ചങ്ങരംകുളം: പ്രായപൂർത്തിയാകാത്ത പെണ്‍കുട്ടിയെ പീഡിപ്പിച്ച യുവാവ് റിമാൻഡിൽ. പ്രണയം നടിച്ച് പതിനേഴുകാരിയായ പെണ്‍കുട്ടിയെ കഴിഞ്ഞ മൂന്നു വർഷമായി വിവിധ സ്ഥലങ്ങളിൽ കൊണ്ടു പോയി നിരന്തരമായി പീഡിപ്പിച്ചെന്ന പരാതിയിലാണ് മാറഞ്ചേരി പുറങ്ങ് സ്വദേശിയായ ഷെഫീക്കി(27)നെയാണ് പെരുന്പടപ്പ് പോലീസ് പോക്സോ ചുമത്തി അറസ്റ്റ് ചെയ്തത്.
പെണ്‍കുട്ടിയുടെ അശ്ലീല ചിത്രം സോഷ്യൽ മീഡിയകളിൽ പ്രചരിപ്പിക്കുമെന്നു ഭീഷണിപ്പെടുത്തിയും യുവാവ് പെണ്‍കുട്ടിയെ പീഡിപ്പിച്ചിരുന്നതായി പോലീസ് പറഞ്ഞു. 2016 മുതൽ ഷെഫീക്ക് പെണ്‍കുട്ടിയെ പീഡിപ്പിച്ചു വരുന്നതായി ചൈൽഡ് ലൈനിനും പോലീസിനും പെണ്‍കുട്ടി നൽകിയ മൊഴിയിൽ പറയുന്നുണ്ട്.
പൊന്നാനിയിൽ നിന്നു മറ്റൊരു പെണ്‍കുട്ടിയെ വിവാഹം കഴിക്കുകയും പീഡനത്തിനിരയായ പെണ്‍കുട്ടി ഷെഫീക്കിന്‍റെ വീട്ടിലെത്തി ആത്മഹത്യാ ശ്രമം നടത്തുകയും ചെയ്തതോടെയാണ് പീഡനവിവരം പുറം ലോകമറിഞ്ഞത്. പിടിയിലായ പ്രതിയെ പൊന്നാനി ജുഡീഷ്യൽ മജിസ്ട്രേറ്റ് കോടതിയിൽ ഹാജറാക്കി റിമാൻഡ്് ചെയ്തു
