ജ​ന​ങ്ങ​ളി​ൽ നി​ന്ന് പാ​ർ​ട്ടി അ​ക​ലു​ന്നു​ണ്ടോ? തെരഞ്ഞെടുപ്പിൽ ശ​ബ​രി​മ​ല തി​രി​ച്ച​ടി​ച്ചു; ജ​ന​മ​ന​സ് അ​റി​യാ​ൻ പാ​ർ​ട്ടി​ക്കു ക​ഴി​ഞ്ഞി​ല്ലെ​ന്ന് സി​പി​എം

തി​രു​വ​ന​ന്ത​പു​രം: സം​സ്ഥാ​ന​ത്തെ തെ​ര​ഞ്ഞെ​ടു​പ്പ് തോ​ൽ​വി​യെ സം​ബ​ന്ധി​ച്ച് ഗൗ​ര​വ​മാ​യ പ​രി​ശോ​ധ​ന വേ​ണ​മെ​ന്നും ജ​ന​ങ്ങ​ളി​ൽ നി​ന്ന് പാ​ർ​ട്ടി അ​ക​ലു​ന്നു​ണ്ടോ എ​ന്ന് പ​രി​ശോ​ധി​ക്ക​ണ​മെ​ന്നും സി​പി​എം സം​സ്ഥാ​ന സ​മി​തി. കേ​ന്ദ്ര ക​മ്മി​റ്റി​യു​ടെ തെ​ര​ഞ്ഞെ​ടു​പ്പ് അ​വ​ലോ​ക​ന റി​പ്പോ​ർ​ട്ടി​ൻ​മേ​ലു​ള്ള ച​ർ​ച്ച​യി​ലാ​ണ് നേ​താ​ക്ക​ൾ വി​മ​ർ​ശ​നം ഉ​യ​ർ​ത്തി​യ​ത്.

ന്യൂ​ന​പ​ക്ഷ​ങ്ങ​ൾ യു​ഡി​എ​ഫി​ന് അ​നു​കൂ​ല​മാ​യി വോ​ട്ടു ചെ​യ്യു​ക​യും എ​ക്കാ​ല​വും കൂ​ടെ നി​ന്നി​രു​ന്ന ഭൂ​രി​പ​ക്ഷ​സ​മു​ദാ​യം ശ​ബ​രി​മ​ല വി​ഷ​യ​ത്തി​ന്‍റെ പേ​രി​ൽ കൈ​വി​ടു​ക​യും ചെ​യ്തു. ഇ​ത് മു​ൻ​കൂ​ട്ടി കാ​ണാ​നോ ഫ​ല​പ്ര​ദ​മാ​യ ന​ട​പ​ടി​ക​ൾ സ്വീ​ക​രി​ക്കാ​നോ കേ​ര​ള​ത്തി​ലെ പാ​ർ​ട്ടി​ക്ക് ക​ഴി​ഞ്ഞി​ല്ല.

ശ​ബ​രി​മ​ല വി​ഷ​യം തെ​ര​ഞ്ഞെ​ടു​പ്പി​ൽ ദോ​ഷ​മാ​യി ബാ​ധി​ച്ചു​വെ​ന്ന​തി​ൽ ത​ർ​ക്ക​മി​ല്ല. ഇ​ക്കാ​ര്യം മു​ൻ​കൂ​ട്ടി അ​റി​യാ​മാ​യി​രു​ന്നി​ട്ടും ശ​രി​യാ​യ ന​ട​പ​ടി സ്വീ​ക​രി​ക്കാ​ൻ സം​സ്ഥാ​ന നേ​തൃ​ത്വ​ത്തി​നാ​യി​ല്ലെ​ന്നും യോ​ഗ​ത്തി​ൽ വി​മ​ർ​ശ​ന​മു​യ​ർ​ന്നു.

വോ​ട്ടെ​ടു​പ്പ് ക​ഴി​ഞ്ഞ​പ്പോ​ൾ ഫ​ലം സം​ബ​ന്ധി​ച്ച് ശ​രി​യാ​യ വി​ല​യി​രു​ത്താ​ൻ പാ​ർ​ട്ടി ജി​ല്ലാ ക​മ്മി​റ്റി​ക​ൾ​ക്ക് പോ​ലും ക​ഴി​ഞ്ഞി​ല്ല. ജ​ന​ങ്ങ​ളു​ടെ മ​ന​സ​റി​യു​ന്ന​തി​ൽ പാ​ർ​ട്ടി​ക്ക് പ​രാ​ജ​യം സം​ഭ​വി​ച്ചെ​ന്നാ​ണ് ഇ​തി​ൽ​നി​ന്നു മ​ന​സി​ലാ​ക്കേ​ണ്ട​തെ​ന്നും സ​മി​തി​യി​ൽ വി​മ​ർ​ശ​ന​മു​ണ്ടാ​യി.