മരങ്ങാട്ടുപിള്ളി: ജില്ലാ പോലീസ് മേധാവിയുടെ നിർദേശത്തെത്തുടർന്ന് പോലീസ് നടത്തിയ പരിശോധനയിൽ മദ്യലഹരിയിൽ ബസ് ഓടിച്ച ഡ്രൈവർ പോലീസ് പിടിയിലായി. എറണാകുളം-പാലാ-എഴുമറ്റൂർ റൂട്ടിൽ സർവീസ് നടത്തുന്ന സ്വകാര്യബസ് ഡ്രൈവർ മനുവാണ് പോലീസ് പിടിയിലായത്. ഇന്നലെ വൈകുന്നേരം ചെത്തിമറ്റത്താണ് എസ്ഐ എസ്. രാജേഷിന്‍റെ നേതൃത്വത്തിൽ പരിശോധന നടത്തിയത്.
ബസ് ഡ്രൈവർ മദ്യലഹരിയിലായിരുന്നുവെന്ന് തിരിച്ചറിഞ്ഞതോടെ ബസ് യാത്രക്കാർ പരിഭ്രാന്തരായി. ഒടുവിൽ മരങ്ങാട്ടുപിള്ളി സ്റ്റേഷനിലെ ഡ്രൈവർ മനു പി. തോമസ് ബസ് സുരക്ഷിതമായി പാലായിൽ എത്തിച്ചു. തുടർന്ന് പോലീസ് കസ്റ്റഡിയിലെടുത്ത ബസ് കോടതിക്കു കൈമാറി.
