​ന്നെ എ​ല്ലാം ന​ശി​ക്കും. രാ​ത്രി മു​ഴു​വ​ൻ വി​ള​ക​ൾ​ക്ക് കാ​വ​ലി​രി​ക്കു​ക​യാ​ണ് ക​ർ​ഷ​ക​ർ. പ​ട​ക്കം​പൊ​ട്ടി​ച്ചും പാ​ട്ട​കൊ​ട്ടി​യും കാ​വ​ലി​രി​ക്കു​ന്ന​തി​നി​ടെ എ​പ്പോ​ഴെ​ങ്കി​ലും ഉ​റ​ക്ക​ത്തി​ലേ​ക്ക് വീ​ണു​പോ​യാ​ൽ അ​തി​നി​ടെ ആ​ന​ക​ൾ പാ​ഞ്ഞെ​ത്തു​മെ​ന്നാ​ണ് ര​ജ​നീ​ഷ് പ​റ​യു​ന്ന​ത്. സ​ന്ധ്യ​മ​യ​ങ്ങു​ന്ന​തോ​ടെ പീ​ച്ചി വ​നാ​തി​ർ​ത്തി​യി​ൽ ഉൗ​ഴം​കാ​ത്ത് കാ​വ​ൽ നി​ല്ക്കു​ന്ന ആ​ന​ക​ൾ പി​ന്നെ കൂ​ട്ട​ത്തോ​ടെ ആ​ക്ര​മ​ണ​ത്തി​നു തു​നി​യും.

മൂ​ന്നാ​ഴ്ച​മു​ന്പ് ഇ​തി​ന​ടു​ത്തെ പൂ​ത​ന​ക്ക​യ​ത്ത് കാ​ട്ടാ​ന​ക്കൂ​ട്ടം ഇ​റ​ങ്ങി വ​ലി​യ​തോ​തി​ലു​ള്ള കൃ​ഷി​നാ​ശം ഉ​ണ്ടാ​ക്കി​യി​രു​ന്നു. ക​ണി​ച്ചി​പ്പ​രു​ത വ​ച​ന​ഗി​രി​യി​ൽ അ​സീ​സി എ​ഫ്സി കോ​ണ്‍​വ​ന്‍റ് തോ​ട്ട​ത്തി​ൽ ക​യ​റി അ​ഞ്ഞൂ​റു​വാ​ഴ​ക​ൾ ന​ശി​പ്പി​ച്ചു. തോ​ട്ട​ത്തി​നു ചു​റ്റു​മു​ള്ള ക​ന്പി​വേ​ലി ത​ക​ർ​ത്താ​ണ് ആ​ന​ക്കൂ​ട്ടം തോ​ട്ട​ത്തി​ലെ​ത്തി​യ​ത്. പ​നം​കു​റ്റി​യി​ൽ ആ​ന​യൊ​ഴി​ഞ്ഞ സ​മ​യ​മി​ല്ല. ഇ​വി​ട​ങ്ങ​ളി​ൽ കൃ​ഷി​യൊ​ന്നും ശേ​ഷി​ക്കാ​ത്ത​തി​നാ​ലാ​ണ് മ​റ്റി​ട​ങ്ങ​ളി​ലേ​ക്ക് ആ​ന​ക​ൾ താ​വ​ളം മാ​റ്റി​യി​ട്ടു​ള്ള​ത്.

പാ​ല​ക്കു​ഴി മ​ല​യി​ലും ആ​ന​ശ​ല്യം രൂ​ക്ഷ​മാ​യ​തി​നു പു​റ​മേ ആ​ന​ക​ൾ​ക്കൊ​പ്പം പു​ലി ഭീ​ഷ​ണി​യു​മു​ണ്ട്. നാ​ലു​ദി​വ​സം​മു​ന്പു കി​ഴ​ക്ക​ഞ്ചേ​രി കോ​ട്ടേ​ക്കു​ള​ത്ത് പു​ലി​യി​റ​ങ്ങി വ​ള​ർ​ത്തു​നാ​യ​യെ കൊ​ന്നി​രു​ന്നു. കാ​ട്ടു​പ​ന്നി, മാ​ൻ, കു​ര​ങ്ങ് തു​ട​ങ്ങി സ്ഥി​ര​മാ​യു​ള്ള കാ​ട്ടു​മൃ​ഗ​ശ​ല്യ​ത്തി​നു പു​റ​മേ​യാ​ണ് ആ​ന​യും പു​ലി​യും കൂ​ടു​ത​ൽ ഉ​പ​ദ്ര​വ​കാ​രി​ക​ളാ​കു​ന്ന​ത്.