പയ്യന്നൂര്‍: വിദ്യാര്‍ഥിനികളെ പീഡിപ്പിക്കാൻ ശ്രമിച്ച സംഭവത്തിൽ പോക്‌സോ വകുപ്പ് പ്രകാരം പ്യൂണ്‍ അറസ്റ്റില്‍. കാറമേലിലെ തെക്കേവീട്ടില്‍ പ്രഭാകരനെയാണു പയ്യന്നൂര്‍ പോലീസ് അറസ്റ്റ് ചെയ്തത്. എട്ട്, ഒൻപത് ക്ലാസുകളിലെ വിദ്യാര്‍ഥിനികളെ ക്ലാസ് മുറിയില്‍വ‌ച്ച് ഉപദ്രവിക്കാൻ ശ്രമിച്ചെന്ന പരാതിയിലാണ് ഇയാളെ അറസ്റ്റ് ചെയ്തത്.
വിദ്യാര്‍ഥിനികള്‍ രക്ഷിതാക്കളോടു വിവരം പറഞ്ഞതിനെത്തുടര്‍ന്ന് ചൈല്‍ഡ്‌ലൈന്‍ പ്രവര്‍ത്തകര്‍ വിദ്യാര്‍ഥിനികളില്‍നിന്നു വിവരം ശേഖരിച്ചിരുന്നു. വിദ്യാര്‍ഥിനികളില്‍നിന്നു മൊഴിയും രേഖപ്പെടുത്തിയ ശേഷമാണ് പോലീസ് ഇയാളെ അറസ്റ്റ് ചെയ്തത്.
