ഇതാണ്ടാ പോലീസ്..! രാ​ജ്കു​മാ​റി​ന്‍റെ മ​ര​ണ​ത്തി​ൽ എ​സ്പി​ക്കു വീ​ഴ്ച​യെ​ന്നു റി​പ്പോ​ർ​ട്ട്; ന​ട​പ​ടി​ക്കു സാ​ധ്യ​ത; അന്വേഷണ സംഘത്തിൽ കൈക്കൂലിക്കേസിൽ അന്വേഷണം നേരിടുന്നയാളും

കോ​ട്ട​യം: പീ​രു​മേ​ട്ടി​ൽ റി​മാ​ൻ​ഡ് പ്ര​തി രാ​ജ്കു​മാ​ർ മ​രി​ച്ച സം​ഭ​വ​ത്തി​ൽ ഇ​ടു​ക്കി എ​സ്പി​ക്കു വീ​ഴ്ച പ​റ്റി​യ​യെ​ന്ന് അ​ന്വേ​ഷ​ണ സം​ഘ​ത്തി​ന്‍റെ ക​ണ്ടെ​ത്ത​ൽ. എ​സ്പി​യു​ടെ നി​ർ​ദേ​ശ​പ്ര​കാ​ര​മാ​ണ് രാ​ജ്കു​മാ​റി​നെ ക​സ്റ്റ​ഡി​യി​ലെ​ടു​ത്ത​തെ​ന്ന വി​വ​ര​മാ​ണ് അ​ന്വേ​ഷ​ണ സം​ഘ​ത്തി​നു ല​ഭി​ക്കു​ന്ന​ത്. ഈ ​സാ​ഹ​ച​ര്യ​ത്തി​ൽ എ​സ്പി വേ​ണു​ഗോ​പാ​ലി​നെ ത​ത് സ്ഥാ​ന​ത്തു​നി​ന്നു നീ​ക്കി​യേ​ക്കു​മെ​ന്നാ​ണു സൂ​ച​ന.

അ​തേ​സ​മ​യം, രാ​ജ്കു​മാ​റി​ന്‍റെ കേ​സ് അ​ന്വേ​ഷി​ക്കു​ന്ന ക്രൈം​ബ്രാ​ഞ്ച് പ്ര​ത്യേ​ക സം​ഘ​ത്തി​ൽ കാ​ൽ​ക്കോ​ടി രൂ​പ കൈ​ക്കൂ​ലി വാ​ങ്ങി​യ​തി​ന് സ​സ്പെ​ൻ​ഷ​നി​ലാ​യ ഉ​ദ്യോ​ഗ​സ്ഥ​നും ഉ​ൾ​പ്പെ​ട്ട വി​വ​ര​വും പു​റ​ത്തു​വ​ന്നു.

കേ​സി​ലെ അ​ന്വേ​ഷ​ണം സം​ഘ​ത്തി​ലെ ഡി​റ്റ​ക്ടീ​വ് ഇ​ൻ​സ്പെ​ക്ട​റാ​യി​ട്ടാ​ണു കൈ​കൂ​ലി കേ​സി​ൽ ആ​രോ​പ​ണ വി​ധേ​യ​നാ​യ സി​ഐ സാ​ജു വ​ർ​ഗീ​സി​നെ ക്രൈം​ബ്രാ​ഞ്ച് എ​ഡി​ജി​പി നി​യ​മി​ച്ചി​രി​ക്കു​ന്ന​ത്. കൈ​ക്കൂ​ലി​ക്കേ​സി​ൽ ഈ ​ഉ​ദ്യോ​ഗ​സ്ഥ​ൻ ഇ​പ്പോ​ഴും അ​ന്വേ​ഷ​ണം നേ​രി​ടു​ക​യാ​ണ്.

പോ​ലീ​സ് ക​സ്റ്റ​ഡി​യി​ലി​രി​ക്കെ രാ​ജ്കു​മാ​ർ ഉ​രു​ട്ട​ലി​നു വി​ധേ​യ​നാ​യെ​ന്നു പോ​സ്റ്റ്മോ​ർ​ട്ടം റി​പ്പോ​ർ​ട്ടി​ൽ വ്യ​ക്ത​മാ​യി​രു​ന്നു. ആ​ഹാ​ര​വും വെ​ള്ള​വും ല​ഭി​ക്കാ​തെ​യു​ള്ള ക്രൂ​ര​മ​ർ​ദ്ദ​ന​വും ന്യൂ​മോ​ണി​യ​യു​മാ​ണു മ​ര​ണ​കാ​ര​ണ​മെ​ന്നും റി​പ്പോ​ർ​ട്ടി​ലു​ണ്ട്.