ഇരിട്ടി: ഉളിക്കല്‍ മണിക്കടവില്‍ ജീപ്പ് പുഴയിലേക്ക് മറിഞ്ഞ് കാണാതായ യുവാവിന്‍റെ മൃതദേഹം മൂന്നാം ദിവസം കണ്ടെത്തി. ഇന്നു രാവിലെ ഫയര്‍ഫോഴ്‌സും നാട്ടുകാരും ചേര്‍ന്ന് തെരച്ചില്‍ നടത്തവെയാണ് ജീപ്പ് മറിഞ്ഞ് അപകടം ഉണ്ടായ ചപ്പാത്ത് പാലത്തിന് അരകിലോമീറ്റര്‍ അകലെയാണ് കോളിത്തട്ടിലെ കാരിക്കാത്തടത്തില്‍ ലിതീഷിന്‍റെ (31) മൃതദേഹം
കണ്ടെത്തിയത്. അപകടം ഉണ്ടായതിന്‍റെ നൂറ് മീറ്റര്‍ അകലെ നിന്ന് ഇന്നലെ രാവിലെ 9.30 ഓടെ ജീപ്പ് കണ്ടെത്തിയിരുന്നു. ഞായറാഴ്ച ഉച്ചയോടെയായിരുന്നു സംഭവം. മാട്ടറയില്‍ നിന്നും മണിക്കടവിലേക്ക് ചപ്പാത്ത് വഴി കടന്നു പോവുകയായിരുന്ന ജീപ്പാണ് അപകടത്തില്‍പ്പെട്ടത്.
ചപ്പാത്തിന് മുകളിലൂടെ കുത്തിയൊഴുകിയ വെള്ളത്തില്‍ ജീപ്പ് തെന്നി പുഴയിലേക്ക് മറിയുകയായിരുന്നു. ജീപ്പ് ഓടിച്ചിരുന്ന ഷാജുകാരിത്തടം, വില്‍സണ്‍ പള്ളിപ്പുറം ,ജോയിലറ്റ് എന്നിവര്‍ നീന്തി രക്ഷപ്പെട്ടിരുന്നു. രക്ഷപെട്ടവരെല്ലാരും വയറിംഗ് തൊഴിലാളികളും കാണാതായ ലതീഷ് മണിക്കടവിലെ ഇലക്ട്രിക് ഷോപ്പുടമയുമായിരുന്നു.
ഉളിക്കല്‍ പോലീസ് ഇന്‍ക്വസ്റ്റ് നടത്തിയ മൃതദേഹം പോസ്റ്റ് മോര്‍ട്ടത്തിനായി പരിയാരം മെഡിക്കല്‍ കോളജിലേക്ക് മാറ്റി. ഭാര്യ: സ്വപ്‌ന, മക്കള്‍: എയ്ഞ്ചല്‍, എമില്‍, എഡ്വിന്‍.
