മൃഗശാലയിൽ ജിറാഫിന്‍റെ പുറത്ത് കയറിയയാൾക്ക് സംഭവിച്ച അബദ്ധത്തതിന്‍റെ ദൃശ്യങ്ങൾ വൈറലാകുന്നു. കസാഖസ്ഥാനിലെ ഷൈംകെന്‍റ് മൃഗശാലയിലാണ് സംഭവം. മദ്യപിച്ചാണ് ഇദ്ദേഹം മൃഗശാലയിൽ എത്തിയത്.
സമീപത്തെ കമ്പി വേലിയിൽ കൂടി കയറി ജിറാഫിന്‍റെ കഴുത്തിൽ പിടിച്ച ഇദ്ദേഹം താഴേക്ക് ഇറങ്ങി ജിറാഫിന്‍റെ ശരീരത്തിൽ ഇരുന്നു. എന്നാൽ നിമിഷങ്ങൾക്കകം ഇദ്ദേഹത്തെ ജിറാഫ് കുടഞ്ഞ് നിലത്തേക്ക് എറിയുകയായിരുന്നു.
നിലത്ത് നിന്നും എഴുന്നേറ്റ ഇയാൾ വേലിയുടെ മുകളിൽ കയറി എന്നാൽ ജിറാഫ് വീണ്ടും സമീപത്ത് എത്തിയപ്പോൾ ഇയാൾ വീണ്ടും ആദ്യത്തേതു പോലെ ആവർത്തിച്ചു. ജിറാഫ് വീണ്ടും ഇയാളെ നിലത്തേക്ക് കുടഞ്ഞെറിയുകയും ചെയ്തു.
പിന്നീട് അൽപ്പ സമയത്തിനു ശേഷം ഇയാൾ തിരികെ പോരുകയും ചെയ്തു. മൃഗശാലയിൽ അതികൃമിച്ച് കടന്നുവെന്ന കാരണത്താൽ ഇദ്ദേഹത്തെ പോലീസ് തെരയുകയാണ്. ഇയാൾക്ക് ജയിൽ ശിക്ഷ ലഭിക്കും എന്നാണ് റിപ്പോർട്ടുകൾ സൂചിപ്പിക്കുന്നത്.
