കാട്ടിക്കുളം: വയനാട് ആന്‍റി നാർക്കോടിക് സ്ക്വാഡും തിരുനെല്ലി പോലീസും ചേർന്ന് നടത്തിയ വാഹന പരിശോധനയിൽ 25 കിലോഗ്രാം കഞ്ചാവ് പിടികൂടി. രണ്ട് സ്ത്രീകളടക്കം അഞ്ച് പേരാണ് പിടിയിലായത്. മാനന്തവാടി മൈസൂർ റോഡിൽ ബാവലി ഫോറസ്റ്റ് ചെക്ക് പോസ്റ്റിന് സമീപം നടത്തിയ പരിശോധനയിലാണ് ഇവർ പിടിയിലായത്.
മൈസൂർ നിന്നും മാനന്തവാടിയിലേക്കുള്ള കർണാടക ആർടിസി ബസിലായിരുന്നു പ്രതികൾ യാത്ര ചെയ്തിരുന്നത്. ജില്ലാ പോലീസ് മേധാവിക്ക് കിട്ടിയ രഹസ്യവിവരത്തിന്‍റെ അടിസ്ഥാനത്തിലാണ് പരിശോധന നടത്തിയത്. തെലങ്കാന സ്വദേശികളായ ഓംകാരി വെങ്കടേഷ് (24), റാവുല അജേഷ് (23), സദാനന്ദ രായരക്കുള(49), പുഷ്പ ചികാട്ടി (31), സത്യ (30) എന്നിവരാണ് പിടിയിലായത്.
എസ്ഐ രതീഷ് തെരുവത്ത് പിടിക, സിവിൽ പോലീസ് ഓഫിസർമ രായ ജിതിൻ, ഷിന്‍റോ, റിയാസ്, ലിൻസ്, ജോസ് എന്നിവരുടെ നേതൃത്വത്തിലായിരുന്നു പരിശോധന. കഞ്ചാവ് വയനാട്ടിലേക്കാണന്നാണ് സൂചന. ചോദ്യം ചെയ്യൽ തുടരുകയാണെന്ന് പോലീസ് പറഞ്ഞു
