ദേ​ശീ​യ​പാ​ത ജം​ഗ്ഷ​നിൽ കൂ​രി​രു​ട്ട്;   അ​ധി​കാ​രി​ക​ൾ​ക്ക് അ​ന​ക്ക​മി​ല്ല ; ജം​ഗ്ഷ​നി​ൽ ഹൈ​മാ​സ്റ്റ് ലൈ​റ്റ് വേണമെന്ന ആവശ്യം ശക്തമാകുന്നു

വ​ട​ക​ര: ദേ​ശീ​യ​പാ​ത​യി​ലെ പ്ര​ധാ​ന ജം​ഗ്ഷ​നു​ക​ളി​ൽ ഒ​ന്ന് കൂ​രി​രു​ട്ടി​ൽ മു​ങ്ങി​യി​ട്ടും അ​ധി​കാ​രി​ക​ൾ​ക്ക് അ​ന​ക്ക​മി​ല്ല. വ​ട​ക​ര മു​നി​സി​പ്പാ​ലി​റ്റി​യോ​ട് ചേ​ർ​ന്നു വ​ട​ക്കു പെ​രു​വാ​ട്ടും​താ​ഴ ജം​ഗ്ഷ​നി​ലെ സ്ഥി​തി​യാ​ണി​ത്. രാ​ത്രി​യാ​യാ​ൽ വാ​ഹ​ന​ങ്ങ​ളി​ലെ വെ​ളി​ച്ച​വും ട്രാ​ഫി​ക് സി​ഗ്ന​ലി​ലെ അ​ര​ണ്ട വെ​ളി​ച്ച​വും മാ​ത്ര​മേ​യു​ള്ളൂ. അ​തി​ന​പ്പു​റം പ്ര​ദേ​ശം മു​ഴു​വ​ൻ കൂ​രി​രു​ട്ടി​ൽ മു​ങ്ങി​യി​രി​ക്കു​ന്നു. ജം​ഗ്ഷ​നു സ​മീ​പം റോ​ഡ് മു​റി​ച്ചു ക​ട​ക്കാ​ൻ ആ​ളു​ക​ൾ ഭ​യ​ക്കു​ന്നു.

വാ​ഹ​ന​ങ്ങ​ൾ ഏ​തെ​ന്ന് വ്യ​ക്ത​മാ​വി​ല്ലെ​ന്ന അ​റി​യു​ന്ന ഡ്രൈ​വ​ർ​മാ​രി​ൽ ചി​ല​ർ സി​ഗ്ന​ൽ പാ​ലി​ക്കാ​തെ​യാ​ണ് രാ​ത്രി​യി​ൽ കു​തി​ക്കു​ന്ന​ത്.ജം​ഗ്ഷ​നു സ​മീ​പ​ത്തെ പോ​സ്റ്റു​ക​ളി​ലെ തെ​രു​വു​വി​ള​ക്കു​ക​ൾ മി​ഴി തു​റ​ന്നി​ട്ട് കാ​ല​മേ​റെ​യാ​യി. ഇ​ത് ക​ത്തി​ക്കാ​ൻ ചു​മ​ത​ല​പ്പെ​ട്ട​വ​ർ ഇ​തൊ​ന്നും ശ്ര​ദ്ധി​ക്കു​ന്നി​ല്ലെ​ന്ന ആ​ക്ഷേ​പം ശ​ക്ത​മാ​ണ്.

ക​ന​ത്ത മ​ഴ​യും കൂ​രി​രു​ട്ടും മോ​ഷ്ടാ​ക്ക​ൾ​ക്ക് വി​ല​സാ​ൻ പാ​ക​ത്തി​ലാ​ണ് ഇ​വി​ടെ. ഇ​ത് നാ​ട്ടു​കാ​രി​ൽ ഭീ​തി​യു​ണ​ർ​ത്തു​ക​യാ​ണ്. ജം​ഗ്ഷ​നി​ൽ ഹൈ​മാ​സ്റ്റ് ലൈ​റ്റ് സ്ഥാ​പി​ക്കാ​ൻ ന​ട​പ​ടി വേ​ണ​മെ​ന്ന ആ​വ​ശ്യം ഉ​യ​ർ​ന്നു. ഇ​തി​നാ​യി എം​എ​ൽ​എ ഉ​ൾ​പെ​ടെ​യു​ള്ള​വ​രി​ൽ സ​മ്മ​ർ​ദം ചെ​ലു​ത്താ​നാ​ണ് നാ​ട്ടു​കാ​രു​ടെ തീ​രു​മാ​നം.