കഞ്ചാവ് വിൽപനയെക്കുറിച്ച് വിവരം  പോലീസിന് കൈമാറിയതിലെ വൈരാഗ്യം;  വീ​ടു​ക​യ​റി ആ​ക്ര​മി​ച്ച​ശേ​ഷം  അമ്മയുടെ മുന്നിലിട്ട്  മ​ക​നെ വെ​ട്ടി​യ സം​ഭ​വം:  മു​ഖ്യ പ്ര​തി  കുക്കുവെന്ന മനുവിനെ പൊക്കി പൊലീസ്

കാ​യം​കു​ളം: വീ​ടു​ക​യ​റി ആ​ക്ര​മി​ച്ച​ശേ​ഷം അമ്മയുടെ മു​ന്പി​ലി​ട്ട് മ​ക​നെ വെ​ട്ടിക്കൊ​ല​പ്പെ​ടു​ത്താ​ൻ ശ്ര​മി​ച്ച കേ​സി​ൽ അ​റ​സ്റ്റി​ലാ​യ മു​ഖ്യ പ്ര​തി റി​മാ​ന്‍ഡിൽ. ഓ​ച്ചി​റ മേ​മ​ന ല​ക്ഷ്മി ഭ​വ​ന​ത്തി​ൽ കു​ക്ക എ​ന്നു വി​ളി​ക്കു​ന്ന മ​നു (24)വി​നെ​യാ​ണ് പോ​ലീ​സ് അ​റ​സ്റ്റ് ചെ​യ്ത​ത്. ഞ​ക്ക​നാ​ൽ അ​നൂ​പ് ഭ​വ​ന​ത്തി​ൽ അ​ഭി​മ​ന്യു​വി​നെ ര​ണ്ടു മാ​സം മു​ന്പ് വീ​ടു​ക​യ​റി ആ​ക്ര​മി​ച്ച​ശേ​ഷം മാ​താ​വി​ന്‍റെ മു​ന്പി​ലി​ട്ട് മാ​ര​ക​മാ​യി വെ​ട്ടി കൊ​ല​പ്പെ​ടു​ത്താ​ൻ ശ്ര​മി​ച്ച കേ​സി​ലാ​ണ് ഇ​യാ​ൾ അ​റ​സ്റ്റി​ലാ​യ​ത്.

ഇ​യാ​ൾ നി​ര​വ​ധി കേ​സു​ക​ളി​ലെ പ്ര​തി​യാ​ണെ​ന്നും ഓ​ച്ചി​റ പോ​ലീ​സ് സ്റ്റേ​ഷ​നി​ൽ ഒ​ന്പ​തും, വ​ള്ളി​കു​ന്നം, കാ​യം​കു​ളം സ്റ്റേ​ഷ​നു​ക​ളി​ൽ ഓ​രോ കേ​സു​ക​ളി​ലും പ്ര​തി​യാ​ണെ​ന്ന് പോ​ലീ​സ് പ​റ​ഞ്ഞു. ക​ഞ്ചാ​വു കേ​സി​ൽ പോ​ലീ​സി​ന് വി​വ​രം ന​ൽ​കി​യെ​ന്ന​യെ​ന്ന പേ​രി​ൽ അ​ഭി​മ​ന്യുവി​ന്‍റെ സ​ഹോ​ദ​ര​നെ തേ​ടി​യാ​യി​രു​ന്നു അ​ക്ര​മി​സം​ഘം എ​ത്തി​യ​ത്.

ഇ​യാ​ൾ സ്ഥ​ല​ത്തി​ല്ലാ​യി​രു​ന്ന​തി​നെ തു​ട​ർ​ന്ന് സം​ഘം അ​ഭി​മ​ന്യു​വി​നെ വെ​ട്ടി പ​രിക്കേ​ൽ​പ്പി​ക്കു​ക​യാ​യി​രു​ന്നു. ത​ട​യാ​ൻ ശ്ര​മി​ച്ച അമ്മയെ സം​ഘം ത​ട​ഞ്ഞു​വ​ച്ചാ​യി​രു​ന്നു അ​ക്ര​മം.ഓ​ച്ചി​റ​യി​ൽ നി​ന്ന് എ​സ്ഐ സാ​മു​വ​ലി​ന്‍റെ നേ​ത്യ​ത്വ​ത്തി​ലു​ള്ള പോ​ലീ​സ് സം​ഘം സാ​ഹ​സി​ക​മാ​യാ​ണ് ഇ​യാ​ളെ അ​റ​സ്റ്റ് ചെ​യ്ത​ത്. പോ​ലീ​സി​നെ ക​ണ്ട് ഓ​ടി ര​ക്ഷ​പെ​ടാ​ൻ ശ്ര​മി​ച്ച ഇ​യാ​ളെ പോ​ലീ​സ് ഓ​ടി​ച്ചി​ട്ട് പി​ടി​കൂ​ടു​ക​യാ​യി​രു​ന്നു.

ഒ​ളി​വി​ലാ​യി​രു​ന്ന ഇ​യാ​ൾ ഓ​ച്ചി​റ​യി​ൽ എ​ത്തി​യെ​ന്ന് ഡി​വൈ​എ​സ്പി ആ​ർ. ബി​നു​വി​ന് കി​ട്ടി​യ ര​ഹ​സ്യ​വി​വ​ര​ത്തി​ന്‍റെ അ​ടി​സ്ഥാ​ന​ത്തി​ൽ സി​ഐ കെ. ​വി​നോ​ദി​ന്‍റെ നി​ർ​ദേ​ശ​പ്ര​കാ​ര​മാ​ണ് പ്ര​തി​യെ അ​റ​സ്റ്റു ചെ​യ്ത​ത്. എ​സ്ഐ കെ. ​സു​നു​മോ​ൻ, സി​വി​ൽ പോ​ലീ​സ് ഓ​ഫീ​സ​ർ​മാ​രാ​യ ബി​നു​മോ​ൻ, അ​നി​ൽ​കു​മാ​ർ, മ​ഹേ​ഷ്, ശി​വ​ൻ​പി​ള്ള, യേ​ശു​ദാ​സ് എ​ന്നി​വ​രും പോ​ലീ​സ് സം​ഘ​ത്തി​ലു​ണ്ടാ​യി​രു​ന്നു.