കെഎ​സ്ആ​ർ​ടി​സി ബ​സി​ന​ടി​യി​ൽപെ​ട്ട  സ്കൂ​ട്ട​ർ യാ​ത്രി​ക​ൻ അത്ഭുതകരമായി ര​ക്ഷ​പ്പെ​ട്ടു; ര​ക്ഷ​പ്പെ​ട്ട മ​ധ്യവയസ്കനോട് തട്ടിക്കയറി ഹോംഗാർഡിന്‍റെ പ്രകടനം

മാ​വേ​ലി​ക്ക​ര: മി​ച്ച​ൽ ജം​ഗ്ഷ​നി​ൽ കെഎ​സ്ആ​ർ​ടി​സി ബ​സി​ന​ടി​യി​ൽ​പ്പെ​ട്ട സ്കൂ​ട്ട​ർ യാ​ത്ര​ക്കാ​ര​ൻ അ​ത്ഭു​ത​ക​ര​മാ​യി ര​ക്ഷ​പ്പെ​ട്ടു. ഇ​ന്ന​ലെ വൈ​കു​ന്നേ​രം അ​ഞ്ചോ​ടെ​യാ​യി​രു​ന്നു അ​പ​ക​ടം. കെഎസ്ആ​ർ​ടി​സി ബ​സ് സ്റ്റാ​ൻ​ഡി​ൽ നി​ന്നെ​ത്തി പ​ടി​ഞ്ഞാ​റോ​ട്ടു തി​രി​ഞ്ഞ വേ​ണാ​ട് ബ​സ് ത​ട്ടി​യാ​ണു സ്കൂ​ട്ട​ർ യാ​ത്ര​ക്കാ​ര​ൻ ബ​സി​ന​ടി​യി​ലേ​ക്കു ത​ന്നെ വീ​ണ​ത്.

ബ​സ് പ​ടി​ഞ്ഞാ​റോ​ട്ടു തി​രി​യു​ക​യാ​ണെ​ന്നു മ​ന​സി​ലാ​ക്കാ​തെ സ്കൂ​ട്ട​ർ യാ​ത്ര​ക്കാ​ര​ൻ ഓ​വ​ർ​ടേ​ക്ക് ചെ​യ്യാ​ൻ ശ്ര​മി​ച്ച​താ​ണു അ​പ​ക​ട​ത്തി​നി​ട​യാ​ക്കി​യ​തെ​ന്നു ദൃ​ക്സാ​ക്ഷി​ക​ൾ പ​റ​ഞ്ഞു. ബ​സ് വേ​ഗം ബ്രേ​ക്കു ചെ​യ്ത​തി​നാ​ൽ സ്കൂ​ട്ട​ർ യാ​ത്ര​ക്കാ​ര​ൻ ച​ക്ര​ങ്ങ​ൾ​ക്ക​ടി​യി​ൽ പെ​ടാ​തെ ര​ക്ഷ​പ്പെ​ട്ടു.

അ​പ​ക​ട​ത്തി​ൽ നി​ന്നു ത​ല​നാ​രി​ഴ​യ്ക്കു ര​ക്ഷ​പ്പെ​ട്ട മ​ധ്യ​വ​യ​സ്ക​ന്‍റെ മാ​ന​സി​ക ആ​ഘാ​തം മാ​റും മു​ൻ​പേ ജം​ഗ്ഷ​നി​ൽ ട്രാ​ഫി​ക് ഡ്യൂ​ട്ടി​യി​ൽ ഉ​ണ്ടാ​യി​രു​ന്ന ഹോം ​ഗാ​ർ​ഡ് ത​ട്ടി​ക്ക​യ​റി​യ​തു പ്ര​തി​ഷേ​ധ​ത്തി​ന് ഇ​ട​യാ​ക്കി. എ​എ​സ്ഐ​മാ​രു​ടെ സാ​ന്നി​ധ്യ​ത്തി​ലാ​ണു ഹോം ​ഗാ​ർ​ഡ,് സ്കൂ​ട്ട​ർ യാ​ത്ര​ക്കാ​ര​നോ​ടു ത​ട്ടി​ക്ക​യ​റി​യ​ത്.

അ​പ​ക​ടം ക​ണ്ടെ​ത്തി​യ എ​സ്ബി​ഐ​യി​ലെ ഉ​ദ്യോ​ഗ​സ്ഥ​ൻ ഹോം ​ഗാ​ർ​ഡി​ന്‍റെ മോ​ശം പെ​രു​മാ​റ്റ​ത്തി​നെ​തി​രെ പ്ര​തി​ക​രി​ച്ചു. ക്ഷു​ഭി​ത​നാ​യ ഹോം ​ഗാ​ർ​ഡ് എ​സ്ബി​ഐ ഉ​ദ്യോ​ഗ​സ്ഥ​നോ​ടും ത​ട്ടി​ക്ക​യ​റി. അ​വ​സാ​നം എ​എ​സ്ഐ​മാ​ർ ഇ​ട​പെ​ട്ടാ​ണു രം​ഗം ശാ​ന്ത​മാ​ക്കി​യ​ത്.