മമ്മൂട്ടി നായകനാകുന്ന ബ്രഹ്മാണ്ഡ ചിത്രം മാമാങ്കത്തിന്‍റെ റിലീസ് നീട്ടി. നവംബർ 21ന് സിനിമ തീയറ്ററുകളിലെത്തുമെന്നാണ് അണിയറപ്രവർത്തകർ അറിയിച്ചിരുന്നത്. എന്നാൽ ചിത്രം ഡിസംബർ 12ന് റിലീസ് ചെയ്യുമെന്നാണ് പുതിയ റിപ്പോർട്ടുകൾ. സിനിമയുടെ റിലീസ് നീട്ടാനുള്ള കാരണം വ്യക്തമല്ല.
മലപ്പുറം ജില്ലയിലെ തിരുന്നാവായ മണപ്പുറത്ത് 12 വർഷത്തിലൊരിക്കൽ നടക്കുന്ന മാമാങ്കം ഉത്സവത്തിന്‍റെ കഥയാണ് സിനിമ പറയുന്നത്. ഉണ്ണി മുകുന്ദൻ, അച്യുതൻ, സിദ്ധിഖ്, അനു സിത്താര, കനിഹ, പ്രാചി തെഹ്ലൻ, ഇനിയ എന്നിവരാണ് സിനിമയിൽ പ്രധാനകഥാപാത്രങ്ങളെ അവതരിപ്പിക്കുന്നവർ.
എം. പത്മകുമാർ ആണ് സിനിമ സംവിധാനം ചെയ്യുന്നത്. കാവ്യ ഫിലിംസിന്‍റെ ബാനറിൽ വേണു കുന്നപ്പള്ളിയാണ് സിനിമ നിർമിക്കുന്നത്.
