പുതുക്കാട്: ആനന്ദപുരത്ത് 15 കാരിയെ നിരന്തരം ശല്യംചെയ്യുകയും വിവാഹാഭ്യർഥന നടത്തുകയും ചെയ്തവരുടെ പേരിൽ പോക്സോ നിയമപ്രകാരം കേസെടുത്തു. മലപ്പുറം വളാഞ്ചേരി സ്വദേശികളായ കുന്നത്ത് അൻവർ സാദത്ത് (30), ചെരുപറന്പിൽ ഷാഹിർ (26) എന്നിവരെയാണു പുതുക്കാട് പോലീസ് അറസ്റ്റു ചെയ്തത്.
സ്കൂൾ വിടുന്ന സമയത്ത് ബൈക്കിലെത്തിയ പ്രതികൾ വിദ്യാർഥിയെ ശല്യം ചെയ്യുന്നതു പതിവായിരുന്നു. ഇതു സംബന്ധിച്ച് പരാതിയുമുണ്ടായിരുന്നു. എന്നാൽ ശല്യം തുടർന്ന പ്രതികളെ ബുധനാഴ്ച വൈകീട്ട് നാട്ടുകാർ പിടികൂടി പോലീസിൽ ഏല്പിക്കുകയായിരുന്നു. വിവാഹാഭ്യർഥന നടത്തുകയും കുട്ടിയെ കടന്നുപിടിക്കുകയും ചെയ്ത പ്രതി വിവാഹിതനും പിതാവുമാണെന്ന് പോലീസ് പറഞ്ഞു.
