പൈ​ക്കാ​ട​ൻമ​ലയിലേത് സോ​യി​ൽ പൈ​പ്പിം​ഗ്‌​ പ്ര​തി​ഭാ​സ​മ​ല്ലെ​ന്ന് ജി​യോ​ള​ജി​സ്റ്റ്; ക്വാ​റി മാ​ഫി​യയ്​ക്ക് വേ​ണ്ടി​യു​ള്ള റി​പ്പോ​ർ​ട്ടെ​ന്ന് പ​രി​സ്ഥി​തി പ്ര​വ​ർ​ത്ത​ക​ർ

മു​ക്കം: കാ​ര​ശേ​രി ഗ്രാ​മ​പ​ഞ്ചാ​യ​ത്തി​ലെ തോ​ട്ട​ക്കാ​ട് പൈ​ക്കാ​ട​ൻ മ​ല​യി​ൽ ക​ണ്ടെ​ത്തി​യ​ത് സോ​യി​ൽ പൈ​പ്പിം​ഗ്‌​പ്ര​തി​ഭാ​സ​മ​ല്ലെ​ന്ന് കോ​ഴി​ക്കോ​ട് ജി​ല്ലാ ജി​യോ​ള​ജി​സ്റ്റ്.​നേ​ര​ത്തെ ന​ട​ത്തി​യ സം​യു​ക്ത പ​രി​ശോ​ധ​ന​യെ തു​ട​ർ​ന്ന് ജി​ല്ലാ ക​ള​ക്ട​ർ​ക്ക് ന​ൽ​കി​യ റി​പ്പോ​ർ​ട്ടി​നെ ത​ള്ളു​ന്ന​താ​ണ് പു​തി​യ റി​പ്പോ​ർ​ട്ട്. വി​വ​രാ​വ​കാ​ശ നി​യ​മ​പ്ര​കാ​രം തോ​ട്ടു​മു​ക്കം സ്വ​ദേ​ശി ബാ​ല​കൃ​ഷ്ണ​ൻ കൊ​ല്ലേ​ല​ത്തി​ന് ല​ഭി​ച്ച മ​റു​പ​ടി​യി​ലാ​ണ് ഇ​ക്കാ​ര്യം വ്യ​ക്ത​മാ​ക്കി​യ​ത്.​ ഇ​തോ​ടെ ജി​ല്ലാ ജി​യോ​ള​ജി​സ്റ്റി​നെ​തി​രെ പ​രി​സ്ഥി​തി പ്ര​വ​ർ​ത്ത​ക​രും രം​ഗ​ത്തെ​ത്തി​യി​ട്ടു​ണ്ട്.

സം​സ്ഥാ​ന​ത്ത് പ്ര​ള​യം കൊ​ടു​മ്പി​രി​ കൊ​ള്ളു​ന്ന സെ​പ്റ്റം​ബ​ർ മാ​സ​ത്തി​ലാ​ണ് കു​മാ​ര​നെ​ല്ലൂ​ർ വി​ല്ലേ​ജി​ൽപെ​ട്ട പൈ​ക്കാ​ട​ൻ​മ​ല​യി​ൽ സോ​യി​ൽ പൈ​പ്പിം​ഗ് പ്ര​തി​ഭാ​സം ക​ണ്ടെ​ത്തി​യ​ത്. ഉ​ട​ൻ ത​ന്നെ വി​വി​ധ വ​കു​പ്പു​ക​ളു​ടെ നേ​തൃ​ത്വ​ത്തി​ൽ സ്ഥ​ല​ത്ത് പ​ഠ​നം ന​ട​ത്തു​ക​യും ചെ​യ്തു. സി​ഡ​ബ്ല്യു​ആ​ർ​ഡി​എം, ജി​യോ​ള​ജി വ​കു​പ്പ്, സോ​യി​ൽ ക​ൺ​സ​ർ​വേ​ഷ​ൻ ഡി​പ്പാ​ർ​ട്ട്മെ​ന്‍റ്, സം​സ്ഥാ​ന ദു​ര​ന്ത​നി​വാ​ര​ണ അ​തോ​റി​റ്റി എ​ന്നി​വ​ർ സം​യു​ക്ത​മാ​യി പ​രി​ശോ​ധ​ന ന​ട​ത്തു​ക​യും ഈ പ്രതിഭാസം സോ​യി​ൽ പൈ​പ്പിം​ഗ് ത​ന്നെ​യാ​ണെ​ന്ന് ഈ ​വി​ദ​ഗ്ധ​സം​ഘം ജി​ല്ലാ ക​ള​ക്ട​ർ​ക്ക് റി​പോ​ർ​ട്ട് സ​മ​ർ​പ്പി​ക്കു​ക​യും ചെ​യ്തു .

സി​ഡ​ബ്ല്യു​ആ​ർ​ഡി​എം സീ​നി​യ​ർ പ്രി​ൻ​സി​പ്പ​ൽ ശാ​സ്ത്ര​ജ്ഞ​ൻ ഡോ. ​ദി​നേ​ശ​ന്‍റെ നേ​തൃ​ത്വ​ത്തി​ൽ ഉ​ദ്യോ​ഗ​സ്ഥ​ർ സ്ഥ​ലം സ​ന്ദ​ർ​ശി​ച്ച് ന​ട​ത്തി​യ പ​ഠ​നറി​പോ​ർ​ട്ടാ​ണ് ക​ള​ക്ട​ർ​ക്ക് സ​മ​ർ​പ്പി​ച്ച​ത്. പ്ര​ദേ​ശ​ത്ത് സോ​യി​ൽ പൈ​പ്പി​ംഗ് പ്ര​തി​ഭാ​സം അ​തീ​വ ഗു​രു​ത​ര​മാ​ണെ​ന്നും പ്ര​തി​ഭാ​സം തു​ട​രു​ന്ന സാ​ഹ​ച​ര്യ​ത്തി​ൽ ക​ന​ത്ത​മ​ഴ ഉ​ണ്ടാ​വു​ന്ന സ​മ​യ​ത്ത് സ​മീ​പ വാ​സി​ക​ളെ മാ​റ്റി​പ്പാ​ർ​പ്പി​ക്ക​ണ​മെ​ന്നും റി​പ്പോ​ർ​ട്ടി​ൽ നി​ർ​ദേ​ശി​ച്ചി​രു​ന്നു .ഈ ​റി​പ്പോ​ർ​ട്ടി​നെ മ​റി​ക​ട​ന്നാ​ണ് ഇ​പ്പോ​ൾ ജി​യോ​ള​ജി​സ്റ്റ് സോ​യി​ൽ പൈ​പ്പിം​ഗ് പ്ര​തി​ഭാ​സ​മ​ല്ല​ന്ന് പ​റ​യു​ന്ന​ത്. ഇ​ത് ക്വാ​റി മാ​ഫി​യ​യെ സ​ഹാ​യി​ക്കാ​ൻ വേ​ണ്ടി​യാ​ണ​ന്ന് ബാ​ല​കൃ​ഷ്ണ​ൻ പ​റ​ഞ്ഞു.

റി​പ്പോ​ർ​ട്ട് അ​ട്ടി​മ​റി​ച്ച​തി​ൽ ജി​ല്ലാ ക​ള​ക്ട​ർ​ക്ക് പ​ങ്കു​ള്ള​താ​യി സം​ശ​യി​ക്കു​ന്ന​താ​യും അ​ദ്ദേഹം പ​റ​ഞ്ഞു. ബാ​ല​കൃ​ഷ്ണ​ൻ കൊ​ല്ലേ​ല​ത്ത് പാ​ട്ട​ത്തി​നെ​ടു​ത്ത കൃ​ഷി സ്ഥ​ല​ത്താ​ണ് അ​ഞ്ച് ഭാ​ഗ​ങ്ങ​ളി​ൽ പ്ര​തി​ഭാ​സ​മു​ണ്ടാ​യ​ത്. സം​ഭ​വ​ത്തെ തു​ട​ർ​ന്ന് തോ​ട്ടു​മു​ക്കം ഹ​യ​ർ സെ​ക്ക​ൻ​ഡ​റി സ്കൂ​ളി​ലേ​ക്കും ബ​ന്ധു വീ​ട്ടു​ക​ളി​ലേ​ക്കും 12 കു​ടും​ബ​ങ്ങ​ളെ മാ​റ്റി പാ​ർ​പ്പി​ച്ചി​രു​ന്നു. മ​ണ്ണി​ന​ടി​യി​ൽ നി​ന്ന് മ​ണ​ലും ചീ​ടി​യും ഉ​ൾ​പ്പെ​ടെ പൊ​ങ്ങി വ​രു​ന്ന അ​വ​സ്ഥ​യാ​ണ് സോ​യി​ൽ പൈ​പ്പി​ംഗ് പ്ര​തി​ഭാ​സം.