മുളങ്കുന്നത്തുകാവ്: മെഡിക്കൽ കോളജ് കാന്പസിൽ സാമൂഹ്യ വിരുദ്ധരുടെ ശല്യം വർധിക്കുന്നതിൽ പ്രതിഷേധിച്ചു മെഡിക്കൽ കോളജ് വിദ്യാർഥികൾ പ്രതിഷേധ പ്രകടനവും ധർണയും നടത്തി. കോളജ് കാന്പസിൽ വിദ്യാർഥിനികളോട് അപമര്യദയായി പെരുമാറുകയും ചോദ്യംചെയ്ത വിദ്യാർഥികളെ പുറമെനിന്ന് എത്തിയ ഓട്ടോറിക്ഷ തൊഴിലാളികൾ മർദിക്കുകയും ചെയ്തിരുന്നു.
വിദ്യാർഥികൾ നടത്തിയ പ്രകടനത്തിനുശേഷം പ്രിൻസിപ്പലിന്‍റെ ഓഫിസിനു മുന്നിൽ ധർണ നടത്തുകയും ചെയ്തു. രാഹുൽ രവിന്ദ്രൻ, ആർ. അശ്വിൻ, അപർണ നന്പ്യാർ, മരിയ ബാബു എന്നിവർ നേതൃത്യം നൽകി
‘
