കോഴിക്കോട്: കര്ണാടക സന്തോഷ് ട്രോഫി ഫുട്ബോളിന്റെ ഫൈനല് റൗണ്ടില് കടന്നു. ദക്ഷിണ മേഖലാ യോഗ്യത മത്സരത്തിൽ തെലുങ്കാനയെ ഒന്നിനെതിരേ ആറു ഗോളുകൾക്ക് കര്ണാടക തകർത്തു. ജയത്തോടെ കര്ണാടക ആറു പോയിന്റ് സ്വന്തമാക്കി.
ദീപ് മജുംദാര് (11, 26), അമയ് മോറാജ്കര് (55, 57), നിഖില് രാജ് (61, 87) എന്നിവരാണ് കര്ണാടകയുടെ ഗോള് സ്കോറര്മാര്. തെലുങ്കാനയുടെ ആശ്വാസ ഗോൾ യുമ്നം അർനോൾഡ് നേടി. 65-ാം മിനിറ്റില് പെനാല്റ്റിയിലൂടെയാണ് ഗോൾ നേടിയത്.
