മീൻ വാങ്ങിയാൽ സൗജന്യ സിനിമ ടിക്കറ്റ് വാഗ്ദാനം ചെയ്ത് ധർമജൻ ബോൾഗാട്ടി. ധർമജന്‍റെ ഉടമസ്ഥതയിലുള്ള ധർമൂസ് ഫിഷ് ഹബ്ബിൽ നിന്നും മീൻ വാങ്ങിയാലാണ് ജയറാം നായകനായി എത്തിയ മൈ ഗ്രേറ്റ് ഗ്രാൻഡ് ഫാദറിന്‍റെ ടിക്കറ്റ് സൗജന്യമായി നൽകുന്നത്.
500-750 രൂപയ്ക്ക് മീൻ വാങ്ങിയാൽ ഒരു ടിക്കറ്റും 750ന് മുകളിൽ വിലയ്ക്ക് വാങ്ങിയാൽ രണ്ടും ആയിരം രൂപയ്ക്ക് വാങ്ങിയാൽ മൂന്നും ടിക്കറ്റാണ് സൗജന്യമായി ലഭിക്കുന്നത്. ജൂണ്‍ ഒമ്പത് മുതൽ 13 വരെയാണ് ടിക്കറ്റ് സൗജന്യമായി നൽകുന്നത്. ധർമജന്‍റെ ആശയത്തെ അനുകൂലിച്ചും പ്രതികൂലിച്ചും സോഷ്യൽമീഡിയയിൽ വലിയ വാദപ്രതിവാദങ്ങളാണ് നടക്കുന്നത്.
