കൊച്ചി: ദിനവും റിക്കാർഡ് തിരുത്തി മുന്നേറുന്ന സ്വർണ വിലയിൽ നേരിയ കുറവ്. പവന് 80 രൂപയുടെ കുറവാണ് ഇന്ന് രേഖപ്പെടുത്തിയത്. ഇതോടെ സംസ്ഥാനത്ത് സ്വർണവില 28,560 രൂപയായി കുറഞ്ഞു. ഗ്രാം വില 10 രൂപ കുറഞ്ഞ് 3570 രൂപയായി. പവന് 320 രൂപ വർധിച്ച് 28,640 രൂപയ്ക്കാണ് ഇന്നലെ വ്യാപാരം പുരോഗമിച്ചത്. ഗ്രാമിന് 40 രൂപയുടെ വർധനവാണ് ഇന്നലെമാത്രം രേഖപ്പെടുത്തിയത്.
സംസ്ഥാനത്ത് കഴിഞ്ഞ മൂന്നു വ്യാപാര ദിനത്തിനിടെമാത്രം പവന് 720 രൂപയും ഗ്രാമിന് 90 രൂപയുമാണു സ്വർണവില വർധിച്ചത്. കഴിഞ്ഞ 22ന് പവന് 27,920 രൂപയായിരുന്ന സ്വർണവില 23ന് 80 രൂപ വർധിച്ച് 28,000 രൂപയായും കഴിഞ്ഞ രണ്ട് വ്യാപാര ദിനവും 320 രൂപവീതം ഉയർന്ന് പുതിയ റിക്കാർഡ് രേഖപ്പെടുത്തുകയുമായിരുന്നു.
