വയനാട് സി​പി​എം ജി​ല്ലാ സെ​ക്ര​ട്ട​റി​ക്കെ​തി​രെ പ​രാ​തി ന​ൽ​കി​യ യു​വാ​വി​ന് മ​ർ​ദനം; മർദിച്ചത് ബ​സി​ന്‍റെ ഡ്രൈ​വിം​ഗ് സീ​റ്റി​ൽ​നി​ന്നു വ​ലി​ച്ചി​റ​ക്കി

ക​ൽ​പ്പ​റ്റ: ഭാ​ര്യ​യെ വീ​ട്ടി​ൽ തൂ​ങ്ങി​മ​രി​ച്ച​നി​ല​യി​ൽ ക​ണ്ടു​തു​മാ​യി ബ​ന്ധ​പ്പെ​ട്ടു സി​പി​എം ജി​ല്ല സെ​ക്ര​ട്ട​റി പി. ​ഗ​ഗാ​റി​നെ​തി​രെ ജി​ല്ല പോ​ലീ​സ് മേ​ധാ​വി​ക്കു പ​രാ​തി ന​ൽ​കി​യ യു​വാ​വി​നെ വൈ​ത്തി​രി പ​ഞ്ചാ​യ​ത്ത് ഭ​ര​ണ​സ​മി​തി​യി​ലെ വ​നി​താ​മെം​ബ​റു​ടെ നേ​തൃ​ത്വ​ത്തി​ലു​ള്ള സം​ഘം ബ​സ് ത​ട​ഞ്ഞു​നി​ർ​ത്തി ഡ്രൈ​വിം​ഗ് സീ​റ്റി​ൽ​നി​ന്നു വ​ലി​ച്ചി​റ​ക്കി മ​ർ​ദി​ച്ചു.

വൈ​ത്തി​രി ചു​ണ്ടേ​ൽ ഒ​ലി​വു​മ​ല കെ​ട​ങ്ങൂ​ക്കാ​ര​ൻ ജോ​ണ്‍ എ​ന്ന ഷാ​ജി​ക്കാ​ണ്(34) മ​ർ​ദ​മേ​റ്റ​ത്. വൈ​ത്തി​രി​ക്കു സ​മീ​പം പ​ന്ത്ര​ണ്ടാം​പാ​ല​ത്താ​ണ് സം​ഭ​വം. മ​ർ​ദ​ന​ത്തി​ൽ വ​ല​തു ക​ണ്ണി​നും മൂ​ക്കി​നും പ​രി​ക്കേ​റ്റ ജോ​ണി​നെ ക​ൽ​പ്പ​റ്റ​യി​ലെ സ്വ​കാ​ര്യ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

ഇ​എ​ൻ​ടി വി​ഭാ​ഗം ഡോ​ക്ട​റു​ടെ അ​ഭാ​വ​ത്തി​ൽ വൈ​ത്തി​രി താ​ലൂ​ക്ക് ഗ​വ.​ആ​ശു​പ​ത്രി​യി​ലും ക​ൽ​പ്പ​റ്റ ജ​ന​റ​ൽ ആ​ശു​പ​ത്രി​യി​ലും ചി​കി​ത്സ ല​ഭി​ക്കാ​തി​രു​ന്ന സാ​ഹ​ച​ര്യ​ത്തി​ലാ​ണ് ജോ​ണ്‍ സ്വ​കാ​ര്യ ആ​ശു​പ​ത്രി​യി​ൽ പ്ര​വേ​ശ​നം നേ​ടി​യ​ത്.

ജ​നാ​ധി​പ​ത്യ മ​ഹി​ള അ​സോ​സി​യേ​ഷ​ൻ സം​സ്ഥാ​ന സ​മി​തി​യം​ഗ​വു​മാ​യ പ​ഞ്ചാ​യ​ത്ത് മെം​ബ​ർ എ​ത്സി ജോ​ർ​ജ്, സി​പി​എം ജി​ല്ല സെ​ക്ര​ട്ട​റി​യു​ടെ മ​ക​ൻ, മൂ​ത്ത സ​ഹോ​ദ​ര​ന്‍റെ മ​ക​ൻ എ​ന്നി​വ​ര​ട​ങ്ങു​ന്ന എ​ട്ടം​ഗ സം​ഘ​മാ​ണ് മ​ർ​ദി​ച്ച​തെ​ന്നു ജോ​ണ്‍ പ​റ​ഞ്ഞു.

ജോ​ണ്‍ മ​ർ​ദി​ച്ച​താ​യി ആ​രോ​പി​ച്ച് എ​ത്സി ജോ​ർ​ജും ആ​ശു​പ​ത്രി​യി​ൽ പ്ര​വേ​ശ​നം നേ​ടി. വൈ​ത്തി​രി​യി​ൽ ട്രാ​ഫി​ക് പ​രി​ഷ്ക​ര​ണ​ത്തി​ന്‍റെ ഭാ​ഗ​മാ​യി ഏ​ർ​പ്പെ​ടു​ത്തി​യ വ്യ​വ​സ്ഥ​ക​ൾ തെ​റ്റി​ച്ച് ബ​സ് പാ​ർ​ക്ക് ചെ​യ്ത​ത് ചോ​ദ്യം ചെ​യ്ത​തി​നു ജോ​ണ്‍ മ​ർ​ദി​ച്ച​താ​യാ​ണ് എ​ൽ​സി​യു​ടെ വാ​ദം.

ഇ​വ​രു​ടെ പ​രാ​തി​യി​ൽ പോ​ലീ​സ് ജോ​ണി​നെ​തി​രെ കേ​സെ​ടു​ത്തു. ക​ൽ​പ്പ​റ്റ​യി​ൽ​നി​ന്നു വൈ​ത്തി​രി വ​ഴി പാ​റ​ത്തോ​ടി​നു​ള്ള സ്വ​കാ​ര്യ ബ​സി​ലെ ഡ്രൈ​വ​റാ​ണ് ജോ​ണ്‍. പാ​റ​ത്തോ​ടു​നി​ന്നു വ​രു​ന്ന​തി​നി​ടെ​യാ​ണ് ദു​ര​നു​ഭ​വം ഉ​ണ്ടാ​യ​തെ​ന്നും നാ​ട്ടു​കാ​രാ​ണ് ര​ക്ഷി​ച്ച​തെ​ന്നും ജോ​ണ്‍ പ​റ​ഞ്ഞു.

ഒ​ക്ടോ​ബ​ർ 21നു ​രാ​ത്രി​യാ​ണ് ജോ​ണി​ന്‍റെ ഭാ​ര്യ സ​ക്കീ​ന​യെ പൂ​ക്കോ​ട് ന​രി​ക്കോ​ടു​മു​ക്കി​ലെ വാ​ട​ക വീ​ട്ടി​ൽ തൂ​ങ്ങി​മ​രി​ച്ച നി​ല​യി​ൽ ക​ണ്ട​ത്. മ​ര​ണ​ത്തി​ൽ ദു​രൂ​ഹ​ത ആ​രോ​പി​ച്ച് ര​ണ്ടാ​ഴ്ച ക​ഴി​ഞ്ഞാ​ണ് ജോ​ണ്‍ ജി​ല്ല പോ​ലീ​സ് മേ​ധാ​വി​ക്കു പ​രാ​തി ന​ൽ​കി​യ​ത്. സ​ക്കീ​ന​യ്ക്കു സി​പി​എം ജി​ല്ല സെ​ക്ര​ട്ട​റി​യു​ടെ ഭീ​ഷ​ണി ഉ​ണ്ടാ​യി​രു​ന്ന​താ​യി പ​രാ​തി​യി​ൽ ചൂ​ണ്ടി​ക്കാ​ട്ടി​യി​രു​ന്നു. പ​രാ​തി​യി​ൽ പോ​ലീ​സ് അ​ന്വേ​ഷ​ണം പൂ​ർ​ത്തി​യാ​യി​ട്ടി​ല്ല.

സ​ക്കീ​ന​യു​ടേ​ത് ആ​ത്മ​ഹ​ത്യ​യ​ല്ലെ​ന്നു സം​ശ​യി​ക്കു​ന്ന​തി​നു​ള്ള കാ​ര​ണ​ങ്ങ​ൾ ജോ​ണി​ന്‍റെ പ​രാ​തി​യി​ൽ വി​ശ​ദീ​ക​രി​ച്ചി​രു​ന്നു. സം​ഭ​വ​ദി​വ​സം രാ​വി​ലെ ജോ​ലി​ക്കു​പോ​യ ജോ​ണ്‍ രാ​ത്രി ഒ​ന്പ​തോ​ടെ വീ​ട്ടി​ൽ തി​രി​ച്ചെ​ത്തി​യ​പ്പോ​ഴാ​ണ് ഷാ​ളി​ൽ ജ​ന​ൽ​ക്ക​ന്പി​യി​ൽ കെ​ട്ടി​ത്തൂ​ങ്ങി​യ നി​ല​യി​ൽ ഭാ​ര്യ​യെ ക​ണ്ട​ത്. കാ​ൽ നീ​ട്ടി​വ​ച്ച് ക​ട്ടി​ലി​ൽ ചാ​രി​യി​രി​ക്കു​ന്ന സ്ഥി​തി​യി​ലാ​യി​രു​ന്നു മൃ​ത​ദേ​ഹം. വീ​ടി​ന്‍റെ അ​ടു​ക്ക​ള​ഭാ​ഗ​ത്തെ ര​ണ്ടു വാ​തി​ലു​ക​ൾ തു​റ​ന്ന നി​ല​യി​ലാ​യി​രു​ന്നു. എ​ല്ലാ മു​റി​ക​ളി​ലും ലൈ​റ്റ് ഇ​ട്ടി​രു​ന്നു.

രാ​വി​ലെ വ​ച്ച ചോ​റ് രാ​ത്രി ക​ഴി​ക്കു​ന്ന​തി​നു തി​ള​പ്പി​ച്ചു​വാ​ർ​ത്ത നി​ല​യി​ലാ​യി​രു​ന്നു. ഇ​തെ​ല്ലാം സ​ക്കീ​ന​യു​ടേ​ത് ആ​ത്മ​ഹ​ത്യ​യ​ല്ലെ​ന്ന​തി​ന്‍റെ സൂ​ച​ന​യാ​യാ​ണ് ജോ​ണ്‍ വി​ല​യി​രു​ത്തു​ന്ന​ത്. സ​ക്കീ​ന​യു​ടേ​ത് തൂ​ങ്ങി​മ​ര​ണ​മാ​ണെ​ന്നാ​ണ് പോ​സ്റ്റു​മോ​ർ​ട്ടം റി​പ്പോ​ർ​ട്ടി​ൽ. റീ ​പോ​സ്റ്റു​മോ​ർ​ട്ടം ആ​വ​ശ്യ​പ്പെ​ട്ട് അ​ധി​കാ​രി​ക​ളെ സ​മീ​പി​ക്കാ​നു​ള്ള നീ​ക്ക​ത്തി​ലാ​യി​രു​ന്നു ജോ​ണ്‍.