പാലക്കാട്: കാഞ്ഞങ്ങാട് നടന്ന അറുപതാമത് സംസ്ഥാന സ്കൂൾ കലോത്സവത്തിൽ സുവർണ കിരീടമണിഞ്ഞ ജില്ലാ ടീമിന് പൊതുവിദ്യാഭ്യാസ ഉപഡയറക്ടറുടെ നേതൃത്വത്തിൽ ആവേശകരമായ സ്വീകരണം നല്കി. ഇഞ്ചോടിഞ്ചു നടന്ന പോരാട്ടത്തിന്നൊടുവിൽ തുടർച്ചയായി രണ്ടാമതും ജില്ലയെ ഒന്നാമതെത്തിച്ച കലാപ്രതിഭകളെ പിഎംജിഎച്ച് എസ് എസ് പരിസരത്തുനിന്ന് ബാന്‍റ് വാദ്യത്തിന്‍റെ അകന്പടിയോടെ സ്വീകരണ കേന്ദ്രമായ ഗവണ്‍മെന്‍റ് മോയൻ ഗേൾസ് ഹയർസെക്കൻഡറി സ്കൂളിലേക്ക് ആനയിച്ചു.
തിങ്ങിനിറഞ്ഞ ആയിരക്കണക്കിന് വിദ്യാർത്ഥികളും കലാസ്നേഹികളും ആർപ്പുവിളികൾ മുഴക്കിയും ഹർഷാരവങ്ങളോടെയും വിജയികളെ വരവേറ്റു. തുടർന്ന നടന്ന സ്വീകരണ സമ്മേളനത്തിൽ മുനിസിപ്പൽ ചെയർപേഴ്സണ്‍ പ്രമീള ശശിധരൻ അധ്യക്ഷയായി. ജില്ലാ പഞ്ചായത്ത് പ്രസിഡന്‍റ് കെ.ശാന്തകുമാരി ഉദ്ഘാടനം ചെയ്തു. ഷാഫി പറന്പിൽ എംഎൽഎ മുഖ്യാതിഥിയായി.
ജില്ലാ പഞ്ചായത്ത് വൈസ് പ്രസിഡന്‍റ് ടി.കെ.നാരായണദാസ്, വിദ്യാഭ്യാസ ഉപഡയറക്ടർ പി.കൃഷ്ണൻ, ടീം മാനേജർ പി.തങ്കപ്പൻ, ഡയറ്റ് പ്രിൻസിപ്പൽ എ.രാജേന്ദ്രൻ, പ്രോഗ്രാം കണ്‍വീനർ എം.കൃഷ്ണദാസ്, വിദ്യാഭ്യാസ സംരക്ഷണയജ്ഞം കോ-ഓർഡിനേറ്റർ ടി.ജയപ്രകാശ്, അധ്യാപക സംഘടന പ്രതിനിധികളായ എം.എ.അരുണ്‍കുമാർ, എം.ആർ.മഹേഷ് കുമാർ, കരീം പടുകുണ്ടിൽ, ഹമീദ് കൊന്പത്ത്, ബി.സുനിൽകുമാർ, ഷാജി എസ്.തെക്കേതിൽ, എ.ജെ.ശ്രീനി, സതീഷ് മോൻ, സിദ്ദീഖ് പാറോക്കോട്, എം.കരീം, ഡിഇഒ മാരായ അബ്ദുൾ മജീദ്, ജയശ്രീ, എഇഒ സുബ്രഹ്മണ്യൻ, ഹയർസെക്കൻഡറി ജില്ലാ കോ-ഓർഡിനേറ്റർ കുഞ്ഞുണ്ണി, കൈറ്റ് ജില്ലാ കോ-ഓർഡിനേറ്റർ വി.പി.ശശികുമാർ, മോയൻ എച്ച്എസ് എസ് പ്രിൻസിപ്പൽ അനിൽ, പ്രധാനാധ്യാപകരായ എ.ശിവദാസൻ, യു.ശിവദാസൻ എന്നിവർ പ്രസംഗിച്ചു.
പി.എം.മധു, സൈമണ്‍, പ്രഭുൽകുമാർ, എം.എസ്.കരീം മസ്താൻ, ശശീന്ദ്രൻ, ആർ.ശാന്തകുമാരൻ, ടി.ഷൗക്കത്തലി, സി.എച്ച്.സുൽഫിക്കറലി, എം.മണികണ്ഠൻ, എം.കെ.സെയ്ത് ഇബ്രാഹിം, ധീരജ്, ശിവഹരി നേതൃത്വം നല്കി.
