ദുൽഖർ സൽമാനും സോനം കപൂറും ഒന്നിക്കുന്ന ബോളിവുഡ് ചിത്രം ദി സോയ ഫാക്ടറിന്‍റെ ട്രെയിലർ പുറത്തിറങ്ങി. ഒരു കോടിയിലേറെ പേരാണ് ഇതിനോടകം ട്രെയിലർ യു ട്യൂബിൽ കണ്ണോടിച്ചത്. ചിത്രത്തിൽ ഇന്ത്യൻ ക്രിക്കറ്റ് ടീം ക്യാപ്‌റ്റനായി ദുൽഖർ എത്തുമ്പോൾ 1983-ൽ ഇന്ത്യ ലോകകപ്പ് നേടിയ ദിവസം ജനിച്ച സോയ സൊളാങ്കിയെ സോനവും അവതരിപ്പിക്കുന്നു.
ദുൽഖറും സോനവും തമ്മിലുള്ള പ്രണയവും, സോനം അവതരിപ്പിക്കുന്ന സോയ സൊളാങ്കി ഇന്ത്യൻ ടീമിന്‍റെ ഭാഗ്യതാരമായി മാറുന്നതുമാണ് സിനിമയുടെ ഇതിവൃത്തം
സിക്‌സ് പാക്ക് ഗെറ്റപ്പിലാണ് ദുൽഖർ ചിത്രത്തിലെത്തുന്നത്. 2008-ൽ പ്രസിദ്ധീകരിച്ച അനുജ ചൗഹാന്‍റെ ദി സോയ ഫാക്ടർ എന്ന പേരിലുള്ള നോവലിനെ ആസ്പദമാക്കിയാണ് ചിത്രം ഒരുക്കിയിരിക്കുന്നത്. പ്രദ്യുമ്നൻ സിംഗ് ആണ് തിരക്കഥ. സെപ്‌റ്റംബർ 20ന് ചിത്രം തിയറ്ററുകളിലെത്തും.
