ഇ​നി വി​രി​യും പ്ര​തീ​ക്ഷ​യു​ടെ ന​റു​മ​ല​രു​ക​ൾ..! തൃ​ശൂ​ർ അ​ര​ണാ​ട്ടു​ക​ര ഓ​ട്ടി​സം സെ​ന്‍റ​റി​ൽ ഹോ​ർ​ട്ടി​ക​ൾ​ച്ച​ർ തെ​റാ​പ്പി ഉ​ദ്യാ​നം തുറന്നു

എം.​വി. വ​സ​ന്ത്
തൃ​ശൂ​ർ: ഇ​നി ഇ​വി​ടെ വി​രി​യു​ന്ന പൂ​ക്ക​ൾ ക​ഥ​ക​ൾ പ​റ​യും, ചി​രി​ക്കും, ഉ​ല്ല​സി​ക്കും. അ​തി​നൊ​പ്പം പൂ​ന്തോ​ട്ട കാ​വ​ൽ​ക്കാ​രും. എ​ല്ലാ​വ​രു​ടെ​യും പ്ര​തീ​ക്ഷ അ​താ​ണ്. വി​ട​ര​ട്ടെ, പ്ര​തീ​ക്ഷ​യു​ടെ ന​റു​മ​ല​രു​ക​ൾ..! വ​ഴ​ങ്ങാ​ത്ത മ​ന​സും ശ​രീ​ര​വും ഓ​ർ​മകളു​ടെ അ​ക​ത്ത​ള​ങ്ങ​ളി​ലേ​ക്കു ത​ള്ളി​വി​ടാ​ൻ ഇ​നി​യി​വ​ർ​ക്കു പൂ​ന്തോ​ട്ട​ങ്ങ​ളു​ണ്ട്. പൂ​ന്തോ​ട്ട​ങ്ങ​ളു​ടെ ന​ല്ല കാ​വ​ൽ​ക്കാ​രാ​യി ഇ​വ​ർ വേ​ഷ​പ്പ​ക​ർ​ച്ച​യാ​ടു​ന്പോ​ൾ ഓ​ട്ടി​സം ഓ​ർ​മ​യാ​കും. ഇ​നി ഈ ​ഹോ​ർ​ട്ടി​ക​ൾ​ച്ച​ർ പൂ​ന്തോ​ട്ട​ങ്ങ​ളി​ൽ വി​രി​യു​ക ആ​ശ​യ​റ്റ മാ​താ​പി​താ​ക്ക​ളു​ടെ പ്ര​തീ​ക്ഷ​ക​ളും.

ഓ​ട്ടി​സം ബാ​ധി​ച്ച കു​ട്ടി​ക​ളെ മു​ഖ്യ​ധാ​ര​യി​ലെ​ത്തി​ക്കു​ക​യെ​ന്ന ല​ക്ഷ്യ​ത്തി​നു കൃ​ഷി​പാ​ഠ​ങ്ങ​ളി​ലൂ​ടെ പു​തി​യ വാ​താ​യ​ന​ങ്ങ​ൾ തു​റ​ക്കു​ക​യാ​ണി​വി​ടെ. വി​ദേ​ശ​രാ​ജ്യ​ങ്ങ​ളി​ൽ പ​തി​റ്റാ​ണ്ടു​ക​ൾ​ക്കുമു​ന്പേ തു​ട​ങ്ങി​യ ഹോ​ർ​ട്ടി​ക​ൾ​ച്ച​ർ തെ​റാ​പ്പി കേ​ര​ള​ത്തി​ലും യാ​ഥാ​ർ​ഥ്യ​മാ​കു​ക​യാ​ണ്. ഒ​രു​പ​ക്ഷേ, ഇ​ന്ത്യ​യി​ലെത​ന്നെ ആ​ദ്യ​ത്തെ ഉ​ദ്യ​മ​ത്തി​നാ​ണ് തൃ​ശൂ​ർ അ​ര​ണാ​ട്ടു​ക​ര ഓ​ട്ടി​സം സെ​ന്‍റ​റി​ൽ ഇ​ന്ന​ലെ തു​ട​ക്ക​മി​ട്ട​ത്.

പ്ര​ത്യേ​ക പ​രി​ഗ​ണ​ന അ​ർ​ഹി​ക്കു​ന്ന കു​ട്ടി​ക​ളെ ഹോ​ർ​ട്ടി​ക​ൾ​ച്ച​ർ തെ​റാ​പ്പി​യി​ലൂ​ടെ സ​മൂ​ഹ​ത്തി​ന്‍റെ മു​ഖ്യ​ധാ​ര​യി​ലേ​ക്കെ​ത്തി​ക്കു​ക എ​ന്ന​തി​നൊ​പ്പം അ​വ​രു​ടെ ശാ​രീ​രി​ക​വും മാ​ന​സി​ക​വു​മാ​യ വി​ക​സ​ന​വും പ​ദ്ധ​തി ല​ക്ഷ്യ​മി​ടു​ന്നു.ഹോ​ർ​ട്ടി​ക​ൾ​ച്ച​ർ തെ​റാ​പ്പി ഉ​ദ്യാ​ന​ത്തി​ന്‍റെ സം​സ്ഥാ​ന​ത​ല ഉ​ദ്ഘാ​ട​നം ഇ​ന്ന​ലെ അ​ര​ണാ​ട്ടു​ക​ര ഓ​ട്ടി​സം സെ​ന്‍റ​റി​ൽ കൃ​ഷി​മ​ന്ത്രി വി.​എ​സ്. സു​നി​ൽ​കു​മാ​ർ നി​ർ​വ​ഹി​ച്ചു.

വി​ഭി​ന്ന​ശേ​ഷി​ക്കാ​രാ​യ കു​ട്ടി​ക​ളു​ടെ ഉ​ന്ന​മ​ന​മെ​ന്ന ല​ക്ഷ്യം മാ​താ​പി​താ​ക്ക​ളു​ടെ മാ​ത്രം ബാ​ധ്യ​ത​യ​ല്ലെ​ന്നും ഇ​തി​നാ​യി സ​മൂ​ഹം ഒ​റ്റ​ക്കെ​ട്ടാ​യി നി​ല്ക്ക​ണ​മെ​ന്നും മ​ന്ത്രി പറഞ്ഞു. പ്ര​കൃ​തി​യോ​ട് ഇ​ണ​ങ്ങി​ച്ചേ​രാ​നും അ​തി​ലൂ​ടെ ശാ​രീ​രി​ക വൈ​ക​ല്യം മ​റി​ക​ട​ക്കാ​നു​മുള്ള തെ​റാ​പ്പി​യും യാ​ഥാ​ർ​ഥ്യ​മാ​കു​ന്പോ​ൾ കു​ട്ടി​ക​ളു​ടെ​യും മാ​താ​പി​താ​ക്ക​ളു​ടെ​യും മാ​ന​സി​ക സ​മ്മ​ർ​ദം കു​റ​യ്ക്കാ​നാ​കും. അ​വ​രി​ലേ​ക്ക് പ്ര​തീ​ക്ഷ​യു​ടെ സ​ന്ദേ​ശ​മാ​യാ​ണ് തെ​റാ​പ്പി​യെ​ത്തു​ന്ന​ത്.

ഇ​തി​നെ പ്രോ​ത്സാ​ഹി​പ്പി​ക്കു​ക എ​ന്ന​തു നാം ​ഓ​രോ​രു​ത്ത​രു​ടെ​യും ക​ട​മ​യാ​ണെ​ന്നും മന്ത്രി പ​റ​ഞ്ഞു. മേ​യ​ർ അ​ജി​ത വി​ജ​യ​ൻ അ​ധ്യ​ക്ഷ​ത വ​ഹി​ച്ചു. വെ​ള്ളാ​യ​ണി കാ​ർ​ഷി​ക സ​ർ​വ​ക​ലാ​ശാ​ല വൈ​സ് ചാ​ൻ​സ​ല​ർ ഡോ. ​കെ.​ആ​ർ. ച​ന്ദ്ര​ബാ​ബു, അ​സോ. പ്രഫസറും പ്രി​ൻ​സി​പ്പ​ൽ ഇ​ൻ​വെ​സ്റ്റി​ഗേ​റ്റ​റുമായ ഡോ. ​ജി.​കെ ബേ​ല, പൊ​തുവി​ദ്യാ​ഭ്യാ​സ ഡ​യ​റ​ക്ട​ർ ജീ​വ​ൻ ബാ​ബു, തൃ​ശൂ​ർ അ​ർ​ബ​ൻ റി​സോ​ഴ്സ് സെ​ന്‍റ​ർ ബ്ലോ​ക്ക് പ്രോ​ഗ്രാം കോ​ർ​ഡി​നേ​റ്റ​ർ ബെ​ന്നി ജേ​ക്ക​ബ് പ്രസംഗിച്ചു.