ആലപ്പുഴ: യുഡിഎഫിലെ പടലപ്പിണക്കം മാണി സി. കാപ്പന് ഗുണം ചെയ്യുമെന്ന് എസ്എൻഡിപി ജനറൽ സെക്രട്ടറി വെള്ളാപ്പള്ളി നടേശൻ. കരുത്തനും ശക്തനുമായ മാണിയുടെ ഭൂരിപക്ഷം കുറച്ച് മിടുക്കനാണെന്ന് തെളിയിച്ച ആളാണ് കാപ്പനെന്നും വെള്ളാപ്പള്ളി പറഞ്ഞു.
മാണിയുടെ പേരിൽ യുഡിഎഫിന് വോട്ട് കിട്ടില്ല. നിലവിലെ രാഷ്ട്രീയ കാലാവസ്ഥ കാപ്പന് അനുകൂലമാണ്. യുഡിഎഫിലെ പടലപ്പിണക്കവും വ്യക്തിവിദ്വേഷവും കാപ്പന് ഗുണം ചെയ്യും. സ്ഥാനാർഥി നിർണയത്തിലെ തർക്കം ജനാധിപത്യത്തിനു നാണക്കേടാണെന്നും അദ്ദേഹം കൂട്ടിച്ചേർത്തു.
