ചി​ഹ്ന​ത്തി​ന്‍റെ കാ​ര്യ​ത്തി​ൽ ഇ​നി ച​ർ​ച്ച​യില്ല! രണ്ടില കിട്ടിയില്ലെങ്കിലും യുഡിഎഫ് വിജയിക്കും: ബെ​ന്നി ബ​ഹ​ന്നാ​ൻ

എം.ജെ ശ്രീജിത്ത്

തി​രു​വ​ന​ന്ത​പു​രം: പാ​ലാ​യി​ലെ യു​ഡി​എ​ഫ് സ്ഥാ​നാ​ർ​ഥി​യു​ടെ ചി​ഹ്ന​ത്തി​ന്‍റെ കാ​ര്യ​ത്തി​ൽ ഇ​നി ച​ർ​ച്ച​യ്ക്കി​ല്ലെ​ന്ന് യു​ഡി​എ​ഫ് ക​ൺ​വീ​ന​ർ ബെ​ന്നി ബ​ഹ​ന്നാ​ൻ. ര​ണ്ടി​ല​യി​ൽ മ​ത്സ​രി​ച്ചി​ല്ലെ​ങ്കി​ലും യു​ഡി​എ​ഫ് സ്ഥാ​നാ​ർ​ഥി​യു​ടെ വി​ജ​യം ഉ​റ​പ്പ്. കേ​ര​ള കോ​ൺ​ഗ്ര​സി​ന്‍റെ ആ​ഭ്യ​ന്ത​ര പ്ര​ശ്ന​ങ്ങ​ളാ​ണ് നി​ല​വി​ലെ പ്ര​തി​സ​ന്ധി​യ്ക്ക് കാ​ര​ണം. പാ​ല​യി​ലെ തെ​ര​ഞ്ഞെ​ടു​പ്പി​ന് മു​ന്പ് ഇ​തു പ​രി​ഹ​രി​ക്കു​ന്ന​തി​ന് ഒ​രു ത​ര​ത്തി​ലു​മു​ള്ള ച​ർ​ച്ച​യു​മി​ല്ല.

ഇ​രു കൂ​ട്ട​രും സം​യ്മ​ന​ത്തോ​ടെ ച​ർ​ച്ച ചെ​യ്ത് പ​രി​ഹ​രി​ക്കേ​ണ്ട വി​ഷ​യം ഇ​ത്ര​ത്തോ​ളം വ​ഷ​ളാ​ക്കേ​ണ്ട​തി​ല്ലാ​യി​രു​ന്നു. ഇ​നി സ്ഥാ​നാ​ർ​ഥി​യു​ടെ വി​ജ​യ​മാ​ണ് മു​ന്നി​ൽ. ഇ​ക്കാ​ര്യ​ത്തി​ൽ ഒ​രു വി​ട്ടു​വീ​ഴ്ച​യു​മി​ല്ലെ​ന്ന് ഇ​രു കൂ​ട്ട​രേ​യും അ​റി​യി​ച്ചി​ട്ടു​ണ്ട്. ജോ​സ് ടോ​ം പുലിക്കുന്നേൽ ആണ് യു​ഡി​എ​ഫി​ന്‍റെ ഔ​ദ്യോ​ഗി​ക സ്ഥാ​നാ​ർ​ഥി. മ​റ്റു​ള്ള പ​ത്രി​ക​ളെ​ല്ലാം ഉ​ട​ൻ പി​ൻ​വ​ലി​ക്കും.

പി​ജെ ജോ​സ​ഫും അ​ദ്ദേ​ഹ​ത്തോ​ടൊ​പ്പ​മു​ള്ള​വ​രും യു​ഡി​എ​ഫ് സ്ഥാ​നാ​ർ​ഥി​യു​ടെ വി​ജ​യ​ത്തി​നാ​യി പ്ര​വ​ർ​ത്തി​ക്കും. തെ​ര​ഞ്ഞെ​ടു​പ്പ് ക​ൺ​വ​ൻ​ഷ​നി​ല​ട​ക്കം പ​ങ്കെ​ടു​ക്കു​ക​യും സ്ഥാ​നാ​ർ​ഥി​യ​ക്കാ​യി വോ​ട്ട​ഭ്യ​ർ​ഥി​ക്കു​ക​യും ചെ​യ്യും. നി​ല​വി​ലെ ത​ർ​ക്കം തെ​ര​ഞ്ഞെ​ടു​പ്പു​മാ​യി കൂ​ട്ടി​കു​ഴ​യ്ക്കാ​ൻ പാ​ടി​ല്ലെ​ന്ന് യു​ഡി​എ​ഫ് നേ​തൃ​ത്വം ഔ​ദ്യോ​ഗി​ക​മാ​യി ത​ന്നെ അ​റി​യി​ച്ചി​ട്ടു​ണ്ട്.

ഒ​രോ കാ​ല​ത്തും കേ​ര​ള കോ​ൺ​ഗ്ര​സു​ക​ൾ ത​മ്മി​ൽ ത​ർ​ക്കം ഉ​ണ്ടാ​കാ​റു​ണ്ട്. ഇ​ത്ത​വ​ണ​ത്തേ​തും അ​ങ്ങ​നെ ത​ന്നെ കാ​ണു​ന്നു. ഇ​ന്നു മു​ത​ൽ ക​ൺ​വ​ൻ​ഷ​നു​ക​ൾ ആ​രം​ഭി​ക്കു​ക​യാ​ണ്. പാ​ല​യി​ൽ ന​ട​ക്കു​ന്ന ഇ​ന്ന​ത്തെ ക​ൺ​വ​ൻ​ഷ​നി​ൽ പി​ജെ ജോ​സ​ഫ് പ​ങ്കെ​ടു​ക്കു​മെ​ന്നും ബെ​ന്നി ബ​ഹ​ന്നാ​ൻ രാ​ഷ്ട്ര​ദീ​പി​ക​യോ​ട് പ​റ​ഞ്ഞു.