ഹരിപ്പാട്: ലോറിയുടെ പിറകിൽ കാറിടിച്ച് രണ്ടുപേർ മരിച്ചു. രണ്ടുപേരുടെ നില ഗുരുതരം. തമിഴ്നാട് പൊള്ളാച്ചി സ്വദേശികളായ വെങ്കിടചലൻ (34), ശരവണൻ(40) എന്നിവരാണ് മരിച്ചത്. ഇന്ന് പുലർച്ചെ 5.40 ഓടെ ഹരിപ്പാട് നങ്യാർകുളങ്ങര ജംഗ്ഷനിലായിരുന്നു അപകടം. തിരുപ്പതിയിൽ നിന്നും തിരുവനന്തപുരത്തേക്ക് പോകുകയായിരുന്ന കാർ നിയന്ത്രണം വിട്ട് നിർത്തിയിട്ടിരുന്ന ലോറിക്ക് പിന്നിലേക്ക് ഇടിച്ചുകയറുകയായിരുന്നു.
ഒരാൾ സംഭവസ്ഥലത്തും. മറ്റൊരാൾ ആശുപത്രിയിലേക്ക് കൊണ്ടു പോകുംവഴിയുമാണ് മരിച്ചത്. കാറിലുണ്ടായിരുന്ന ശെൽവം (60), നന്ദകുമാർ (38) എന്നിവരെ ഗുരുതരപരിക്കോടെ വണ്ടാനം മെഡിക്കൽ കോളജ് ആശുപത്രിയിൽ പ്രവേശിച്ചു.
പ്രദേശത്ത് രൂപീകരിച്ച ഹരിപ്പാട് റെസ്ക്യൂ ടീമിന്‍റെ നേതൃത്വത്തിൽ രക്ഷാപ്രവർത്തനങ്ങൾ നടത്തി. ഹരിപ്പാട് പോലീസ് മേൽനടപടികൾ സ്വീകരിച്ചു. മരിച്ച തമിഴ്നാട് സ്വദേശികളുടെ മൃതദേഹങ്ങൾ ഹരിപ്പാട് താലൂക്ക് ആശുപത്രി മോർച്ചറിയിൽ.
