അ​മി​ത​ഭാ​രം ക​യ​റ്റി​യുള്ള വാഹനങ്ങളുടെ പരക്കം പാച്ചിൽ; എംവിഐപി കനാൽ പാലങ്ങൾഅപകടഭീഷണിയിൽ

പോ​ത്താ​നി​ക്കാ​ട്: അ​മി​ത​ഭാ​രം ക​യ​റ്റി​യ വാ​ഹ​ന​ങ്ങ​ൾ ഓ​ടു​ന്ന​തു​മൂ​ലം എം​വി​ഐ​പി വ​ല​തു​ക​ര ക​നാ​ലി​ന്‍റെ ഭാ​ഗ​മാ​യ കാ​വ​ക്കാ​ട് പാ​ല​വും അ​ക്വ​ഡ​ക്‌​ടും (കാ​ളി​യാ​ർ അ​ക്വ​ഡ​ക്ട് കം ​ബ്രി​ഡ്ജ്) ത​ക​ർ​ച്ച ഭീ​ക്ഷ​ണി നേ​രി​ടു​ന്ന​താ​യി പ​രാ​തി. എം​വി​ഐ​പി വ​ല​തു​ക​ര ക​നാ​ലി​ന്‍റെ അ​ക്വ​ഡ​ക്‌​ടി​നു മു​ക​ളി​ലൂ​ടെ​യാ​ണ് കാ​ളി​യാ​ർ പു​ഴ​യ്ക്കു കു​റു​കെ കാ​വ​ക്കാ​ടി​നെ​യും പോ​ത്താ​നി​ക്കാ​ടി​നെ​യും ബ​ന്ധി​പ്പി​ച്ചു പാ​ലം നി​ർ​മി​ച്ച​ത്.

ഒ​രു ഹെ​വി വാ​ഹ​ന​ത്തി​നു മാ​ത്രം ഒ​രു സ​മ​യം ക​ട​ന്നു​പോ​കാ​വു​ന്ന വീ​തി​യി​ൽ നി​ർ​മി​ച്ചി​രി​ക്കു​ന്ന പാ​ല​മാ​ണി​ത്. എ​ന്നാ​ൽ സ​മീ​പ കാ​ല​ത്ത് പാ​റ​മ​ട​ക​ളി​ൽനി​ന്നും ക്ര​ഷ​റു​ക​ളി​ൽനി​ന്നും മെ​റ്റ​ലും പാ​റ​യും ക​യ​റ്റി നി​ര​വ​ധി വ​ലി​യ ടി​പ്പ​റു​ക​ളും ടോ​റ​സു​ക​ളും ഈ ​പാ​ലം വ​ഴി ഓ​ടു​ന്ന​ത് പ​തി​വാ​യ​തോ​ടെ​യാ​ണ് ത​ക​ർ​ച്ച ഭീ​ഷ​ണി​യി​ലാ​യി​രി​ക്കു​ന്ന​ത്. ക​ല്ലൂ​ർ​ക്കാ​ട്, കു​മാ​ര​മം​ഗ​ലം ഉ​ൾ​പ്പെ​ടെ​യു​ള്ള പ​ഞ്ചാ​യ​ത്ത് പ്ര​ദേ​ശ​ങ്ങ​ളി​ലെ പാ​റ​മ​ട​ക​ളി​ൽ​നി​ന്നാ​ണ് അ​മി​ത​ഭാ​രം ക​യ​റ്റി ഇ​വ പാ​യു​ന്ന​ത്.

ഭാ​ര​വാ​ഹ​ന​ങ്ങ​ൾ ഓ​ടി​ത്തു​ട​ങ്ങി​യ​തോ​ടെ പോ​ത്താ​നി​ക്കാ​ട് പ​ഞ്ചാ​യ​ത്തി​ലെ എം​വി​ഐ​പി ക​നാ​ൽ അ​പ്രോ​ച്ച് റോ​ഡും കാ​വ​ക്കാ​ട്-​താ​യ്മ​റ്റം-​പോ​ത്താ​നി​ക്കാ​ട് റോ​ഡും പൂ​ർ​ണ​മാ​യും ത​ക​രു​ന്ന സാ​ഹ​ച​ര്യ​മാ​ണ്. പാ​ല​ത്തി​നൊ​പ്പം നാ​ലു പ​ഞ്ചാ​യ​ത്തു​ക​ളി​ലെ ആ​യി​ര​ക്ക​ണ​ക്കി​നു കു​ടും​ബ​ങ്ങ​ൾ​ക്ക് അ​വ​രു​ടെ കൃ​ഷി​യി​ട​ങ്ങ​ളി​ൽ ജ​ല​സേ​ച​ന​ത്തി​നും കു​ടി​വെ​ള്ള സ്രോ​ത​സു​ക​ളു​ടെ നി​ല​നി​ൽ​പ്പി​നും ആ​ശ്ര​യ​മാ​യ എം​വി​ഐ​പി വ​ല​തു​ക​ര മെ​യി​ൻ ക​നാ​ലി​ന്‍റെ അ​ക്വ​ഡ​ക്‌​ടും ത​ക​രു​ന്ന സാ​ഹ​ച​ര്യ​വു​മു​ണ്ടാ​വും.

അ​ര​ക്കിലോ​മീ​റ്റ​ർ മാ​റി മാ​റാ​ച്ചേ​രി​ക്ക​ട​വ് ഹെ​വി​ലോ​ഡ് പാ​ല​വും, ബി​എം​ബി​സി നി​ല​വാ​ര​ത്തി​ലു​ള്ള റോ​ഡും ഉ​ണ്ടെ​ങ്കി​ലും എ​ളു​പ്പം നോ​ക്കി വ​ലി​യ ഭാ​ര​വാ​ഹ​ന​ങ്ങ​ൾ ഈ ​പാ​ലം വ​ഴി ക​ട​ന്നു​പോ​കു​ന്ന​താ​ണ് അ​പ​ക​ട​ക്കെ​ണി​യാ​കു​ന്ന​ത്. ഈ ​പാ​ലം വ​ഴി​യു​ള്ള വ​ലി​യ ഭാ​ര​വാ​ഹ​ന​ങ്ങ​ളു​ടെ ഗ​താ​ഗ​തം നി​രോ​ധി​ക്കാ​ൻ എം​വി​ഐ​പി അ​ധി​കൃ​ത​ർ അ​ടി​യ​ന്ത​ര ന​ട​പ​ടി സ്വീ​ക​രി​ക്ക​ണ​മെ​ന്ന് നാ​ട്ടു​കാ​ർ ആ​വ​ശ്യ​പ്പെ​ട്ടു. പ​ല​വ​ട്ടം പ​രാ​തി​പ്പെ​ട്ടി​ട്ടും ന​ട​പ​ടി​യെ​ടു​ക്കാ​ത്ത എം​വി​ഐ​പി അ​ധി​കൃ​ത​രു​ടെ ന​ട​പ​ടി വ​ൻ​ദു​ര​ന്ത​ത്തി​ന് വ​ഴി​വയ്ക്കു​മെ​ന്ന ആ​ശ​ങ്ക​യി​ലാ​ണ് നാ​ട്ടു​കാ​ർ.