മമ്മൂട്ടിയെ നായകനാക്കി വൈശാഖ് സംവിധാനം ചെയ്ത മധുരരാജ തമിഴ്നാട്ടിൽ റിലീസിനൊരുങ്ങുന്നു. വിഷു റിലീസായി തീയറ്ററുകളിലെത്തിയ ചിത്രം മികച്ച കളക്ഷനാണ് നേടിയത്. ഉദയകൃഷ്ണയുടെ തിരക്കഥയിലൊരുങ്ങിയ ചിത്രം നിർമിച്ചത് നെൽസണ്‍ ഐപ്പാണ്.
ഡബ്ബ് ചെയ്ത് ഒക്ടോബർ 18ന് ചിത്രം തീയറ്ററുകളിലെത്തുമെന്നാണ് അറിയിച്ചിരിക്കുന്നത്. തമിഴ് നടൻ ജയ്, ജഗപതി ബാബു, അന്ന രാജൻ, അനുശ്രി, നെടുമുടി വേണു, വിജയരാഘവൻ, സിദ്ധിഖ്, നരേൻ, നോബി തുടങ്ങിയവരാണ് സിനിമയിൽ മറ്റ് പ്രധാനകഥാപാത്രങ്ങളെ അവതരിപ്പിച്ചവർ.
