ന്യൂഡല്‍ഹി: ബില്യാര്‍ഡ്‌സില്‍ ഇന്ത്യയുടെ പങ്കജ് അദ്വാനി വീണ്ടും ലോകകിരീടം ചൂടി. ഐബിഎസ്എഫ് ബില്യാര്‍ഡ്‌സ് ചാമ്പ്യന്‍ഷിപ്പിന്‍റെ 150-അപ് ഫോര്‍മാറ്റിലാണ് അദ്വാനിയുടെ നേട്ടം. ഈ വിഭാഗത്തില്‍ ഇത് അദ്വാനിയുടെ തുടര്‍ച്ചയായ നാലാം കിരീടമാണ്.
പങ്കജിന്‍റെ ഇരുപത്തിരണ്ടാം ലോകകിരീട നേട്ടവും കഴിഞ്ഞ ആറു വര്‍ഷത്തിനിടയ്ക്കുള്ള അഞ്ചാം കിരീടവുമാണിത്. കഴിഞ്ഞ തവണത്തെ ഫൈനലിസ്റ്റായ നാ ത്വായ് ഊവിനെയാണ് ഇക്കുറിയും ഫൈനലില്‍ പങ്കജ് മറികടന്നത്.
